კახეთის მუნიციპალიტეტებს ახალი სამგზავრო ავტობუსები გადაეცა

კახეთის მუნიციპალიტეტებს ახალი სამგზავრო ავტობუსები გადაეცა

კახეთში, რეგიონის მუნიციპალიტეტებისთვის ახალი სამგზავრო ავტობუსების გადაცემის ღონისძიება გაიმართა.

ღონისძიებას კახეთის მხარეში სახელმწიფო რწმუნებულთან, გიორგი ალადაშვილთან, პარლამენტის წევრებთან – ირაკლი ქადაგიშვილთან, დავით სონღულაშვილთან, გელა სამხარაულთან და დავით მათიკაშვილთან ერთად დავესწარი.

საქართველოს მთავრობის გადაწყვეტილებით რეგიონებისთვის ახალი ავტობუსების შეძენა განხორციელდა. პროექტის ფარგლებში „ისუზუს“ ფირმის 154 ერთეული, 8-მეტრიანი ავტობუსების შესყიდვა განხორციელდა, რომლებიც ქვეყნის 38 მუნიციპალიტეტში გადანაწილდა.

პროექტის ფარგლებში, სიღნაღს 3 ერთეული ახალი, სამგზავრო ავტობუსი გადაეცა, ავტობუსები მოქალაქეების შიდა და საქალაქთაშორისო ტრანსპორტირებას მოემსახურება. თანამედროვე სტანდარტებით აღჭურვილი ავტობუსები 47 მგზავრზეა გათვლილი და ადაპტირებულია შეზღუდული შესაძლებლობების მქონე პირებისთვის.

ახალი, კომფორტული, EURO 5-ი სტანდარტის ავტობუსების შეძენით, კახეთის რეგიონში მცხოვრებ მოსახლეობას წლების განმავლობაში არსებული შიდა სატრანსპორტო გადაადგილებასთან დაკავშირებული პრობლემა მოუგვარდება. ასევე, შეიქმნება ახალი სამუშაო ადგილები, რაც მოსახლეობის ცხოვრების პირობების გაუმჯობესებაზე დადებითად აისახება.