საქართველოს ადვოკატთა დამოუკიდებელი პროფკავშირი დავით ასათიანს გამარჯვებას ულოცავს

საქართველოს ადვოკატთა დამოუკიდებელი პროფკავშირი ულოცავს საქართველოს ადვოკატთა კორპუსს და ადვოკატთა ასოციაციის ახლადარჩეულ თავმჯდომარეს, ბატონ დავით ასათიანს მეორე ტურში დამაჯერებელ გამარჯვებას მაღალი ლეგიტიმაციით და უსურვებს მას წარმატებებს. უნდა აღინიშნოს, რომ არჩევნები ჩატარდა მშვიდ ვითარებაში, ყოველგვარი დარღვევის გარეშე. ადვოკატთა ასოციაციის არჩევნების მეორე ტურში მონაწილეობა მიიღო 1022 -მა ადვოკატმა, რაც მეორე ტურისათვის საკმაოდ დიდ დასწრების მაჩვენებელზე მიანიშნებს. უმრავლესობამ 922 ხმით არჩევანი დავით ასათიანის სასარგებლოდ გააკეთა.