მსოფლიო

კუნძულ სუმატრაზე ვულკანი გააქტიურდა

ინდონეზიის კუნძულ სუმატრაზე ვულკანის გააქტიურების გამო, ხელისუფლებამ ავიაკომპანიებისთვის საფრთხის უმაღლესი დონე გამოაცხადა. ვულკანი ჰაერში ფერფლს შვიდი კილომეტრის სიმაღლეზე აფრქვევს.

ვულკანი სინაბუნგი საერთაშორისო აეროპორტიდან სამხრეთ-დასავლეთით, 75 კილომეტრში მდებარეობს. ვულკანის გააქტიურების გამო, აჩეჰის პროვინციაში მდებარე რეგიონული აეროპორტი დაიხურა.

ვულკანის გააქტიურებამ მიწისქვეშა ბიძგები გამოიწვია. ხელისუფლება მოსახლეობას მოუწოდებს, კრატერიდან შვიდი კილომეტრის რადიუსის ზონას მოერიდონ.

ვულკანი სინაბუნგი ინდონეზიაში ერთ-ერთი ყველაზე აქტიურია. 2014 წელს ამ ვულკანის ამოფრქვევას ათზე მეტი ადამიანის სიცოცხლე ემსხვერპლა.

Related Articles

Leave a Reply

Your email address will not be published. Required fields are marked *

Back to top button
Close