,,ამ ხელისუფლებას თავისუფლად შეიძლება ეწოდოს ,,ნაციონალური ოცნების” ხელისუფლება”

,,იმ ,,კვლევების” თანახმად, რომელთა შედეგებიც ვრცელდება, გამოდის, რომ თბილისს ძალიან მოწონდა წინა ხელისუფლება, იგივე სააკაშვილის რეჟიმი. მეტიც, დღესაც აღტაცებულია უგულავას მერობის პერიოდით და მზადაა, კვლავ ნაცებისა და ბოკერიების პარტიებს აჩუქოს მომავალი. ზუსტად ის ხდება, რაც ჯერ კიდევ 2 თვის წინ ვთქვი. კვირიკაშვილის ხელისუფლება მიზანმიმართულად აძლიერებს ნაცებს და ე.წ. ევროოცნებას, ბოკერიას ჯგუფის სახით. ესაა ხელისუფლება, რომელსაც უკვე თავისუფლად შეიძლება ეწოდოს “ნაციონალური ოცნების” ხელისუფლება” _ აცხადებს პარლამენტის ვიცე-სპიკერი ირმა ინაშვილი.