19 ივლისიდან საქართველოში წვიმაა მოსალოდნელი

სინოპტიკოსების ინფორმაციით, 19-20 ივლისს საქართველოს უმეტეს რაიონში ხანმოკლე წვიმა და ელჭექია ნავარაუდევი. დასავლეთ საქართველოში ჰაერის ტემპერატურა დაიკლებს და 29-31 გრადუსი იქნება.

რაც შეეხება 17-18 ივლისის ამინდის პროგნოზს, საქართველოს მასშტაბით სიცხეები შენარჩუნდება. დასავლეთ საქართველოში დღეს და ხვალ 36-38 გრადუსია მოსალოდნელი, აღმოსავლეთში – 35-37.

17 ივლისს საქართველოში მაქსიმალური ტემპერატურა 2000 წელს +37.2 გრადუსი დაფიქსირდა, მინიმალური – 1884 წელს +13.6 გრადუსი.