წნორში დატრიალებული ტრაგედიის დეტალები

როგორც გარდაცვლილის ნათესავმა გამოცემას „მთავარი ამბები კახეთიდან“ აცნობა, ქალმა სიკვდილამდე თავად თქვა, რომ ცოლ-ქმარს შორის დაპირისპირების განმუხტვის მცდელობისას მამაკაცმა მას მუცლის არეში დაარტყა. ამის შემდეგ მისი ჯანმრთელობის მდგომარეობა დამძიმდა და მალევე გარდაიცვალა. ფაქტს ქალის მცირეწლოვანი ვაჟიც შეესწრო.

ოჯახი სამხარაულის სახელობის ექსპერტიზის ბიუროს დასკვნას ელოდება, რომელმაც გარდაცვალების ზუსტი მიზეზი უნდა დაადგინოს. ისინი სამართლებრივი დავის დაწყებასაც არ გამორიცხავენ.

შსს-მ გამოძიება ოჯახში ძალადობის მუხლით დაიწყო.