უცნობი მამაკაცი “ტაბულას” თანამშრომლებს დაწვით ემუქრება

“რამდენიმე წუთის წინ, ტაბულას ოფისში მოვიდა კაცი, რომელიც აცხადებს, რომ “საპატრიარქოს ცერბერია”. გვეუბნება, რომ თუ 1 თვის ვადაში ოფისს არ დავცლით, დაგვწვავს.

ველოდებით პოლიციას.

UPDATE: ადგილზე მოვიდა საპატრულო პოლიცია, რომელსაც ასევე დაუდასტურა, რომ მუქარის “შემსრულებელია” და ვერავინ დაიჭერს, რადგან სნაიპერია.

ცხადია, ჩვენ ვერ ვიმსჯელებთ მის ჯანმრთელობის მდგომარეობაზე, თუმცა ფაქტია, რომ ის მანქანას მართავს.” – ინფორმაცია “ტაბულას” ფეისბუქ გვერდზე ვრცელდება.

მომხდარ ფაქტს გამოეხმაურა “ტაბულას” დირექტორი თამარ ჩერგოლეიშვილი:

”

მოვედი სამსახურში. პატრული აქ არის. გამომძიებელს ველოდები.

პატრულსაც დაუდასტურა, რომ დაწვას გვიპირებს.

ლევან სუთიძეს უთვალთვალებს – იცის როდის გამოდის ოფისის აივანზე, როგორ ეწევა სიგარეტს (იმიტირებას აკეთებდა), უყურებს მის გადაცემებს – იცის მისი კითხვების შინაარსი.

სახელი და გვარი – გოჩა მაისურაძე.

არ ვიცი შერაცხადია, თუ შეურაცხადი – მაგრამ საჭესთან ზის და მანქანას მართავს.

საზოგადოებისთვის საშიშია.

ესაა მოკლედ.” – წერს ჩერგოლეიშვილი.

https://m.facebook.com/story.php?story_fbid=1907707159258337&id=133052760057128