საზოგადოება

ადვოკატთა ასოციაცის თავმჯდომარე პარლამენტის იურიდიული კომიტეტის თავმჯდომარეს შეხვდა

  ადვოკატთა ასოციაციის თავმჯდომარესა და საქართველოს პარლამენტის იურიდიული კომიტეტის თავმჯდომარეს შორის საკანონმდებლო ცვლილებების პაკეტთან დაკავშირებით სამუშაო შეხვედრა გაიმართა. დავით ასათიანმა და ანრი ოხანაშვილმა ადვოკატთა ასოციაციის მიერ პარლამენტში წარდგენილი, ადვოკატის პროფესიასა და საქმიანობასთან დაკავშირებული ისეთი საკითხები განიხილეს, როგორებიცაა:

  • სამოქალაქო დავებზე პირველ ინსტანციაში სასამართლო წარმომადგენლობა ექსკლუზიურად ადვოკატის მიერ;
  • უკანონო საადვოკატო საქმიანობის აკრძალვა;
  • ადვოკატის სტაჟიორის საპროცესო უფლებამოსილებების გაზრდა;
  • სასამართლო ხარჯების სამართლიანი განაწილების პრინციპი სამოქალაქო საპროცესო კოდექსის მიხედვით;
  • „პერსონალურ მონაცემთა დაცვის შესახებ“ კანონის მოქმედება ადვოკატის საქმიანობაზე;
  • სახელმწიფო ბაჟი ადვოკატის ჰონორართან დაკავშირებულ დავებზე, და სხვა მნიშვნელოვანი საკითხები.

შეხვედრას ადვოკატთა ასოციაციისა და იურიდიული კომიტეტის წარმომადგენლებიც ესწრებოდნენ.

საკანონმდებლო ცვლილებების პაკეტის დასამტკიცებლად საკანონმდებლო პროცედურები პარლამენტში უახლოეს მომავალში დაიწყება.

 

 

Related Articles

Leave a Reply

Your email address will not be published. Required fields are marked *

Back to top button
Close