პოლიტიკა

“პრეზიდენტი კი არ არის იზოლაციაში, არამედ მმართველი გუნდი აღმოჩნდა იზოლაციაში”

პრეზიდენტი კი არ არის იზოლაციაში, არამედ მმართველი გუნდი აღმოჩნდა იზოლაციაში, – ასე გამოეხმაურა პრეზიდენტის პრესსპიკერი ეკა მიშველაძე საქართველოს პარლამენტის თავმჯდომარის, ირაკლი კობახიძის განცხადებას იმის შესახებ, რომ საკონსტიტუციო კომისიის მუშაობაში პრეზიდენტის პოზიტიური როლის გამოკვეთა შეუძლებელია.

პრეზიდენტის ადმინისტრაციაში მიიჩნევენ, რომ მსგავსი განცხადებები მმართველ გუნდს საერთაშორისო კრიტიკის ობიექტად აქცევს.

“განცხადებები იმის თაობაზე, რაც ისმის ბოლო დროს, რომ უშიშროების საბჭოს არ ეხება ოკუპაცია; რომ კონსტიტუციის განხილვა არ ეხება ლეგიტიმურად არჩეულ პრეზიდენტს და კონსტიტუციის გარანტს, ჩვენი აზრით, ზოგადად სცილდება კომენტირების ზღვარსაც კი. ასეთ ვითარებაში პრეზიდენტი კი არ არის იზოლაციაში, არამედ მმართველი გუნდი აღმოჩნდა იზოლაციაში, რასაც ჩვენ თავიდანვე აღვნიშნავდით. სამწუხაროდ, იქმნება საფრთხე, რომ მმართველი გუნდი ამ განცხადებების საფუძველზე გახდეს ძალიან სერიოზული საერთაშორისო კრიტიკის ობიექტი”,- განაცხადა ეკა მიშველაძემ.

პრეზიდენტი ოთხი თვის განმავლობაში აბსოლუტურად გაუგებარი მიზეზის გამო უარს ამბობდა საკონსტიტუციო კომისიის მუშაობაში ჩართვაზე, ასეთ დროს მისი პოზიტიური როლის გამოკვეთა არის პრაქტიკულად შეუძლებელი, – ამის შესახებ პარლამენტის თავმჯდომარე ირაკლი კობახიძემ ჟურნალისტებს განუცხადა, როდესაც უპასუხა კითხვას, გამორიცხავს თუ არა კონსტიტუციის თემაზე პრეზიდენტის ადმინისტრაციასთან რაიმე მოლაპარაკებას.

Related Articles

Leave a Reply

Your email address will not be published. Required fields are marked *

Back to top button
Close