All for Joomla All for Webmasters

რელიგია

მთავარი რელიგია

საპატრიარქო სამხრეთ ოსეთის სასაზღვრო ზოლის გადმოწევასთან დაკავშირებით განცახდებას ავრცელებს

საქართველოს საპატრიარქო სამხრეთ ოსეთის ე.წ. სასაზღვრო ზოლისგადმოწევასთან დაკავშირებით განცხადებას ავრცელებს სადაც ნათქვამია, რომ პრობლემის მოსაგვარებლად აუცილებელია საერთაშორისო ორგანიზაციებისა და საქართველოს მეგობარი ქვეყნების ძალისხმევის გააქტიურება. 

განხადებას, რომელიც საპატრიარქოს ოფიციალურ ვებგვერდზეა განთავსებული, უცვლელად გთავაზობთ:

“ე.წ. “სამხრეთ ოსეთის” სასაზღვრო ზოლის გადმოწევის შესახებ აღაშფოთა საქართველოს მოსახლეობა. სამწუხაროდ, უკვე არაერთხელ გავხდით მოწმე მსგავსი ქმედებისა, ვინაიდან ჩვენის მხრიდან ძალისმიერი წინააღმდეგობის გაწევა შეიძლება დიდი პროვოკაციის მიზეზად იქცეს, აუცილებელია საერთაშორისო ორგანიზაციებისა და საქართველოს მეგობარი ქვეყნების ძალისხმევის გააქტიურება, რომ აღნიშნული პროცესი შეჩერდეს და გამოსწორდეს.

შევთხოვთ ღმერთს, დაიცვას ჩვენი ქვეყანა და აღუდგინოს მას თავისი საზღვრები.”

რას ნიშნავს სეფისკვერის ორად გაყოფილი ფორმა?

რას ნიშნავს სეფისკვერის ორად გაყოფილი ფორმა? რის ნიშნად გამოისახება მასზე ჯვარი და რას ნიშნავს წარწერა: ,,იესო ქრისტე ძლევაი?”

სეფისკვერი ორნაწილიანია ნიშნად ქრისტეს ორბუნებიანობისა – მასში ღვთაებრივ და ადამიანურ ბუნებათა შეერთებისა. ამასთანავე, მისი ორად გაყოფილი ფორმა მიგვანიშნებს ზეციური და მიწიერი ეკლესიის ერთობაზე. ჯვარი კი გამოსახულია ნიშნად იმისა, რომ სეფისკვერი განუყოფელია ღვთისმსახურებისთვის.

წარწერა ,,იესო ქრიტე  ძლევაი” გვახსენებს, რომ იესო ქრისტემ სძლია ბოროტებას, სიკვდილისა და ჯოჯოხეთის მეუფებას და კაცობრიობა ცოდვის მონობისაგან გამოიხსნა.

საინტერესოა ისიც, შეუძლია თუ არა წირვის შემდეგ სეფისკვერის მიღება ადამიანს, რომელიც უზმოზე არ არის? ასევე, არსებობს სეფისკვერის შინ წაღების და მისი ყოველ დილით უზმოზე მიღები წესი…

სასულიერო პირები ამბობენ, რომ ვინც უზმოზე არ არის, სასურველია, სეფისკვერი არ მიიღოს. გამონაკლისი დაიშვება მოძღვრის კურთხევით ბავშვებისა და სნელებაში მყოფთათვის.

სეფისკვერის მიღება ორგანიზმიდან განდევნის ყოველივე უარყოფითს – ემოციები იქნება ეს, სნეულებანი თუ სხვა. ამავდროულად წმენდს გულსა და გონებას, კურნავს სულიერ დაავადებებს. მისი მიღება ადამიანს მატებს ძალას, რათა დილიდანვე მზად იყოს უფლის მსახურებისთვის.

ყოველ დილით, უზმოზე, მორწმუნენი სეფისკვერს იხმევენ საკურნებელად სულისა და ხორცისა, მაგრამ იმისათვის, რომ წმინდა პურმა მაკურნებელად იმოქმედოს, ის აუცილებლად რწმენით, ღვთის შიშითა და სასოებით უნდა მივიღოთ.

რატომ მივმართავთ ღმერთს შენობით?

რატომ მივმართავთ ღმერთს შენობით? როგორც სასულიერო პირები აცხადებენ, ღმერთთან ურთიერთობა ინტიმურ ხასიათს ატარებს, უფალი მამაა და თქვენოთ მიმართვა მასთან გაგვაუცხოებს. ღმერთი ყველაზე ახლობელი და ძვირფასია ჩვენთვის, იგი მეგობარია ჩვენი და ბუნებრივია, მას მხოლოდ შენობით უნდა მივმართოთ. სხვანაირად ეს სიახლოვე (მისგანვე მომდინარე) დაიკარგა.

რატომ ვიკეთებთ მართლმადიდებლები საქორწინო ბეჭედს მარჯვენა ხელზე?

ბევრმა არ იცის, რატომ ვიკეთებთ მართლმადიდებლები საქორწინო ბეჭედს მარჯვენა ხელზე და არა მარცხენაზე. საქმე იმაშია, რომ ადამიანი საქმეს მარჯვენა ხელით აკეთებს და მარჯვენას ყოველთვის უპირატესობას ანიჭებს. მარჯვენით ვწერთ, ვიბრძვით, ვესალმებით, პირჯვარს ვიწერთ… იერარქიულად, მარჯვნივ დგომა აღემატება მარცხნივ დგომას. ეპისკოპოსს ღვთისმსახურებისას მარჯვნივ უპირატესი მღვდელი უდგას. მეფეც მარჯვნივ თანამეფე შვილს ისვამდა. ძე ღმერთიც ადამიანური ბუნებით დაჯდა მარჯვნივ მამისა და კაცობრივმა ბუნებამ ღვთაებრივის თანასწორი ძალაუფლება მიიღო.

საქორწინო ბეჭედი, რომელიც მარადისობის სიმბოლოა (რგოლს არც დასაწყისი აქვს და არც დასასრული) და ცოლ-ქმრის მარადიული ერთად ყოფნის ნიშანია. სასურველია, ის მხოლოდ მარჯვენა ხელზე ეკეთოს დაქორწინებულს, რამეთუ უფალთან ცოლ-ქმრის მარადიულად ერთად ყოფნა ჩვენს ღვაწლზე, მართალ ცხოვრებაზეც არის დამოკიდებული.

მამა გიორგის გამოძიების დასრულებამდე სამღვდელო ხარისხი და საღმრთო ზიარება შეუჩერდა

დეკანოზ გიორგი მამალაძესთან დაკავშირებით ბათუმისა და ლაზეთის ეპარქია განცხადებას ავრცელებს. 

როგორც განცხადებაშია აღნიშნული, დღეს, 27 ივნისს, ბათუმისა და ლაზეთის ეპარქიის მღვდელმთავარს დაუკავშირდა საქართველოს საპატრიარქოს წარმომადგენელი და აუწყა მისი უწმინდესობის ლოცვა-კურთხევა, მიეღო გადაწყვეტილება დეკანოზ გიორგი მამალაძის ზიარებასთან დაკავშირებით. ბათუმისა და ლაზეთის მიტროპოლიტმა დიმიტრიმ მიიღო გადაწყვეტილება, როგორც დეკანოზ გიორგი მამალაძის მაკურთხეველმა მღვდელმთავარმა, რომ გამოძიების დასრულებამდე შეუჩერდეს სამღვდელო ხარისხი და საღმრთო ზიარება. დანაშაულის დამტკიცების შემთხვევაში მისი საკითხი გადაეცეს წმინდა სინოდს შემდგომი გადაწყვეტილების მისაღებად.

“დეკანოზ გიორგი მამალაძის ზიარებასთან დაკავშირებით გვსურს განვაცხადოთ, რომ სჯულის კანონის თანახმად, როდესაც სასულიერო პირს წაეყენება ბრალდება, გამოძიების დასრულებამდე უჩერდება სამღვდელო მსახურების აღსრულების უფლება, ხოლო შემდგომ, დანაშაულის დამტკიცების შემთხვევაში წმინდა სინოდი ღებულობს გადაწყვეტილებას საერთოდ განიკვეთოს, თუ მას გარკვეული პეროდით შეუჩერდეს მღვდლობა.

დეკანოზ გიორგი მამალაძეს აქვს წაყენებული მძიმე ბრალდებები. იმედს გამოვთქვამთ, რომ ის თავის სიმართლეს დაამტკიცებს, რაშიც თავადვე გვარწმუნებს. საღმრთო ზიარების მიღება არის შედეგი მონანული, განწმენდილი და გამართლებული ადამიანისათვის, სხვა შემთხვევაში გაჩნდება კითხვა, ხომ არ სცნო ის ეკლესიამ უდანაშაულოდ გამოძიების დასრულებამდე და ამიტომ მიენიჭა მას საღმრთო ზიარების უფლება.

რაც შეეხება ბოდბელ ეპისკოპოს იაკობის მიერ ეპიტემიის (სასჯელის) დადებას, ჩვენ ღრმად ვიყავით დარწმუნებული (ეს საპატრიარქოს წარმომადგენლებმა დაადასტურეს სატელევიზიო ეთერის საშუალებით), რომ ეს იყო პატრიარქთან შეთანხმებული და მისი ლოცვა-კურთხევით, რაც სამწუხაროდ არ აღმოჩნდა სიმართლე. ეპისკოპოსმა იაკობმა თვითნებურად მიეღო ეს გადაწყვეტილება, რისი უფლებაც მას არ ჰქონდა.

დღეს, 2017 წლის 27 ივნისს, ბათუმისა და ლაზეთის ეპარქიის მღვდელმთავარს დაუკავშირდა საქართველოს საპატრიარქოს წარმომადგენელი და აუწყა მისი უწმინდესობის ლოცვა-კურთხევა, მას მიეღო გადაწყვეტილება დეკანოზ გიორგი მამალაძის ზიარებასთან დაკავშირებით. ბათუმისა და ლაზეთის მიტროპოლიტმა დიმიტრიმ მიიღო გადაწყვეტილება, როგორც დეკანოზ გიორგი მამალაძის მაკურთხეველმა მღვდელმთავარმა, რომ გამოძიების დასრულებამდე შეუჩერდეს სამღვდელო ხარისხი და საღმრთო ზიარება. დანაშაულის დამტკიცების შემთხვევაში მისი საკითხი გადაეცეს წმინდა სინოდს შემდგომი გადაწყვეტილების მისაღებად.

ბათუმისა და ლაზეთის ეპარქია ლოცვითა და სასოებით ველოდებით, რომ დეკანოზი გიორგი მამალაძე დაამტკიცებს თავის უდანაშაულობას და დაუბრუნდება სამღვდელო დასს”, – აღნიშნული განცხადებაში.

საპატრიარქო განცხადებას ავრცელებს

საქართველოს საპატრიარქოს განცხადებით, მათ მიერ გამოქვეყნებული აუდიოჩანაწერი, რომელიც სრულად ასახავდა დეკანოზ გიორგი მამალაძის ოჯახის წევრების საპატრიარქოში შეხვედრას, გაურკვეველი მიზეზების გამო მოულოდნელად დაიბლოკა.

“ჩვენს მიერ გამოქვეყნებული აუდიოჩანაწერი, რომელიც სრულად ასახავდა დეკანოზ გიორგი მამალაძის ოჯახის წევრების საპატრიარქოში შეხვედრას, გაურკვეველი მიზეზების გამო მოულოდნელად დაიბლოკა და უკვე დილიდან იგი საიტზე აღარ არის. ვარკვევთ ამის მიზეზებს, მანამდე კი დაინტერესებულ პირებს შეუძლიათ იგივე ჩანაწერი იხილონ საპატრიარქოს ტელევიზია “ერთსულოვნების” გვერდზე”, – ნათქვამია განცხადებაში.
დეკანოზი გიორგი მამალაძე 2017 წლის 10 თებერვალს დააკავეს. პროკურატურის ინფორმაციით, გამოძიება 2017 წლის 2 თებერვალს ერთ-ერთი მოქალაქის განცხადების საფუძველზე დაიწყო, რომელმაც საქართველოს პროკურატურას მიმართა და მიუთითა, რომ მისმა ნაცნობმა მამა გიორგი მამალაძემ სთხოვა სიცოცხლისთვის საშიში შხამიანი ნივთიერების – ციანიდის მოძიებაში დახმარება, რომლის გამოყენებითაც ამ უკანასკნელს მაღალი იერარქიის სასულიერო პირი უნდა მოეწამლა. ე.წ. ციანიდის საქმის არსებითი განხილვა საქალაქო სასამართლოში 19 მაისს დაიწყო. სახელმწიფო ბრალდებამ სასამართლო სხდომების დახურვა მოითხოვა, რაც მოსამართლემ დააკმაყოფილა.

საქართველოს პატრიარქი მოსახლეობას თხოვნით მიმართავს

ილია მეორემ საკვირაო წირვა მღვდელმთავრებთან ერთად ჩაატარა და საზოგადოებას ქადაგებით მიმართა.

დღეს მართლმადიდებელი ეკლესია ღირსი იოანე მთაწმინდელის ხსენების დღეს აღნიშნავს. პატრიარქმა წმინდანის ღვაწლზე ისაუბრა და აღნიშნა, რომ წმინდა იოანემ გადაარჩინა ბიზანტიის იმპერია.

“მართლაც საოცარია განგება ღვთისა, ერი უნდა იყოს ღვთისა, რომ მისგან აღამაღლოს რჩეული ერისა. ასეთი რჩეული იყო იოანე, მხედართმთავარი საქართველოს ჯარისა, რომელმაც გადაწყვიტა წასულიყო ათონის მთაზე და მიეღო ბერობა. წმინდა იოანე განსაკუთრებულია, მან უხელმძღვანელა ჯარს და გადაარჩინა ბიზანტიის იმპერია”, – განაცხადა უწმინდესმა.

სოციალურ ქსელში საქართველოს პატრიარქის აუდიოჩანაწერი ვრცელდება

საქართველოს საპატრიარქო პატრიარქთან დეკანოზ გიორგი მამალაძის ოჯახის წევრების შეხვედრის აუდიოჩანაწერს ავრცელებს. ჩანაწერის მიხედვით, პატრიარქმა საუბრის ჩაწერა ითხოვა, რაზეც ოჯახის წევრებმა უთხრეს, რომ ჩამწერები არ ჰქონდათ.

„ჩაიწერეთ, რომ მერე არ იყოს ლაპარაკი, ეს ვთქვით და ეს არ გვითქვამს, მე ძალიან ვწუხვარ რომ ჩვენი გაცნობა ხდება ასეთი მძიმე საკითხის განხილვის გამო. დარწმუნებული ვარ, რომ ეს არის ბრძოლა არა მამა გიორგის წინააღმდეგ, არა სხვების წინააღმდეგ, არამედ ეკლესიის წინააღმდეგ არის ეს ბრძოლა.

მაგრამ უფალი ბრძანებს აღვაშენო ეკლესია ჩემი კლდესა ზედა და ბჭენი ჯოჯოხეთისანი ვერ მოერევიან მას. ჩემი აზრით, ჩვენ უნდა გვქონდეს ერთი სურვილი, რომ დადგინდეს სიმართლე. სიმართლემ უნდა იზეიმოს“, – აღნიშნა საქართველოს კათოლიკოს პატრიარქმა.

აუდიოჩანაწერი

წყარო: საზოგადოებრივი მაუწყებელი

პატრიარქის ქადაგება-იქნებ გვეფიქრა იმაზე, რომ საქართველო არის უძველესი მონარქიული ქვეყანა

სახელითა მამისათა და ძისათა და წმინდისა სულისათა

ჩვენთან არს ღმერთი

ძველ რომაელებს უთქვამთ: „დრონი იცვლებიან და ჩვენც ვიცვლებით მასთან ერთად.“ უპირველეს ყოვლისა, ყოველმა ადამიანმა უნდა იფიქროს, თუ როგორ იცვლება? შეიძლება სიკეთისაკენ იცვლებოდეს, შეიძლება, _ ბოროტებისკენ; ამიტომაც ეს თითოეულმა უნდა გააანალიზოს. ანალიტიკური აზროვნება ძალიან გვჭირდება.

წარსულ კვირას და დღეს არის ხსენება ყოველთა წმიდათა მსოფლიოში, საქართველოში, ათონის მთაზე და რუსეთში გაბრწყინვებულთა და ჩვენ შევთხოვთ მათ, რომ მათი ლოცვით ღმერთმა მშვიდობა მოგვცეს და ღმერთმა ინებოს, რომ მწუხარება ყოველი ადამიანისა სიკეთითა და სიხარულით შეიცვალოს.

„დიდ ხარ შენ უფალო და საკვირელ არიან საქმენი შენნი.“ დღეს რთული დროა. საქმე იმაშია, რომ მსოფლიოს ბოლომდე არ ესმის ქრისტიანობის მნიშვნელობა, მართლმადიდებლობის მნიშვნელობა. ეკლესიის მოვალეობაა  განუმარტოს მსოფლიოს, რომ ჩვენ სიკეთის მეტი არაფერი გვამოძრავებს. გვინდა სიკეთე სუფევდეს მსოფლიოში, ჩვენს საქართველოში და ყველგან. ამიტომ ჩვენ უნდა ვიქადაგოთ სიკეთე და სიყვარული,  ჩვენ უნდა ვაჩვენოთ სიკეთე.

ყოველ ადამიანს უნდა ჰქონდეს განცდა თვისთა ცოდვათა და არა განკითხვა ძმისა ჩვენისა. დღეს ხშირი შემთხვევაა, როცა მართლმადიდებლობას აკრიტიკებენ, მაგრამ მე დარმწუნებული ვარ, რომ ისევ მართლმადიდებლობა გადაარჩენს კაცობრიობას. მართლმადიდებლობა ყველაფერს გააკეთებს, რათა სიკეთე და სიყვარული სუფევდეს  მსოფლიოში.

საქართველო არის უძველესი ქვეყანა, უძველესი კულტურით. იქნებ გვეფიქრა იმაზე, თუ ვინ ვიყავით წარსულში, ვინ ვართ დღეს და ხვალ ვინ ვიქნებით. იქნებ გვეფიქრა იმაზე, რომ საქართველო არის უძველესი მონარქიული ქვეყანა. მას მეფე მართავდა და დღესაც ხშირი შემთხვევაა მსოფლიოში, როცა მონარქი მეფობს, მაგრამ არ მართავს. ამას ეწოდება კონსტიტუციური მონარქია და მას სიმშვიდე შემოაქვს ქვეყნაში. ეს, რა თქმა უნდა, დღეს და ხვალ ვერ მოხდება.

მე იმედი მაქვს, რომ ქართველი ადამიანი გამონახავს გზებს მშიდობისაკენ და ყველაფერს გააკეთებს იმისათვის, რომ მშვიდობა და სიყვარული სუფევდეს.

დღეს ხშირი შემთხვევაა, როცა ეკლესიას აკრიტიკებენ. არ უნდა შეგვეშინდეს ამისგან. უნდა გვახსოვდეს, რომ ეკლესია არის ნავთსაყუდელი, ეკლესია არის ის ძალა, რომელიც ბოროტებას სიკეთედ აქცევს.

მე მინდა კიდევ ერთხელ შეგახსნეოთ, რომ უფრო რთული და მძიმე წლები გამოუვლია ეკლესიას. უფალი ჩვენი  იესო ქრისტე ბრძანებს: კლდესა ამას ზედა დავაფუძნო ეკლესია და ბჭენი ჯოჯოხეთისანი ვერ მოერევიან მას.

ღმერთმა დაგლოცოთ! ყველაფერი კარგად იქნება! იმედით უნდა ვიყოთ, მომავლის იმედით!

დღეს ჩვენ ვლოცავთ შემდეგ გვარებს: კომშიაშვილები, გორელიშვილები, ჯაბნიაშვილები, ხაჩოშვილები და ჭითავები. ღმერთმა გაგახაროთ, გაგაძლიეროთ, გაგამრავლოთ და ბევრი სიკეთე გაგაკეთებინოთ საქართველოსთვის.

დღეს ვაჯილდოვებთ მღვდელ გაბრიელ კულუნბეგაშვილს. იგი აღყვანილია დეკანოზის ხარისხში და ეძლევა გამშვენებული ჯვრის ტარების უფლება. ხვალ სრულდება 70 წლის, იგი ყურადღებას აქცევდა მეუფე თადეოზს, ღმერთმა შეუწიროს ეს შრომა.

დალოცვილი იყავით.

ჩვენთან არს ღმერთი.

წყარო: patriarchate.ge

ქუთაისში ორსართულიანი ტაძარი აშენდება

ქუთაისში ცენტრალურ მოედანზე, ორსართულიანი ტაძარის აშენების შესახებ ინფორმაციას “ქუთაისიპოსი” პროექტის არქიტექტორზე ანდრო მარჯანიშვილზე დაყრდნობით ავრცელებს.

ავტორის თქმით, ორსართულიანი ტაძრის აშენების იდეა ქუთათელ-გაენათელ ეპისკოპოსს, მეუფე კალისტრატეს ეკუთვნის.

ანდრო მარჯანიშვილი ამბობს, რომ მეუფეს სურვილია ტაძარი “მაკდონალსდის” რესტონარანზე მაღალი გამოჩნდეს.

არქიტექტორის ინფორმაციით, ტაძარი დაახლოებით 700 კვ.მ-ზე განთავსდება, პირველი სართული ბაზილიკა იქნება, მეორე კი გუმბათოვანი.

“პროექტი ჯერ შემუშავების სტადიაშია,” – ამბობს ანდრო მარჯანიშვილი.

სხვადასხვა