,,ქვა-ღორღში ყვავილები როგორ დავრგოთ?” _ სკანდალური სკვერის ირგვლივ კონფლიქტი გრძელდება

ეს კადრები სიღნაღის მუნიციპალიტეტის სოფელ ანაგაშია გადაღებული, როდესაც სიღნაღის მერი, გიორგი  გოგილაშვილი სოფლის მოსახლეობას შეხვდა  და ე.წ. სოფლის პროგრამით გამოყოფილი თანხის გამოყენებისთვის, მათი აზრი მოისმინა.

ამ სოფელში რამდენიმე თვის წინ დასრულდა სოფლის სკვერი, რომელში დახარჯული თანხაც, მოსახლეობის აზრით, სათანადოდ არ იქნა ათვისებული და ფული გაიფლანგა. euronews.ge  ამ თემაზე უკვე წერდა.  სწორედ ამ სკანდალის გაგრძელებად შეიძლება ჩაითვალოს ეს სიუჯეტი, რომელიც ამ სოფლის მკვიდრმა, სამოქალაქო მოძრაობის ერთ-ერთმა ლიდერმა, ნინო გოგოლაშვილმა გადაიღო.