ცხოველთა სამყარო
ძაღლი გარდაცვლილი მეწაღის დაკეტილ ფარდულს არ შორდებოდა… – ამაღელვებელი ისტორია
![](https://euronews.ge/wp-content/uploads/2017/09/21272604_10154920737336659_8795416975430534616_n.jpg)
ჩვენმა მკითხველმა იცის ქართველი ,,ჰაჩიკოს” ამბავი. ჰაჩიკო პირობითად ვუწოდეთ ძაღლს, რომელსაც პატრონი ერთი წლის წინ გარდაეცვალა. სულ პატარა იყო ქუჩაში რომ შეხვდა მარტოხელა მეწაღეს. 5 წელი გრძელდებოდა მათი მეგობრობა. პატრონის გარდაცვალების შემდეგ, ერთი წლის განმავლობაში ძაღლი ღამეს იქვე მიტოვებული შენობის ნანგრევებში ათენებდა, დღე კი გარდაცვლილი მეწაღის დაკეტილ ფარდულს არ შორდებოდა.
![](http://euronews.ge/wp-content/uploads/2017/09/21272197_10154920736351659_6011461025802532674_n-300x200.jpg)
მოსახლეობამ გადაწყვიტა მისი მოშორება და 28 აგვისტოს ცხოველთა მონიტორინგის ცხელ ხაზზე დარეკეს.
გავიგეთ თუ არა ეს ამბავი შევხვდით შეროზიას ქუჩის მოსახლეობას, ავუხსენით, რომ მათ ქუჩაზე გაზრდილი და აწ გარდაცვლილ მეწაღესთან 5 წლიანი მეგობრობა ძაღლისთვის ძალიან ძვირფასია, რომ ის სხვაგან ვერ გაძლებს და მოკვდება. საუბარმა შედეგი გამოიღო. ძაღლს მუნიციპალურ თავშესაფარში გაუკეთდა კასტრაციის ოპერაცია, გაფორმდა მიკედლების დოკუმენტი და დავაბრუნეთ შეროზიას ქუჩაზე.