კოკა კვინიკაძე, საფრანგეთში მცხოვრები უფლებადამცველი:

_ ბევრს გსმენიათ ალბათ საფრანგეთში უცხოურ ლეგიონზე, ეს არის ლეგიონი, რომელსაც კონფლიქტის დროს ფრანგები ყველაზე ცხელ წერტილებში უშვებენ, წინა ხაზზე, სადაც ასეთ დროს გადარჩენის შანსები არც ისე მაღალია..
ხოდა, ამ უცხოურ ლეგიონში დღეს უკვე ბევრი ქართველი მსახურობს და კიდევ უფრო მეტი ყოველ დღიურად მიდის და მიდის შესარჩევი ეტაპის გასავლელად, მართალია ყველა ვერ გადის ამ ეტაპს მაგრამ მცდელობა ბევრს აქვს…
ალბათ ხვდებით, რომ დალხენილი ცხოვრება არ უბიძგებს ჩვენს ბიჭებს უცხოური ლეგიონის გზისკენ…
მიუხედავად იმისა, რომ სტატისტიკა არ არსებობს და ვერც ვერავინ მოიპოვებს ამას ლეგიონიდან, რადგან გასაიდუმლოებულია, ამ ბოლო დროს ქართველების მოსწრაფება ლეგიონში მოხვედრაზე თვალში საცემია და ვფიქრობ ბევრს სმენია ამის შესახებ ვინც საფრანგეთში ცხოვრობს…

კომენტარები