ირმა სოხაძე: რატომ იღებს ადამიანი ბანკის ვალს, თუ მისი გადახდა არ შეუძლია?

“მე არა მაქვს მაგალითად არც ერთი ბანკის ვალი და არც ერთ ჩემს ახლობელს არა აქვს, ასე, რომ არც ის არ არის მართალი, მთელი საქართველო რომ ვალებშია.

ჩემი სამეგობროც საშუალო ფენაა, გადასარევი ინტელიგენცია, სულაც არ არიან მდიდრები, მაგრამ არ იღებენ ვალებს ბანკიდან. რაც გვაქვს იმას ვიმყოფინებთ. მაქვს ერთი ბინა და სულაც არ მინდა მეხუთე ბინა. რატომ იღებს ადამიანი ვალს, თუ მისი გადახდა არ შეუძლია? აბა რა ქნას, სახელმწიფომ, დაუფაროს ვალი?”-განაცხადა ტვ იბერიას გადაცემა ,,თავისუფალ სივრცეში” მომღერალმა ირმა სოხაძემ ბიძინა ივანიშვილის ინტერვიუს შეფასებისას:

,,ბანკების თემა მე არ ვიცი, მაგრამ ამ ინტერვიუდან ერთი რამ ძალიან მენიშნა. ბატონმა ბიძინამ თქვა, რომ ოპოზიცია უფრო მაფასებს, ვიდრე ჩემი გუნდიო. ძალიან კარგია, რომ ბატონი ბიძინა ამას მიხვდა. ის გუნდი მისი მოყვანილია, მისი არჩეულია. თუ ამდენი ადამიანი არასწორად აირჩა. თუ ამდენი არჩეული კაცი,  პარლამენტში რომ ზის საერთოდ არ ფიქრობს თავის მოსახლეობაზე, თუ ეს კანონები მხოლოდ სათავისოდ არის მიღებული. თუ არც ერთ მინისტრს ხალხის სასიკეთოდ არაფერი გაუკეთებია, ეს მისი გუნდია, ადამიანი გრძნობს ამ პასუხისმგებლობას და დაბრუნდა იმისთვის, რომ ეს სიტუაცია გამოასწოროს. კარგი იქნება თუ უფრო ხშირად ნორმალურ ადამიანებს მოუსმენს და არა იმათ, ვინც როგორც ჩანს სულაც არ აკეთებდა არაფერს”-განაცხადა ირმა სოხაძე.

წყარო: guriismoambe.com