საზოგადოება
მოზარდები ხალხს სახეში მჟავას ასხავენ
ბრიტანელმა სამართალდამცველებმა ორი არასრულწლოვანი დააკავეს, რომლებიც ქიმიური ნივთიერების გამოყენებით თავდასხმების მოწყობაში არიან ეჭვმიტანილები.
ლონდონში საათნახევრის განმავლობაში ასეთი 5 შემთხვევა მოხდა.
15-16 წლის მოზარდები დედაქალაქის რამდენიმე უბანში მოტოციკლით გადაადგილდებოდნენ და ხალხს სახეში მჟავას ასხამდნენ. ერთ-ერთი დაშავებულის მდგომარეობა საკმაოდ მძიმეა.
ეჭვმიტანილების დაკავების მიუხედავად, მომხდართან დაკავშირებით გამოძიება გრძელდება.
