სიღნაღი არტ-ფესტივალს მასპინძლობს
ფესტივალის ფარგლებში შემოქმედებითი კონკურსი, ვორქშოფები, გამოფენები, მუსიკალური და თეატრალური წარმოდგენები გაიმართება
19-24 აგვისტოს ქ. სიღნაღი არტ-ფესტივალს მასპინძლობს, რომელშიც კონკურსის წესით შერჩეული ფერმწერები და მოქანდაკეები იღებენ მონაწილეობას!
19 აგვისტოს ფესტივალი საზეიმოდ გაიხსნა. შეკრებილ საზოგადოებას კონკურსანტები წარუდგინეს, რის შემდეგაც მხატვარმა ქეთი დავლიანიძემ დამწყები მხატვრებისთვის მასტერკლასი გამართა. დღის დასასრულს ქალაქ სიღნაღში ფესტივალის გახსნის აღსანიშნავად კონცერტი გაიმართა.
სიღნაღის არტ ფესტივალი 6 დღის განმავლობაში გაგრძელდება. ამ პერიოდის განმავლობაში კონკურსანტები შექმნიან ნამუშევრებს, რომელიც მუზეუმში გამოიფინება. სიღნაღს უამრავი ხელოვანი, მხატვარი და მოქანდაკე ესტუმრება.
ფესტივალის ფარგლებში შემოქმედებითი კონკურსი, ვორქშოფები, გამოფენები, მუსიკალური და თეატრალური წარმოდგენები გაიმართება.
24 აგვისტოს სიღნაღის არტ-ფესტივალი 2024 საზეიმოდ დაიხურება, სადაც უამრავი საინტერესო ადამიანი მოიყრის თავს. კონკურსის ჟიური გამარჯვებულ ფერმწერს და მოქანდაკეს გამოავლენს. გამარჯვებულები სპეციალური პრიზებით დაჯილდოვდებიან.
