საზოგადოება

,,ზურა პრემიერ-მინისტრი რომ გახდა, საკმაოდ ვნერვიულობდი”

გოგლა ჟვანია 16 წლის წინანდელ ამბავს იხსენებს...

,,ზურა პრემიერ-მინისტრი რომ გახდა, საკმაოდ ვნერვიულობდი, რადგანაც ქვეყანა მთლიანად მოშლილი იყო, ხალხს თვეობით ენატრებოდა ხელფასები და პენსიები, ადამიანებს ქუჩებიდან იტაცებდნენ და პანკისში მიარბენინებდნენ, თვითონ ეს მხარე ასაფეთქებლად გამზადებული ნაღმი იყო, ხოლო აჭარა კი მოსკოვიდან მართული საფეოდალო, ქვეყანა მორიგი სამოქალაქო დაპირისპირების ზღვარზე იდგა, ამასობაში აგვისტოში ცხინვალში ისევ სისხლისღვრა დაიწყო, ამ დროს ქართველი ჯარისკაცები დაკონკილები დადიოდნენ, ხოლო, როგორც მაგ დროის ერთ-ერთი თავდაცვის მინისტრი ამბობდა, ძირითადი შეიარაღება “რაგატკები” იყო. პოლიციის და ბევრი სხვა სახელმწიფო უწყების ძირითადი საქმიანობა ფულის გამოძალვა გახლდა. ყოველივე ეს ძალიან მაშფოთებდა, მაგრამ აღმოჩნდა, რომ სულ ტყუილად, რადგანაც თურმე ერთი წელი სრულიად საკმარისი ყოფილა ყველა ამ პრობლემის მოსაგვარებლად. სამწუხაროდ, მეტი აღარც ზურას აცალეს, ოჯახს და ქვეყანას ჩამოაშორეს. 16 წელი გასულა უკვე იმ დღიდან და ძალიან, ძალიან აკლია ზურა ჩვენს ქვეყანას” _ წერს ფეისბუქის საკუთარ გვერდზე ზურაბ ჟვანიას ძმა, გოგლა ჟვანია.

შეგახსენებთ, რომ 16 წლის წინ, 1 თებერვალს, პრემიერ-მინისტრი ზურაბ ჟვანია გარდაცვლილი იპოვეს. ოფიციალურად გამოცხადდა, რომ ეს იყო უბედური შემთხვევა და ჟვანიას სიკვდილის მიზეზი  გაზის გაჟონვა იყო, თუმცა ამ ,,სიმართლის” ოჯახსა და ხალხის დიდ ნაწილს დღემდე არ სჯერა და არსებობს ეჭვი, რომ პრემიერ მინისტრი მოკლეს.

კომენტარები

მსგავსი სიახლეები

Leave a Reply

Your email address will not be published. Required fields are marked *

Back to top button
Close