ჯანდაცვა

,,გამოდის,რომ ,,ჩვეულებრივ ხალხს” სიცოცხლის უფლებაც აღარ გვქონია” _ ნათელაშვილი იმნაძის განცხადებაზე

“ჩვეულებრივი ადამიანებისთვის” ვაქცინა ხელმისაწვდომი ზაფხულში ან შემოდგომის დასაწყისში იქნება

,,ბარემ, იქნებ დაგვისახელოს არაჩვეულებრივი ხალხი საკუთარი პერსონის ჩათვლით. გამოდის,რომ ჩვეულებრივ ხალხს სიცოცხლის უფლებაც აღარ გვქონია. აი, ბიძინიზმი მმართველი ფენის აზროვნებაში. უბიძინოდ,ბიძინას გზით.ასე უყურებენ ადამიანებს,თუმცა მათზე ხმის მიმცემებმა ეს დაიმსახურეს,სამწუხაროდ” _ ასეთ კომენტარს აკეთებს ლეიბორისტული პარტიის თავმჯდომარე შალვა ნათელაშვილი პაატა იმნაძის განცხადებასთან დაკავშირებით.

დაავადებათა კონტროლის ეროვნული ცენტრის დირექტორის მოადგილე, პაატა იმნაძე ამბობს, რომ კორონავირუსის საწინააღმდეგო ვაქცინით ჯერ მედპერსონალი აიცრება, შემდეგ რისკჯგუფები, “ჩვეულებრივი ადამიანებისთვის” კი ვაქცინა ხელმისაწვდომი ზაფხულში ან შემოდგომის დასაწყისში იქნება.

“რეალისტები თუ ვიქნებით, ეს [ვაქცინა] იქნება სადღაც ზაფხულში ან შემოდგომის დასაწყისში, ასე ვთქვათ ჩვეულებრივი ადამიანებისთვის, რომლებიც რისკ ჯგუფს არ წარმოადგენენ და რომლებისთვისაც კოვიდი არ წარმოადგენს სასიცოცხლო რისკის დაავადებას”,– თქვა იმნაძემ ტვ პირველის ეთერში.

მისივე განცხადებით, საქართველო იმ ვაქცინას მიიღებს, რომელსაც ჯანმრთელობის მსოფლიო ორგანიზაცია პრეკვალიფიკაციას მისცემს.

იმნაძე აღნიშნავს, რომ ქვეყანა ლოჯისტიკურად ნებისმიერი ვაქცინის მისაღებად მზადაა.

Related Articles

Leave a Reply

Your email address will not be published. Required fields are marked *

Back to top button
Close