კატეგორიის გარეშე
„არც ფქვილი აქვს, არც კვერცხი, არც ხარშვა სჭირდება“
კრემის რეცეპტი შეფმზარეულ ალეკო ჯავაშვილისგან
არც ფქვილი აქვს, არც კვერცხი, არც ხარშვა სჭირდება და წამებში მზადაა – შეფმზარეული ალეკო ჯავაშვილი თავის გამომწერებს ორიგინალურ რეცეპტს სთავაზობს, რომლითაც კრემის მომზადება არათუ წუთებში, წამებშია შესაძლებელი.
.
-ხშირად მიწევს მაიონეზის კეთება და ერთ-ერთი სახეობის მომზადებას რძე და ზეთი სჭირდება. სწორედ აქედან მოვიფიქრე ეს რეცეპტი. შეიძლება სახლში საერთოდ არ გქონდეთ გრამების ასაწონი სასწორი, ამიტომ ერთნაირი ზომის ჭიქები გამოიყენეთ. მე ერთჯერად ჭიქებს ვიყენებ.
აიღეთ 3 ერთნაირი ჭიქით რძე, ზეთი (უმჯობესია ზეითუნის), შაქარი და კაკაო ვანილით.
ჩავასხათ ჭურჭელში რძე. დავამატოთ ზეთი, შაქარი, ვანილიანი კაკაო და დავიწყოთ ხელის ბლენდერით თქვეფა (როგორც მაიონეზის მზადებისას). რამდენიმე წამში კრემი მზადაა. აუცილებლად შედგით რამდენიმე საათით მაცივარში, რომ გამყარდეს. თუ მაშინვე გინდათ გამოყენება და უფრო მყარი მასა გჭირდებათ, ზეთი დაამატეთ და ბლენდერით თქვეფა განაგრძეთ. მივიღეთ კრემი, რომელსაც არც ფქვილი აქვს, არც კვერცხი, არც მოხარშვა უნდა და წამებში კეთდება, – ამბობს შეფმზარეული.
