ავტომობილი ეტლს დაეჯახა, რომელშიც 9 ბავშვი იმყოფებოდა

მიჩიგანის შტატში ავტოსაგზაო შემთხვევას სამი მცირეწლოვანის სიცოცხლე ემსხვერპლა.

ტელეკომპანია Fox News -ის ინფორმაციით, ავტომობილი ეტლს დაეჯახა, რომელშიც ცხრა ბავშვი იმყოფებოდა. შემთხვევის შედეგად დაშავდა კიდევ ექვსი მცირეწლოვანი.

მედიკოსების შეფასებით, მათი ჯანმრთელობის მდგომარეობა მძიმეა. ავარიის გამომწვევი მიზეზი უცნობია. ფაქტზე დაწყებულია გამოძიება.