საქართველოს პრეზიდენტის ადმინისტრაციაში აცხადებენ, რომ საკონსტიტუციო ცვლილებებზე რეალური კონსენსუსის მისაღწევად, პარლამენტიდან კონსტიტუციის 2 მოსმენით მიღებული პროექტის გამოწვევა აუცილებელია.

პრეზიდენტის ადმინისტრაციის უფროსი, გიორგი აბაშიშილი აცხადებს, რომ საკონსტიტუციო ცვლილებების ერთპარტიულად მიღება დაუშვებელია.

„კონსტიტუციურ საკითხებზე რეალური კონსენსუსის უზრუნველსაყოფად, პირველ რიგში, საჭირო, აუცილებელი, მნიშვნელოვანი და გადამწყვეტია, რომ შეჩერდეს ან გამოწვეულ იქნას კონსტიტუციის ის პროექტი პარლამენტიდან, რომელიც ამჟამად არის, როგორც მეორე მოსმენით რეგისტრირებული. შესაბამისად, ამის შემდგომ აქვს, ცხადია, აზრი დისკუსიას და ამის შემდგომ შესაძლოა, გაჩნდეს კონსენსუსისთვის გარკვეული ტიპის რესურსები. შეუძლებელია საქართველოს კონსტიტუცია, თანხმობის დოკუმენტი, მიღებულ იქნას ერთპარტიულად. ეს ვერ იქნება ვერანაირი ლეგიტიმაციის მატარებელი,“ – განაცხადა გიორგი აბაშიშვილმა.

დატოვეთ კომენტარი

კომენტარები

Загрузка...

დატოვე პასუხი