მომღერალმა ლიზა ბაგრატიონმა თავისი ოჯახის ერთ ოქროს წესზე ისაუბრა, რომ რაც უნდა ცუდ ხასიათზე იყვნენ, ამას არავის აჩვენებენ. ასე იქცევა მისი დაც, საქართველოს პირველი ლედი, თამარ ბაგრატიონი.
.
-სახლური ლიზა შეიძლება ძალიან მოწყენილიც იყოს. თუ არ ვარ ღიმილის ხასიათზე, სახლში ვრჩები, რადგან არ მინდა, ვინმემ ნახოს, რომ მოწყენილი ვარ.
მახსოვს, ბებია მეუბნებოდა, რა გაჭირვებაც უნდა გქონდეს, არავის უთხრა, რომ ცუდად ხარ, ყველას უპასუხე, რომ კარგად ხარო. ჩემი და დღემდე სულ ასე პასუხობს: „ყველაზე კარგად“. ვეუბნები ხოლმე, თამუნა, შეიძლება ვიღაცას არ სიამოვნებს-მეთქი, მაგრამ ჩემთვის ვიძლევი ამ პასუხსო, – ყვება ლიზა ბაგრატიონი გადაცემაში „დილა მშვიდობისა, საქართველო“.
