კახეთში შშმ პირი მეზობელმა გააუპატიურა

კახეთში შეზღუდული შესაძლებლობების მქონე 30 წლის ქალი მეზობელმა გააუპატიურა. ის ახლა რამდენიმე თვის ორსულია. შემთხვევა ერთ-ერთ სოფელში მიმდინარე წლის აპრილში მოხდა. გავრცელებული ინფორმაციით, კაცი ქალს არაერთხელ დაემუქრა და სწორედ შანტაჟით მოახერხა მასთან სექსუალური ურთიერთობის დამყარება.

ფაქტს ბრალდებული აღიარებს, თუმცა გაუპატიურებას და ძალადობას უარყოფს. მომხდარზე გამოძიება სისხლის სამმართლის კოდექსის 137-ე მუხლით მიმდინარეობს, რაც გაუპატიურებას გულისხმობს.

წყარო: imedinews.ge