პოლიტიკა

,,თუ ხელს არ შეგვიწყობთ ამ ბრძოლაში, ხელს მაინც ნუ შეგვიშლით თქვენი ხედვის მიმდევრები”

წერილი, რომელიც შალვა ნათელაშვილმა ამერიკის სახელმწიფო მდივნის მოადგილის თანაშემწესგაუგზავნა

ლეიბორისტული პარტიის თავმჯდომარის, შალვა ნათელაშვილის წერილი
ამერიკის შეერთებული შტატების სახელმწიფო მდივნის მოადგილის თანაშემწეს, ბატონ ჯორჯ კენტს:
,, ძვირფასო კენტ,
თქვენ მიერ სენატში საქართველოს საკითხებისადმი მიძღვნილ სხდომაზე საქართველოს რუსი დიქტატორ-ოლიგარქის, პუტინის გარემოცვის წევრ მილიარდერ ბიძინა ივანიშვილისა და მისი მმართველი პარტიის გათეთრების მცდელობამ საქართველოში გამოიწვია შოკი.
თქვენ საჩუქარი გაუკეთეთ ივანიშვილს, როდესაც გამოაცხადეთ ის პროდასავლური კურსის მიმდევრად, საქართველოში პუტინის სცენარით ჩატარებული არჩევნები მიიჩნიეთ სამართლიანად, ხოლო პოლიტიკური პატიმრები გამოაცხადეთ კანონის დამრღვევებად.
როგორაა პროდასავლელი რუსული მილიარდების მფლობელი, „გაზპრომის“ აქციონერი, საბჭოთა, შემდგომ რუსული იარაღის ცნობილი კონტრაბანდისტი აზია–აფრიკის ქვეყნებში. მარტო ანგოლაში შეტანილი მილიარდობით რუსული იარაღი რად ღირს, რამაც მილიონი ადამიანის სიცოცხლე იმსხვერპლა?!
როგორ უნდა იყოს პროდასავლური რუსეთის გავლით ნარკოტიკების, ბიტკოინების შავი ფულის გამთეთრებელი, რომელმაც საერთოდ ეს სიმდიდრე დააგროვა არა ბიზნეს საქმიანობით, არამედ მხოლოდ და მხოლოდ რუსეთის სპეცსამსახურთა და უმაღლესი ხელმძღვანელობის გადაწყვეტილებებითა და დავალებით მოსკოვის ძლიერებისათვის.
როგორაა პროდასავლური კურსის ერთგული რუსი ოლიგარქი და მისი პარტია, რომელმაც ეს 9 წელი ისე შეაღობინა საქართველოს ოკუპირებული ტერიტორიები კრემლს, ისე დაუსჯელად დაახოცინა ჩვენი ხალხი, გაატაცებინა ათასობით მოქალაქე, რომ ერთხელაც არ მოუთხოვია სანქციები მოსკოვის მიმართ და გაეროს უშიშროების საბჭოს საგანგებო სხდომაც არ მოუწვევინებია, რათა ჩვენი ხალხის ტრაგედია შეფასებულიყო?!
როგორ შეიძლება დააბრალოთ რუს ოლიგარქს დასავლური ორიენტაცია, როდესაც მან სახელმწიფო მიიტაცა, ყველა არჩევნები რუსული ფულით იყიდა და გააყალბა?! მთელი ბიზნესი საკუთარ გარემოცვაზე გადააფორმა, სასამართლო ხელისუფლება ფაქტიურად გააუქმა, პარლამენტის წევრებად თავისი ბანკის წევრები გააფორმა, შინაგან საქმეთა მინისტრად–– საკუთარი პირადი დაცვა, უშიშროების შეფად ––საკუთარი ბანკის პრეზიდენტი, თავდაცვის მინისტრად–– მისივე ბანკის ვიზა ბარათების შეფი, ჯანდაცვის მინისტრად–– საკუთარი სტომატოლოგი, ხოლო გენერალურ პროკურორად გერმანიაში სპორტული ბოტასების ოფიციალური ქურდი დანიშნა?!
რა პროდასავლურობას აბრალებთ ძალას, რომლის ლიდერიც ყოველდღე პრეზიდენტ პუტინს უთანხმებს სამომავლო სტრატეგიას, თუ როგორ დაუბრუნოს მოსკოვს სრული გავლენა რეგიონში, როგორ გახადოს საქართველო სამი იმპერიის რუსეთ-ირან-თურქეთის ახალი ალიანსის წევრი, რომლის სპეცსამსახურებიც აუცილებელი წესით აწვდიან მოსკოვს ყველა იმ მოლაპარაკების სტენოგრამას, რომელიც ასახავს ჩვენს დასავლელ პარტნიორებთან შეხვედრების საიდუმლო მონაკვეთებსაც კი?!
სადაური პროდასავლელია ლიდერი, რომელმაც პირდაპირ მოსკოვის დავალებით ჩაშალა შავ ზღვაზე ღრმაწყლოვანი პორტის, ანაკლიის მშენებლობა ამერიკელი ინვესტორების მიერ, რათა იქ არ შემოსულიყვნენ ნატოს სამხედრო წყალზედა და წყალქვეშა ხომალდები და დასავლეთს არ ჰქონოდა გზა რუსეთის და ირან-თურქეთის გვერდის ავლით ევრაზიის ცენტრისაკენ?! ამერიკული „ფრონტერას“ და „ფილიპ-მორისის“ გაძევება- გაკოტრება საქართველოდან ასევე, ვფიქრობ არ იყო მთლად პროამერიკული ნაბიჯი.
თქვენი განცხადება ოპოზიციური პარტიის ლიდერზე ნიკა მელიაზე, რომელიც დააპატიმრეს ანტირუსულ, ანტისაოკუპაციო აქციაზე აქტიურობისათვის, რომ თითქოს მან მოიხსნა ელქტო სამაჯური, მოწყვეტილია ობიექტურობას და რეჟიმის წაქეზებაა პირდაპირ, რათა მან განაგრძოს რეპრესიები, რომლის მსხვერპლი უკვე გახდა არაერთი პოლიტიკოსი და აქტივისტი.
თქვენ, როგორც ვიცი, ჩვენი მოძმე უზბეკების სიძე ბრძანდებით და იცნობთ უზბეკ ოლიგარქ 21 მილიარდის მფლობელ ალიშერ უსმანოვს პუტინის გარემოცვიდან. ის რომ ჩაუდგეს უზბეკეთს სათავეში, მასაც დააბრალებდით პროდასავლური კურსის გატარებას?! თუ კი, მაშინ გავიხსენებდი ბიბლიას – „ნეტარ არიან მორწმუნენი“.
ისე ჩვენ გულწრფელად გვეგონა, რომ პრეზიდენტ ტრამპის ადმინისტრაციის შეცვლის და კუშნერის თეთრი სახლიდან წასვლის შემდეგ, რომელსაც აფინასნებდა რუსი ოლიგარქი (აქ არ გავიმეორებ ინფორმაციებს რომ მოსკოვი ტრამპის სარჩევნო კამპანიასაც აფინანსებდა, სწორედ ბიძინა ივანიშვილის ოფშორული ანგარიშების მეშვეობით, რაც ამერიკულ სპეცსამსახურთა გამოსაძიებელია.) მე, ვფიქრობდი რომ საქართველოს პროპუტინისტურ რეჟიმს ვაშინგტონში მოკავშირე აღარ დარჩებოდა და როგორც ვხედავთ, ღრმად შევცდით.
ვერავითარ კრიტიკას ვერ უძლებს თქვენი განცხადება სენატში, რომ საქართველოში თავისუფალი, სამართლიანი არჩევნები ჩატარდა, თავი რომ დავანებოთ პუტინის ფულებს, სახელმწიფო რესურსებს, რეპრესიებს, როგორ შეიძლება თავისუფალი უწოდოთ არჩევნებს, როდესაც საარჩევნო კომისიებში, აბოსოლიტური უმრავლესობა მმართველი პარტიის ჯგუფებია, რომლებიც თვლიან ისე როგორც ამას დააავალებენ. სადაა აქ სამართლიანობა და დემოკრატია?!
მაინტერესებს როგორ განახორცილებს რაიმე კურსს? არა მარტო დასავლურს რუსი ოლიგარქის ვითომ პარლამენტი, რომლის მუშაობაში მინიმუმ 113 დეპუტატი მაინც უნდა იყოს და ამ დროს ეს ოდენობა 100 მდეც ვერ ავიდა. ან თუ გსმენიათ დასავლური ორიენტაციის ქვეყანაში ოპოზიციას აეღოს 52 პროცენტი, მაგრამ მთავრობა მაინც 48 პროცენტიან პარტიას დაეკომპლექტებინოს, ან საერთოდ ერთპარტიული იყოს?! ჩრდილო კორეაშიც კი სამი პარტიაა პარლამენტში, ხოლო თქვენი მეუღლის სამშობლო ტოტალიტარულ უზბეკეთში 5 პარტიაა წარმოდგენილი სოლიდური ფრაქციებით.
განსაკუთრებით თავზარდამცემია ის, რომ თქვენი და ზოგიერთი ამერიკელი მეგობრის განცხადება ქართული, პრო-კრემლისტური რეჟიმის მხარდასაჭერად საეჭვოდ დაემთხვა რუსეთის საგარეო დაზვერვის შეფის ნარიშკინის განცხადებას, სადაც ის სრულ სოლიდარობას უცხადებს საქართველოს მმართველ პარტიას და ასევე, არ იზიარებს ახალი არჩევნების მოთხოვნას. (შეგიძლიათ აღნიშნული ტექსტი იხილოთ ამ სპეცსამსახურის საიტზე, მით უფრო, რუსული კარგად იცით. www.svr.gov.ru
შეგახსენებთ, რომ საქართველოს ყველა უბედურება, ოკუპაცია მოსკოვის სისხლიანი მტრობა, დაშლა, კრიზისი, სანქციები დაატყდა თავს სწორედ პროდასავლური, პროამერიკული ორიენტაციის გამო. ამ ბრძოლაში თუ ხელს არ შეგვიწყობთ, ხელს მაინც ნუ შეგვიშლით თქვენი ხედვის მიმდევრები.
თქვენი მოწოდება, რომ ქართული ოპოზიცია შევიდეს პარლამენტში, ნიშნავს ერთადერთს ––დავტოვოთ ხელისუფლებაში პუტინის სატელიტი განუსაზღვრელი ვადით და მოვწყვიტოთ საქართველო საბოლოოდ დასავლურ ორბიტას, დავბრუნდეთ მოსკოვის გავლენის სფეროში და თქვენთვისაც დავკარგოთ ერთადერთი ევრაზიული გასაღები.
ამჯერად, დაუყოვნებლივ და გადაუდებლადაა საჭირო უმკაცრესი ფინანსური სანქციები ივანიშვილისა და მისი გარემოცვის მიმართ, რასაც მოჰყვება ახალი დემოკრატიული არჩევნები. აი, ეს იქნება თქვენგან ქართველი ხალხის გვერდით დგომა”.

Related Articles

Leave a Reply

Your email address will not be published. Required fields are marked *

Back to top button
Close