ბორჯომის საკრებულოს ,,დაპატიმრებულ” წევრებს საკვებს ფანჯრიდან აწვდიან – სად არის შსს?

ბორჯომის მერიასა და საკრებულოში სასწაული მდგომარეობაა – საკრებულოს თავმჯდომარე და ოპოზიციის სხვა წევრები მერიის თანამშრომლებს ,,დაპატიმრებულები” ჰყავთ. მათთან არავის უშვებენ და საკვებსა და წყალს მოკლებულნი არიან. პოლიცია მათ საკვებს ფანჯრიდან, თოკით აწვდის და როგორც ჩანს, მერიის თანამშრომლებთან, სხვას ვერაფერს ახერხებს.

დაპირისპირება მოხდა სერგო რატიანსა და საკრებულოს წევრებს შორის. რატიანი საკრებულოს ,,დატყვევებულ” წევრებთან შესვლას ცდილობდა.