კახეთში, კავთისხევში ქვევრსამარხი იპოვეს- ,,მიცვალებულები დაეკრძალათ თავით სამხრეთით, მარცხენა გვერდზე, კიდურებმოხრილნი”

ქვევრს უამრავი სხვა დანიშნულებითაც იყენებდნენ და ერთერთი ასეთი დანიშნულება იყო ქვევრსამარხი – კავთისხევის მახლობლად ციხიაგორას საყარაულო სერის სამაროვნის განაპირას, დასავლეთით აღმოჩნდა ორი ქვევრსამარხი, რომლებიც თარიღდება ძვ. წ. IV-III სს-ით. მიცვალებულები დაეკრძალათ თავით სამხრეთით, მარცხენა გვერდზე, კიდურებმოხრილნი. სამარხებში აღმოჩნდა: სამტუჩა დოქი, კანელურებით შემკული დოქი, წითლად შეღებილი ჯამები, შავპრიალა ფიალა და კოჭობები; ბრინჯაოს საბეჭდავი, რომელზეც გამოსახულია ადამიანის ხელებგაშლილი ფიგურა, სკარაბეოიდი მამაკაცის გამოსახულებით, მრგვალფარაკიანი ბრინჯაოს ბეჭედი და სხვა.

თამაზ მარკოზაშვილი, კულტურული მემკვიდრეობის დაცვის სპეციალისტი