საზოგადოება

,,უსირცხვილო და უსინდისო ქალი ყოფილხარ…” – გოგა ონიანის ცოლის ემოციური წერილი

ადვოკატ გოგა ონიანის ცოლი, ანი მინაშვილი  სოციალურ ქსელში ემოციურ პოსტს აქვეყნებს, რომელსაც უცვლელად გთავაზობთ:

,,ყველაზე გრძელი ღამე იყო დღეს, თან ერთი სული მქონდა გათენებულიყო და თან საოცრად მეშინოდა. რა უნდა მეთქვა ბავშვებისათვის, როცა დილით მამას ლოგინს დახედავდნენ და მიხვდებოდნენ, რომ ღამით გოგას მათთან ერთად არ ეძინა. მთელი ღამე ვფიქრობდი, ვაწყობდი სიტყვებს, მაგრამ დილით, როცა ნუგომ გაიღვიძა და მკითხა, რატომ გაქვს ცრემლები თვალებზეო, სულ ამერია დალაგებული ტექსტი.

მეორე კითხვა იყო- გუშინ, შენ და მამა გვიან რატომ მოხვედითო? ამას მოყვა-სასამართლო ძლივს ხო დამთავრდაო და უცებ დახედა მამას ლოგინს და ჩემი მამიკო სად არისო, ასე ადრე რატომ ადგაო? აქ უკვე ვეღარ შევიკავე თავი, თუმვა ტირილის მიზეზად თავის ტკივილი მოვიმიზეზე. გამახსენდა გოგას სიტყვები, რომ ჩემი იმედი ქონდა და რომ მაგრად ვყოფილიყავი, მოვიკრიბე ძალა და ნუგოს ვუთხარი, რომ მამა რაღაც დროით, სასამართლოს გადაწყვეტილებით სხვაგან უნდა ყოფილიყო. მივხვდი, რომ რაღაც ვერ გაიგო,-ჩვენთან აღარ იქნება? მე რომ მამა მენატრება ?ვინ წამიყვანს სკოლაში და კალათბურთზე?სად უნდა დაიძინოს უჩვენოდ, იქ როგორ უნდა გაჩერდეს?

მოაყარა კითხვები რაზედაც პასუხები არ მქონდა. უბრალოდ ვუთხარი, რომ დაეწერა წერილები და დაეხატა მამასთვის ნახატები და მერე ერთად ფოსტით გავაგზავნიდით. ამ საუბარზე გაბრიელმაც გაიღვიძა და მასაც პირველი კითხვა მამიკოს არ ყოფნაზე გაუჩნდა…. ეს იყო ჩემს ცხოვრებაში ყველაზე რთული საუბარი. საუბარი, როცა არ ვიცოდი როგორ და რანაირად ამეხსნა ჩემი შვილებისთვის, რომ მათი მისაბაძი მამა დღეს ტყვე არის ამ ხელისუფლების და რომ მამას გვერდით ვერ ნახავენ 5 წელი და რომ მამა ვერ უგულშემატკივრებს კალათბურთზე, სადაც მამის შექება იყო ყველაფერი მისთვის და კიდევ რამდენ რამეს ვერ მოახერხებს ვინ ჩამოთვლის.

ვერ ნახავენ მამას, რომელიც ყველაფერში იყო ჩართული რაც ბავშვებს უკავშირდებოდა. რისთვის ეს ყველაფერი, თორემ კაი/ რისთვის….მაგრამ იმედი არ ქონდეს არავის. როგორც 6 წელი ვერ გატეხეს გოგა, ისე ვერ გაგვტეხავენ ჩვენც. მტრის ჯინაზე, ამ განსაცდელსაც გმირულად გადაიტანს ჩვენი ოჯახი.

მადლობა ხათუნა ხარჩილავას ასეთი უსამართლობისათვის, ასეთი სიბოროტისათვის და ასეთი მონობისათვის. ღმერთის გეშინოდეს, თორემ, გოგა და მისი ოჯახი ამასაც გადავიტანთ…უსირცხვილო და უსინდისო ქალი ყოფილხარ, საოცარი მსახიობობის ნიჭით, ვითომ გაინტერესებდა სიმართლე ვითომ ცდილობდი რაღაცის გარკვევას და ეს ყველაფერი ფარსი აღმოჩნდა დადგმული სპექტაკლი,მტკიცებულებების გარეშე უდანაშაულო ადამიანი გაწირე ციხისთვის…ღმერთი არ გაპატიებს…”

კომენტარები

მსგავსი სიახლეები

Leave a Reply

Your email address will not be published. Required fields are marked *

Back to top button
Close