საზოგადოება

საპროტესტო აქცია დედოფლისწყაროს სამ სოფელში _ მოსახლეობა მიწების დაბრუნებას ითხოვს

დედოფლისწყაროს მუნიციპალიტეტის სამი სოფლის მოსახლეობამ საპროტესტო აქცია გამართა და საავტომობილო გზა გადაკეტა.

მათი თქმით, ზემო ქედის, ქვედა ქედისა და არხილოს კუთვნილი სასოფლო-სამეურნეო დანიშნულების მიწები ყოფილმა ხელისუფლებამ კერძო პირზე გაუყიდა, რომელმაც ერთ-ერთ ბანკში ჩადო და დღეს ბანკი მის გაყიდვას აპირებს.

მოსახლეობა ამბობს, რომ ხელისუფლების შეცვლის შემდეგ აღნიშნული მიწის ფართობს ყოველწლიურად ამუშავებდნენ, ახლა კი ბანკმა დაცვის კომპანია დაიქირავა და საშემოდგომო ხვნა-თესვის სამუშაოების ჩატარების უფლებას არ აძლევს.

 მოსახლეობა აცხადებს, რომ საზღვრისპირა სოფლებში მიგრაცია აქტიურად მიმდინარეობს. თუ მოსახლეობას, რომლის ერთ-ერთი შემოსავალი წყარო მიწათმოქმედებაა, აღარ ექნება მიწის დამუშავების საშუალება და 3600 ჰექტარი მიწა არ დაუბრუნდება, სოფლებს მოსახლეობისგან მთლიანად დაცლის საშიშროება ემუქრება.

აქციის მონაწილეები პრობლემის გადაწყვეტაში დახმარებას ხელისუფლებასგან ითხოვენ.

 

კომენტარები

მსგავსი სიახლეები

Leave a Reply

Your email address will not be published. Required fields are marked *

Back to top button
Close