საზოგადოება

,,მასკარადი, კონკურსის სახელწოდებით შედგა”- ირაკლი შოთაძე კვლავ გენპროკურორი ხდება

მამუკა ნოზაძე, ადვოკატი:

ვინმეს ქონდა ილუზია, რომ შოთაძის გარდა საპროკურო საბჭო ვინმეს დაუჭერდა მხარს? კანდიდატებად თავს, რომ აყენებდნენ, მართლა სჯეროდათ, რომ მხარდაჭერას მიიღებდა ვინმე? მასკარადი, კონკურსის სახელწოდებით შედგა.

შეგახსენებთ, რომ დღეს, საპროკურორო საბჭომ საქართველოს გენერალური პროკურორის ვაკანტურ თანამდებობაზე ირაკლი შოთაძის კანდიდატურა აარჩია. მან 12-დან 11 ხმა მიიღო. ფარული კენჭისყრის შედეგად არჩეულ კანდიდატს საპროკურორო საბჭო განსახილველად საქართველოს პარლამენტს გადაუგზავნის.

გენერალური პროკურორის თანამდებობაზე წარდგენილ კანდიდატს საკანონმდებლო ორგანოში დეპუტატები ხმათა უმრავლესობით აირჩევენ.

აღასანიშნავია, რომ საქართველოს გენერალური პროკურორობის შესახებ განაცხადი თავდაპირველად, 17-მა პირმა შეიტანა, რომელთაგან ორმა კანდიდატურა მოხსნა. 6 თებერვლის სხდომაზე საპროკურორო საბჭომ დარჩენილ 15 კანდიდატს შორის ხმათა უმრავლესობით 4 კანდიდატი გამოავლინა. საბჭოს მხრიდან ირაკლი შოთაძემ მიიღო 10 ხმა , სოფიო შენგელიამ – 9 ხმა, ვალერიან ვაჭარაძემ – 8 ხმა, ხოლო დარიკო თორდიამ 7 ხმა.

გენერალური პროკურორის თანამდებობაზე იურისტი ირაკლი შოთაძე საჯარო სამართლის იურიდიულმა პირმა “საქართველოს ტექნიკურმა უნივერსიტეტმა“ წარადგინა.

შეგახსენებთ, რომ ირაკლი შოთაძე სქართველოს მთავარი პროკურორის თანამდებობას 2015 წლის 19 ნოემბრიდან 2018 წლის 31 მაისის ჩათვლით ხელმძღვანელობდა. აღნიშნული პოსტი მან მას შემდეგ დატოვა, რაც ხორავას ქუჩაზე მოზარდებს შორის მომხდარ მკვლელობის საქმესთან დაკავშირებით სასამართლოს მიერ მიღებულ გადაწყვეტილებას ქუჩის მასშტაბური საპროტესტო აქცია მოჰყვა.

მსგავსი სიახლეები

Back to top button
Close