ლევან პირველი გარდაიცვალა
„ჯერ ლიკა შეეწირა ლევანის სიცოცხლის გადარჩენას, შემდეგ ლევანმაც აღარ ინება სიცოცხლის გაგრძელება“
ბიზნესმენი და ყოფილი პოლიტიკოსი, ლევან პირველი ხანგრძლივი ავადმყოფობის შემდეგ გარდაიცვალა.
რამდენიმე თვის წინ მისმა დამ, ლიკა პირველმა ძმას ღვიძლი გადაუნერგა. ოპერაცია ანკარაში ჩატარდა. ყველაფერმა კარგად ჩაიარა, მაგრამ ორი დღის შემდეგ ტრომბი განვითარდა და ლიკა პირველი გარდაიცვალა. პირველების ოჯახში კი ახლა კიდევ ერთი ტრაგედია დატრიალდა.
.
„ხანგრძლივი და უმძიმესი ავადმყოფობის შემდეგ გარდაიცვალა ჩვენი მეგობარი ლევან პირველი… უდიდესი ტრაგედია დატრიალდა ლევანის და მისი დის, ლიკას ოჯახებში ამ ბოლო სამი თვის განმავლობაში…
ჯერ ლიკა შეეწირა ლევანის სიცოცხლის გადარჩენისთვის ბრძოლას, შემდეგ უკვე ლევანმაც რეალურად აღარ ინება სიცოცხლის გაგრძელება და დღეს დამთავრდა მისი ამქვეყნიური ყოფნაც…
ნათელში დაუმკვიდრებს ლევანის მოუსვენარ სულს უფალი… იმედია, შეხვდებიან ერთმანეთს სამოთხეში, წამებული და ერთმანეთისთვის თავდადებული და-ძმა…“, – წერს ლევან პირველის მეგობარი, მირიან ყარაულაშვილი სოციალურ ქსელში.
