დიდი ტრაგედია ხაშურში

ხაშურში დატრიალებული ტრაგედიის დეტალებს ახლა სამართალდამცველები არკვევენ.
უმძიმესი ტრაგედია, სავარაუდოდ, წუხელ მოხდა. დღეს დილით, სამსახურიდან შინ დაბრუნებულ მამას ოჯახში საშინელი სურათი დახვდა – მისი 9 წლის შვილი, ლუკა ბარბაქაძე გარდაცვლილი იყო, მეუღლე კი – უგონო მდგომარეობაში.
როგორც ადგილობრივები ამბობენ, ქალი კომატოზურ მდგომარეობაშია და ჯერ გონზე არ მოსულა. ის კლინიკაში იმყოფება.

.

ბავშვის ცხედარს ექსპერტიზა ჩაუტარდება და გაირკვევა მისი გარდაცვალების მიზეზი. დედა-შვილს არანაირი დაზიანების კვალი არ ეტყობა, ამიტომ ერთ-ერთი ვერსიით, ბავშვის გარდაცვალების მიზეზად ინტოქსიკაცია სახელდება, თუმცა გაზით ინტოქსიკაცია გამოირიცხა, ამიტომ ვარაუდობენ, რომ კვებითი ინტოქსიკაცია მოხდა.

ადგილობრივების თქმით, ლუკას მამა რკინიგზის თანამშრომელია, წუხელ იგი ღამის მორიგე იყო, ცვლაში მუშაობდა და დღეს დილით დაბრუნებულს ეს ტრაგედია დახვდა.

ლუკა ბარბაქაძე ხაშურის მე-8 საჯარო სკოლის მოსწავლე იყო. მის სკოლაში გლოვაა.
_არ ვიცი, რა უნდა გითხრათ, საშინელება მოხდა, უდიდესი ტრაგედია, სიტყვებს თავს ვერ ვუყრი, ლუკა გუშინ ჩვეულებრივად იყო სკოლაში, ჩვეულ ხასიათზე, არანაირი ინფორმაცია არ გვაქვს, სახლშია რაღაც მომხდარი, ბავშვს ექსპერტიზა ჩაუტარდება და დასკვნა უნდა დაიდოს. სავარაუდოდ, მოწამვლის შემთხვევაა.

ლუკა ძალიან საყვარელი ბავშვი იყო. უდიდესი ტრაგედიაა, გაუბედურებულები ვართ, ჩაგვშხამდა სასწავლო წელი, ვერაფერს გეტყვით, რა კომენტარი უნდა გავაკეთო? ჩვეულებრივ იყო სკოლაში ბავშვი, კარგ ხასიათზე, ნორმალური, სიცოცხლით სავსე, გავუშვით სახლში და დღეს გავიგეთ ეს ტრაგედია, – ამბობს „კვირის პალიტრასთან“, –  საუბარში სკოლის დირექტორი.

-ეს თავზარდამცემი ამბავი დღეს დილით მეზობელმა მითხრა. ძალიან კარგი ოჯახია, მშრომელი ხალხი. მამა წუხელ სახლში არ იყო, რკინიგზაში მუშაობს და მორიგე ყოფილა, დილას მოვიდა და ეს უბედურება დახვდა. ბავშვი გარდაცვლილი იყო, დედა – უგონოდ. ამბობენ, რაღაც ჭამეს და ცუდად გახდნენო. დამატებით ჯერ არაფერი ვიცით. შოკში ვართ ყველანი, – ამბობს ადგილობრივი „კვირის პალიტრასთან“.

-ექი­მე­ბი მო­წამ­ვლას ვა­რა­უ­დო­ბენ. ექ­სპერ­ტი­ზა და­ად­გენს. სოკო არ აქვს ნა­ჭა­მი. ნა­ჭა­მი აქვს სახ­ლში გა­კე­თე­ბუ­ლი აჯაფ­სან­და­ლი, მგო­ნი ძეხ­ვიც. აი­ღეს ნი­მუ­შე­ბი. პა­სუხს ელო­დე­ბი­ან ექ­სპერ­ტი­ზის. ბავ­შვის დედა კო­მა­შია, გუ­ლია ცოტა და­ზი­ა­ნე­ბუ­ლი. შე­იძ­ლე­ბა ბავ­შვი ნახა ამ მდგო­მა­რე­ო­ბა­ში და მერე უფრო იმოქ­მე­და ალ­ბათ გულ­ზე ამან, – ამ­ბო­ბენ ად­გი­ლობ­რი­ვე­ბი.

ხა­შუ­რის ჯან­დაც­ვის ცენ­ტრის ხელ­მძღვა­ნელი, და­ვით ჩი­ქო­ვანი, ამბები.ჯი-ისთან ყვება:

– ჯერ ვე­რა­ფერს გე­ტყვით, ზუს­ტად არა­ფე­რი არ არის და­ზუს­ტე­ბუ­ლი და დად­გე­ნი­ლი. ახლა ვაგ­ზავ­ნით ლუ­გა­რის ლა­ბო­რა­ტო­რი­ა­ში დე­დის პირ­ნა­ღებ მა­სა­ლას და ასე­ვე მუ­შა­ობს სურ­სა­თის უვ­ნებ­ლო­ბის სამ­სა­ხუ­რიც, ჩარ­თუ­ლია კრი­მი­ნა­ლუ­რი პო­ლი­ცია, რო­მე­ლიც არ­კვევს კი­დევ დე­ტა­ლებს. სხვას ვე­რა­ფერს ვი­ტყვი.

– ამ­ბო­ბენ, რომ ბავ­შვის გარ­დაც­ვა­ლე­ბის მი­ზე­ზი ბო­ტუ­ლიზ­მია…

– ამას ასე ვერ ვი­ტყვით. თუ არ იქნა ბაქ­ტე­რია აღ­მო­ჩე­ნი­ლი, რო­გორ ვი­ტყვით, რომ ბო­ტუ­ლიზ­მი იყო. სა­ეჭ­ვო არის, ჩვენ ბევრ რა­მე­ზე ვეჭ­ვობთ. ამი­ტომ ვაგ­ზავ­ნით ახლა პირ­ნა­ღებ მა­სა­ლას ლუ­გა­რის ლა­ბო­რა­ტო­რი­ა­ში. მე არ ვყო­ფილ­ვარ შემ­თხვე­ვის ად­გილ­ზე. პო­ლი­ცი­ის მიერ არის მო­ტა­ნი­ლი სახ­ლი­დან პირ­ნა­ღე­ბი, ასე­ვე დე­დას ზონ­დით ამო­უ­ღეს კუ­ჭის შიგ­თავ­სი­დან მასა და ვაგ­ზავ­ნით ორი­ვე მა­სა­ლას ახლა ლუ­გა­რის ლა­ბო­რა­ტო­რი­ა­ში. რა დრო დას­ჭირ­დე­ბა და რა კვლე­ვე­ბი დას­ჭირ­დე­ბა, ეს ჩვენ არ ვი­ცით, თა­ვად ლა­ბო­რა­ტო­რი­ამ იცის. ამას გარ­და სურ­სა­თის უვ­ნებ­ლო­ბის სამ­სა­ხუ­რი პრო­დუქ­ტებს თა­ვად აგ­ზავ­ნის ლა­ბო­რა­ტო­რი­ა­ში და ისი­ნი ცალ­კე გა­ა­კე­თე­ბენ კვლე­ვებს. სურ­სა­თიც ამო­ღე­ბუ­ლია პო­ლი­ცი­ის მიერ. ყვე­ლა­ფერ­ზეა ეჭვი. ფი­ზი­კუ­რად კო­მუ­ნი­კა­ცია ვერ ხერ­ხდე­ბა დე­დას­თან, რად­გან ქალ­ბა­ტო­ნი გონ­ზე არ არის.

…

შინაგან საქმეთა სამინისტრომ მომხდარ ფაქტზე გამოძიება სისხლის სამართლის კოდექსის 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.