„სუროგაციით შეგვეძინა, ჩვენი ბიოლოგიური შვილები არიან“
თამუნა ამონაშვილი და რეზიკო არჩვაძე 16-წლიანი ლოდინის შემდეგ ტყუპების მშობლები გახდნენ
16-წლიანი ლოდინის, ბრძოლისა და ემიგრაციაში გატარებული რთული წლების შემდეგ მუსიკალურ პროდიუსერ რეზიკო არჩვაძესა და მომღერალ თამუნა ამონაშვილს ტყუპი ქალ-ვაჟი შეეძინა. პატარებს იონა და მელანია დაარქვეს და უკვე სამი თვის არიან.
.
რეზიკო არჩვაძე ამბები.ჯი-ისთან ამბობს, რომ შვილებისთვის ბრძოლის გზა იმდენად რთული და ფინანსურად დატვირთული იყო, რომ ოჯახი უდიდესი გამოწვევების წინაშე იდგა. იყო მომენტი, როდესაც მიზნის მისაღწევად სახლის გაყიდვაზეც კი ფიქრობდნენ. საბოლოოდ, ყველაფერი ღვთის ნებით და ბედნიერებით დაგვირგვინდა. რეზიკო არჩვაძე ემოციურად საუბრობს იმ განცდებზე, რაც მშობლობას ახლავს თან და განვლილ რთულ გზას იხსენებს:
– ჩართული ხართ ბავშვების მოვლაში?
– რა თქმა უნდა, დამხმარეს გარეშე ვზრდით მე და თამუნა.ძალიან ჭკვიანი ბავშვები არიან. ეს პერიოდი, რომელიც ძალიან მნიშვნელოვანია ბავშვის კონტაქტისთვის მშობლებთან, გვინდა, რომ ჩვენს სითბოში და სიყვარულში იყვნენ. თამუნას კონცერტი ან ჩაწერა თუ აქვს, მოდიან მეგობრები და გვეხმარებიან. თამუნა ძალიან შეცვალა დედობამ.
ხელოვნურ კვებაზე არიან ბავშვები და ორი თვე საოცარ რეჟიმში ვიყავით. ორი საათი გვეძინა დღეში. მადლობა უფალს, რომ ამისი ძალა და ენერგია მოგვცა.
– რეზიკო, წლებია, რაც საქართველოში დაბრუნდით საცხოვრებლად…
– დიახ, უკვე დიდი ხანია აქ ვართ. ზუსტად ამის გამო ვიყავით სხვა ქვეყანაში, რომ გვემკურნალა. იონა და მელანია ჩვენი ბიოლოგიური შვილები არიან, სუროგაციით შეგვეძინა.
ამბები.ჯი
