სიღნაღის მუნიციპალიტეტის სოფელ მაღაროში, 989 188 ლარის ღირებულების პროექტი ხორციელდება

სიღნაღის მუნიციპალიტეტის სოფელ ქვემო მაღაროში, წმინდა გიორგის ქუჩის რეაბილიტაცია მიმდინარეობს. პროექტი ითვალისწინებს გზის 1026 მეტრი სიგრძის მონაკვეთზე ორფენიანი ასფალტ-ბეტონის საფარის დაგებას, ეზოებში შესასვლელების და სანიაღვრე არხის მოწყობას. ამ ეტაპზე, ასფალტის საფარის პირველი ფენა უკვე დაგებულია. გზის სარეაბილიტაციო სამუშაოები ადგილობრივი ბიუჯეტის დაფინანსებით ხორციელდება. პროექტის ღირებულება 989 188 ლარს შეადგენს.