„გარ­და­იც­ვალა ერთი ადა­მი­ა­ნი“

თბილისში. „ვაგზლის მოედანზე” საცხოვრებელი სახლის ბოლო სართული ჩამოინგრა. სამწუხაროდ, ნგრევას მსხვერპლი მოჰყვა.

.

-სამ­წუ­ხა­როდ, მოხ­და უბე­დუ­რი შემ­თხვე­ვა, რის შე­დე­გა­დაც გარ­და­იც­ვალა ერთი ადა­მი­ა­ნი, ერთი არის და­შა­ვე­ბუ­ლი, რო­მელ­საც კლი­ნი­კა­ში უტარ­დე­ბა შე­სა­ბა­მი­სი მკურ­ნა­ლო­ბა. თვი­თონ კორ­პუსს რაც შე­ე­ხე­ბა, იყო ავა­რი­უ­ლი, მე­ხუ­თე კა­ტე­გო­რი­ის ავა­რი­უ­ლო­ბა ჰქონ­და მი­ნი­ჭე­ბუ­ლი, რო­მე­ლიც არ ექ­ვემ­დე­ბა­რე­ბო­და რე­ა­ბი­ლი­ტა­ცი­ას. ამის შე­სა­ხებ იცო­და ად­გი­ლობ­რივ­მა მო­სახ­ლე­ო­ბამ, არა­ერ­თი შეხ­ვედ­რა გა­ი­მარ­თა დი­დუ­ბის რა­ი­ო­ნის გამ­გე­ო­ბა­ში. გა­კე­თე­ბუ­ლი იყო შე­თა­ვა­ზე­ბა იმას­თან და­კავ­ში­რე­ბით, რომ მო­ნა­წი­ლე­ო­ბა მი­ე­ღოთ ჩა­ნაც­ვლე­ბის პროგ­რა­მა­ში, რი­თაც ჩვენ უზ­რუნ­ველ­ყოფ­დით აღ­ნიშ­ნუ­ლი კორ­პუ­სის დე­მონ­ტაჟს და ახა­ლი კორ­პუ­სის სამ­შე­ნებ­ლო სა­მუ­შა­ო­ებს.

იცით, რომ ასე­თი პროგ­რა­მის გან­ხორ­ცი­ე­ლე­ბას სჭირ­დე­ბა მო­სახ­ლე­ო­ბის 100%-იანი თან­ხმო­ბა, რო­მე­ლიც, სამ­წუ­ხა­როდ, ვერ იქნა მიღ­წე­უ­ლი. რამ­დე­ნი­მე ოჯა­ხი, რო­მელ­მაც თან­ხმო­ბა გა­ნა­ცხა­და, გაყ­ვა­ნი­ლია ქი­რით, თუმ­ცა და­ნარ­ჩე­ნებ­მა ამ ეტაპ­ზე უარი გა­ნა­ცხა­დეს, – გა­ნა­ცხა­და თბილისის მერმა, კახა კა­ლა­ძემ.

შინაგან საქმეთა სამინისტრო „სადგურის მოედნის“ მიმდებარე ტერიტორიაზე მდებარე ერთ-ერთ საცხოვრებელ კორპუსში მომხდარი ნგრევის შესახებ ინფორმაციას ავრცელებს.

უწყების ცნობით, მეხანძრე-მაშველებმა ჩამონგრეული შენობის მიმდებარე ტერიტორიიდან „მყისიერად განახორციელეს” მოქალაქეების ევაკუაცია. უწყების ცნობით, მიმდინარეობს ტერიტორიის ნანგრევებისგან გაწმენდა და აქტიური საძიებო-სამაშველო ღონისძიებები და ადგილზე იმყოფებიან სასწრაფო სამედიცინო დახმარების თანამშრომლები.

„შინაგან საქმეთა სამინისტროს მიერ, თბილისში, „სადგურის მოედნის“ მიმდებარე ტერიტორიაზე მდებარე ერთ-ერთ საცხოვრებელ კორპუსში მომხდარი ნგრევის შესახებ შეტყობინების მიღებისთანავე, მოხდა საგანგებო სიტუაციების მართვის სამსახურის მეხანძრე-მაშველებისა და საპოლიციო ძალების მობილიზება.

ადგილზე მისვლისთანავე, მეხანძრე-მაშველებმა ჩამონგრეული შენობის მიმდებარე ტერიტორიიდან მყისიერად განახორციელეს მოქალაქეების ევაკუაცია.

მიმდინარეობს ტერიტორიის ნანგრევებისგან გაწმენდა და აქტიური საძიებო-სამაშველო ღონისძიებები. ადგილზე იმყოფებიან სასწრაფო სამედიცინო დახმარების თანამშრომლები.

შინაგან საქმეთა სამინისტრო მოუწოდებს მოქალაქეებს, ასევე, ადგილზე მყოფ ყველა მედიასაშუალების წარმომადგენელს, დაემორჩილონ შინაგან საქმეთა სამინისტროს თანამშრომლების მითითებებს და დაიცვან უსაფრთხოების ნორმები”, – ნათქვამია ინფორმაციაში.