საზოგადოება
სახიფათო ინტერნეტ თამაშები საქართველოში კანონით აიკრძალება?
სახიფათო ინტერნეტ თამაშები საქართველოში შესაძლოა კანონით აიკრძალოს. შესაბამის რეგულაციებზე საკანონმდებლო ორგანოში მუშაობა უკვე დაწყებულია. ცვლილებები ელექტრონული კომუნიკაციების შესახებ კანონში შევა და უსაფრთხო ვირტუალურ სამყაროზე პასუხისმგებლობა ინტერნეტ პროვაიდერებს დაეკისრებათ.
მსგავსი სისტემის ამოქმედება მოსწონთ ბავშვთა ფსიქოლოგებს. ბოლო ერთი წლის განმავლობაში საქართველოში ბავშვთა სუიციდის რამდენიმე შემთხვევა მოხდა, თუმცა უკავშირდება თუ არა ეს მკვლელ ინტერნეტ თამაშებს, ამ დრომდე ოფიციალურად დადგენილი არ არის.