დღეს, 13 მარტს, იტალიის ქალაქ ნეაპოლში 4.4 მაგნიტუდის სიმძლავრის მიწისძვრა მოხდა. ეს იყო ყველაზე ძლიერი მიწისძვრა ბოლო 40 წლის განმავლობაში, რამაც გამოიწვია განმეორებითი ბიძგები, შენობების ნგრევა, არის მსხვერპლიც.
.
ადგილობრივებმა აღნიშნეს, რომ ბიძგებამდე რამდენიმე წამით ადრე „მძლავრი გრგვინვა“ გაიგეს.როგორც იტალიური მედია იუწყება, მიწისძვრის ეპიცენტრი ნეაპოლის პატარა უბანი, პოცუოლი, იყო, რომელიც ქალაქის სანაპიროსთან ახლოს მდებარეობს.
იტალიური საინფორმაციო სააგენტოს ცნობით, ნეაპოლის მიწისძვრის შემდეგ გამოქვეყნებულ ფოტოებზე ჩანს, როგორ ცდილობენ მოქალაქეები ფანჯრებიდან გადახტომას.
„სიკვდილს ჩავხედე თვალებში, ისეთი ძლიერი მიწისძვრა იყო. თან მე-4 სართულზე სად გინდა რომ გაიქცე. საშინელება იყო. ყველაფერი ირყეოდა. ხმა ხომ საერთოდ საშინელი იყო. ღმერთო შენ გვიშველე…“.
– ჩვენი სახლი არ დაზიანდა, მაგრამ ყველა შეშინებული ვართ. რაც აქ ვცხოვრობ, ეს პირველი შემთხვევა არ არის, როდესაც მიწისძვრა მოხდა, მაგრამ ეს ალბათ ყველაზე ძლიერი იყო. უამრავი ქართველია ნეაპოლში, მოვიკითხეთ ერთმანეთი და ყველა ძალიან შეშინებულია, – ამბობს ლია ძამსაშვილი ამბები.ჯი-ისთან.
