რატომ უნდა მივიღოთ ჩიის თესლი
„გასული თვეში ძალიან საინტერესო კვლევები გამოქვეყნდა, მისი სასარგებლო ნიშან-თვისებები იმსახურებს, რომ ყოველდღიურ რაციონში ჩავსვათ“ - ლაშა უჩავა
ჩიას თესლი უამრავი სასარგებლო თვისებით გამოირჩევა, მაგრამ ზომიერება აუცილებელია. ასევე სწორად უნდა განვსაზღვროთ დოზები სხვადასხვა ასაკობრივ კატეგორიაში. ენდოკრინოლოგი ლაშა უჩავა ამბები.ჯი-სთან საუბრობს:
.
– ჩიას თესლი ნამდვილად სასარგებლო და მნიშვნელოვანი პროდუქტია ჩვენი ორგანიზმისთვის, რადგან ის შეიცვას მთელ რიგ ვიტამინებსა და მინერალებს: ომეგა 3 ცხიმოვან მჟავებს, რაზეც გასული თვეში ძალიან საინტერესო კვლევები გამოქვეყნდა. აღმოჩნდა, რომ ის ნამდვილად დიდი სარგებლის მომტანია გულ-სისხლძარღვთა და იმუნური სისტემებისთვის. ჩია ასევე შეიცავს დიდი რაოდენობით უჯრედისს, რაც მნიშვნელოვანია ჩვენი კუჭ-ნაწლავის ტრაქტის გამართული მუშაობისთვის, მიკროფლორის გაჯანსაღებისთვის, ტვინის გამართული ფუნქციონირებისა და იმუნური სისტემებისთვის, რადგან ჩიაში შემავალი ბოჭკო კვებავს მიკროფლორას.
გარდა ამისა, ჩია შეიცავს მთრთილავ ნივთიერებებს, რომელსაც ჩვენ ანტიოქსიდანტების სახელით ვიცნობთ, რაც უზრუნველყოფს ჯანსაღი უჯრედების დაცვას მავნე ორგანიზმებისგან. ასევე შეიცავს კალცს, რაც აუცილებელია როგორც ძვლოვანი, ასევე თმა, კანისა და ფრჩხილის სტრუქტურისთვის. ეს ჩამონათვალი ჩიას სძენს იმ სასარგებლო ნიშან-თვისებებს, რის გამოც იმსახურებს, რომ ყოველდღიურ რაციონში ჩავსვათ.
– რაც შეხება წონაში კლებას, ვიცით, რომ საქართველოში ხშირად გამოიყენებენ დიეტების დროს…
– როდესაც ვსაუბრობთ ჩიაში არსებულ ვიტამინებსა და მინერალებზე, ასევე ბოჭკოზე, რომელიც ორგანიზმს საკვების შეწოვაში ეხმარება, რა თქმა უნდა, მეტაბოლიზმის გაუმჯობესების ხარჯზე წონის კორექცია ხდება. ასევე ჩიას გააჩნია უნარი შექმნას კუჭსავსეობის შეგრძნება, რადგან კუჭში ჩია ჯირჯვდება, ფუვდება და ხდება დანაყრების შეგრძნება, რის ხარჯზეც ადამიანი ნაკლებ საკვებს მიირთმევს.
– ბატონო ლაშა, რა სახით უნდა მივიღოთ ჩია?
– ამას გადამწყვეტი მნიშვნელობა არ აქვს, შეგვიძლია გამოვიყენოთ იოგურტში, სმუზებში, მივირთვათ ჩიას პუდინგი. მოვაყაროთ ნებისმიერ სალათსა თუ კერძს. გამოვიყენოთ დესერტებში. ნებისმიერი მსგავსი ტიპით მიღებული ჩია უზრუნველყოფს იმ დადებითი თვისებების არსებობას, რაზეც ვისაუბრეთ.
– დღიურ დოზებს თუ აქვს მნიშვნელობა.
– დღის განმავლობაში შეგვიძლია გამოვიყენოთ 1-2 სუფრის კოვზი, მეტის მიღება რეკომენდებული არ არის. იმიტომ არა, რომ უარყოფით ზეგავლენას მოახდენს, უბრალოდ, შესაძლებელი გარკვეული დისკომფორტი მაინც გამოიწვიოს. შეგიძლიათ მიიღოთ ასევე ყოველდღიურად.
ამბები.ჯი
