პატიმარ ბაჩო ახალაიას მეუღლე – ანი ნადარეიშვილი ფეისბუქის საკუთარ გვერდზე ქმართან დაკავშირებით პოსტს აქვეყნებს. ნადარეიშვილი ამბობს: მას შემდეგ რაც ადვოკატი გახდი ხშირად მივდივარ ციხეში, ვესაუბრები მეუღლეს და უფრო მეტად ვრწმუნდები, უსამართლობების შემდეგაც ბაჩო ახალაია კვლავ არის კეთილშობილი, უკომპრომისო, სამშობლოსა და ადამიანების უსაზღვროდ მოყვარულიო.
  ანი ნადარეიშვილი:
   _ უკვე ორი თვეა რაც ადვოკატი ვარ და რაც ბაჩოსთან შევდივარ ციხეში. ყოველ დილით სევდანარევი სიხარულით მივრბივარ მატროსოვზე და სამუშაო საათის ბოლო წუთამდე, სანამ ციხე დაიკეტება გარეშე პირებისთვის იქ ვზივარ ბაჩოსთან ადვოკატთან შეხვედრის ოთახში. ერთი პატარა 2,5 მეტრიანი ოთახია, მხოლოდ ოთხი კედელი პატარა მაგიდით და ორი უზურგო სკამით, არც ფანჯარაა, არც საათი, მხოლოდ კამერა დაგვყურებს ზემოდან… მაგრამ სულ არ მადარდებს და არ მთრგუნავს, მთავარია ბაჩოა ჩემთან ერთად. ვუყურებ და ვუსმენ ყოველდღე ამ ბიჭს, ათას თემაზე ვსაუბრობთ, თემას რა გამოლევს როცა ამდენი წლის უნახავ საყვარელ ადამიანს ელაპარაკები. მანცვიფრებს ამდენი უსამართლობის მერეც მისი ისევ ისეთი კეთილშობილება, მზრუნველობა, შემართება, სიძლიერე, ყოველი სიტყვა, აზრი, ფიქრი, გაუტეხელობა, უკომპრომისობა, სიმტკიცე, ქცევის მანერა, მხნეობა, სამშობლოსა და ადამიანებისადმი უსაზღვრო სიყვარული. ყოველდღე უფრო და უფრო ვრწმუნდები როგორ გამიმართლა ცხოვრებაში, ძალიან ბედნიერი ვარ რომ ბაჩო მყავს, არ ვიცი ამაზე მეტად როგორ შეიძლება გიყვარდეს, ამაზე მეტი სიყვარული უბრალოდ არარსებულია!

 

კომენტარები
Загрузка...