საზოგადოება

,,ისინი მაიამიში ერთმანეთს უნდა შეხვედროდნენ”_ როდის დაუკავშირდა დავით კანდელაკის მეუღლე პოლიციას?

აშშ-ში მოკლული ქართველი ექიმის, 31 წლის დავით კანდელაკის საქართველოში გადმოსვენების ხარჯს სახელმწიფო დაფარავს.

როგორც პირველ არხს საგარეო საქმეთა სამინისტროში განუცხადეს, შეერთებულ შტატებში საქართველოს საკონსულო მუდმივ კავშირზეა მოკლულის ოჯახთან და ჩართულია გადმოსვენებისთვის საჭირო საკითხებში. აშშ-ში, შტატ კენტუკის ქალაქ ლუისვილში, ერთ-ერთ საცხოვრებელ ბინაში ქართველი მამაკაცი, 31 წლის დავით კანდელაკი მოკლული შაბათს იპოვეს.

მედიის ცნობით, მასთან ერთად აღმოჩენილია ასევე 30 წლის მამაკაცის ცხედარი. ორივე მათგანი ცეცხლსასროლი იარაღიდან გასროლითაა მოკლული. სამართალდამცველების ინფორმაციით, ერთი დღით ადრე, კანდელაკის გაუჩინარების შესახებ მისმა მეუღლემ განაცხადა. ქალი პოლიციას მას შემდეგ დაუკავშირდა, რაც მეუღლე შტატ ფლორიდაში, ქალაქ მაიამიში შეთანხმებისამებრ, არ შეხვდა. პოლიცია მკვლელობაში ეჭვმიტანილების დადგენას ამ დრომდე ცდილობს.

კომენტარები

მსგავსი სიახლეები

Leave a Reply

Your email address will not be published. Required fields are marked *

Back to top button
Close