საგარეჯოში სასტიკი მკვლელობა მოხდა. ყოფილმა ქმარმა ციაკო სულიკაშვილს სახლში მიაკითხა, მოტყუებით გაიყვანა და თავში ქვა ჩაარტყა. ახალგაზრდა ქალი მიღებული დაზიანებების შედეგად საავადმყოფოში გარდაიცვალა.
.
ციაკო სულიკაშვილს ორი შვილი დარჩა. გავრცელებული ინფორმაციით, ეს ძალადობის პირველი შემთხვევა არ ყოფილა. წლების მანძილზე ძალადობდა მასზე ქმარი. თავის დროზე მათი ოჯახი სწორედ ძალადობის გამო დაინგრა. მეზობლების თქმით, მამაკაცი, რომელიც ასე სასტიკად გაუსწორდა ცოლს, სწორედ ოჯახური ძალადობისთვის იხდიდა სასჯელს და ციხიდან ამნისტიით ახალი გამოსულია.
შსს ყველას აფრთხილებს, ქალთა მიმართ ან ოჯახში ძალადობის შემთხვევაში უნდა დარეკოთ 112-ზე. ასევე, შეგიძლიათ ჩამოტვირთოთ 112-ის მობილური აპლიკაცია და მიმოწერით, ზარით ან SOS ღილაკით დაუკავშირდეთ ოპერატორს. შეგიძლიათ დარეკოთ ცხელ ხაზზეც – 116 006. კონსულტაცია იურიდიულ, ფსიქოლოგიურ, სოციალურ და სამედიცინო საკითხებზე უფასოა და დაცულია ანონიმურობა.
