სამართალი და კრიმინალი
ერთი გარდაცვლილი და სამი დაშავებული – ძლიერი აფეთქება ფოთში
ფოთში, ნაბადის უბანში ხელყუმბარის აფეთქების შედეგად ახალგაზრდა მამაკაცი დაიღუპა.დაშავდა სამი ადამიანი.
შემთხვევა გამთენიისას ქუჩაში მოხდა. დაშავებულები ფოთისა და ქუთაისის საავადმყოფოებში გადაიყვანეს.
ადგილზე ამ დრომდე პოლიცია და ექსპერტ-კრიმინალისტები მუშაობენ.
შინაგან საქმეთა სამინისტროს ინფორმაციით, გამოძიება სისხლის სამართლის კოდექსის ორი – 236 და 124-ე მუხლებით დაიწყო. პირველი გულისხმობს ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვას, მეორე კი ჯანმრთელობის დაზიანებას გაუფრთხილებლობით.
მიშკა ძიძიგური
