საინტერესო

დაცულ ტერიტორიებზე ბილეთები გაძვირდა – ვინ აპროტესტებს ამ გადაწყვეტილებას

გუშინ, გვიან საღამოს ფეისბუქზე გაჩნდა პოსტი, რომელიც საქართველოს ახალგაზრდა გიდების ასოციაციის თავმჯდომარეს ლაშა ბერეკაშვილს ეკუთვნის. გიდების ასოციაციის თავმჯდომარე დაცული ტერიტორიების სააგენტოს იმ გადაწყვეტილებას აპროტესტებდა, რომლის მიხედვითაც დაცულ ტერიტორიებზე ბილეთები გაძვირდა, ასოციაციის წევრებმა კი ამის შესახებ, მხოლოდ რამდენიმე დღით ადრე გაიგეს. ზრდა 10-15%-იანია და ტუროპერატორების თქმით, წინასწარ გაყიდულ ბილეთებზეც ვრცელდება.

კერძოდ: „მარტვილის კანიონი“ – ფასები საქართველოს მოქალაქეებისთვის 9 ლარიდან – 10 ლარამდე გაიზარდა. უცხოეთის მოქალაქეებისთვის – 15 ლარიდან 17 ლარამდე.

„პრომეთეს მღვიმე“ – ფასები საქართველოს მოქალაქეებისთვის 10 ლარიდან 11-ნახევარ ლარამდე გაიზარდა, ხოლო უცხოელებისთვის – 20-დან 23 ლარამდე.

„სათაფლია“ – ფასები საქართველოს მოქალაქეებისთვის 7 ლარიდან 8 ლარამდე გაიზარდა. უცხოეთის მოქალაქეზე – 15 ლარიდან 17 ლარამდე.

„ოკაცეს კანიონი“ – ფასი საქართველოს მოქალაქეებზე 8 ლარიდან 9.20 ლარამდე გაიზარდა, უცხოეთის მოქალაქეებზე კი, 15-დან 17 ლარამდე.

წყარო: bm.ge

 

კომენტარები

მსგავსი სიახლეები

Back to top button
Close