All for Joomla All for Webmasters

ცხოველთა სამყარო

მთავარი სხვა ცხოველთა სამყარო

სიკვდილის წინ ქმარმა ცოლს ერთი თხოვნა დაუბარა … – მარტოხელა მოხუცის ისტორია

 ,,დღეს გლდანიდან 72 წლის ქალბატონი ლამარა ქარელიძე დაგვიკავშირდა და დახმარება გვთხოვა. მასთან მისულებმა ძალიან სევდიანი ისტორია მოვისმინეთ:

ქალბატონი ლამარა რამოდენიმე თვის წინ დაქვრივდა, უფრო ადრე კი ერთადერთი შვილი დაიტირა და მიწას მიაბარა. მეუღლისგან 2 მონადირე ძაღლი დარჩა, ჯეკა და ნადირა. სწორედ ჯეკასა და ნადირას სეირნობისას დაშავდა ოჯახის უფროსი, წაიქცა, სინკარის რკინა პირდაპირ ფილტვში შეერჭო და მძიმედ დაშავდა. ათი დღის განმავლობაში იწვალა. სიკვდილის წინ ქმარმა ცოლს დიდი თხოვნა დაუბარა, – ჩემს ჯეკას და ნადირას მიმიხედეო. ქმრის გარდაცვალების შემდეგ
მეზობლები ავიწროებდნენ საბრალო ქალს, განსაკუთრებით კი ერთ-ერთი მეზობელი სოსო ჭელიძე გამოირჩეოდა აგრესიით, ხან ქვებს უშენდა ძაღლებს, ხან კიდევ მოხუცს ემუქრებოდა, მოაშორე ძაღლები თორემ დავხოცავო.
მიზეზის გარკვევისას აღმოჩნდა, რომ თურმე რწყილების ეშინიათ, ძაღლმა რწყილი იცისო და კორპუსში გამრავლდებაო.

,, ინსულტგადატანილი მარტოხელა მოხუცი ვარ, ამათთან ბრძოლის ძალა აღარ მაქვს. უმორჩილესად გთხოვთ, გადამირჩინეთ ძაღლები, წაიყვანეთ თქვენთან და მე თუ ყოველდღე ვერ შევძელი, კვირაში ერთხელ მაინც მოვალ ხოლმე მათ მოსანახულებლად. წვნიანს მოვუტან და ვანუგეშებ, თან თავსაც ვინუგეშებ, რომ თქვენთან კარგად იქნებიან ჩემი ჯეკა და ნადირა.“ – ცრემლიანი თვალებით და აკანკალებული ხმით შეგვევედრა ქალბატონი ლამარა.

მიუხედავად იმისა, რომ ჩვენი თავშესაფარი ფინანსური პრობლემების გამო ბინადრებს აღარ იღებს, თამაზ ელიზბარაშვილმა დაუშვა გამონაკლისი და ქალბატონ ლამარას დახმარების ხელი გაუწოდა. ამიერიდან ჯეკა და ნადირა ჩვენს თავშესაფარში იცხოვრებენ .
ცხრასართულიანი კორპუსის მაცხოვრებლებიდან არცერთი მათგანი არ გამოსულა და არ უნუგეშებია ატირებული ქალბატონი, რომელიც შვილებივით გაზრდილ ძაღლებს ემშვიდობებოდა.

თავშესაფარს სჭირდება თქვენი დახმარება. თქვენ მიერ გაღებული 1 ლარიც კი ჩვენთვის ძვირფასია. ჩვენი რეკვიზიტებია:
მიმღები ბანკი : სს ,,საქართველოს ბანკი”
ბანკის კოდი : BAGAGE22
მიმღების დასახელება:ელიზბარაშვილი თამაზ
მემღების ანგარიშის ნომერი : GE83BG0000000574178400
ანგარიშის რეკვიზიტები აშშ დოლარში:
BANK DETAILS FOR TRANSFERS IN US DOLLAR
Intermediary Bank: Citibank N.A. New York , USA
Swift:CITIUS33
Account with Institution:Bank of Georgia
Swift: BAGAGE22
Address:29a Gagarin street, Tbilisi 0160 , Georgia
Beneficiary: ELIZBARASHVILI TAMAZ
Account:GE83BG0000000574178400
ანგარიშის რეკვიზიტები ევროში:
BANK DETAILS FOR TRANSFERS IN EURO
Intermediary Bank :Commerzbank, Frankfurt,Germany
Swift:COBADEFF
Account with Institution:Bank of Georgia
Address:29a Gagarin street, Tbilisi 0160 , Georgia
Swift: BAGAGE22
Beneficiary: ELIZBARASHVILI TAMAZ
Account:GE83BG0000000574178400″

წყარო: ,,თამაზ ელიზბარაშვილის ძაღლების თავშესაფარი”

თამაზ ელიზბარაშვილი რუსთავის მოსახლეობას და ,,შინაგან საქმეთა სამინიტროს“ მიმართავს!

ძალიან ხშირია ქალაქ რუსთავში ძაღლების მიმართ ძალადობის ფაქტები. ჩვენ არაერთხელ მოვუწოდეთ რუსთავი მოსახლეობას, რომ შეეწყვიტათ ცხოველების მიმართ აგრესია, მაგრამ ფაქტია, რომ ამ მოწოდებამ არ გაჭრა და კვლავ განაგრძობენ რუსთაველები სიბნელეში და ძალადობაში ცხოვრებას. ამას მოწმობს გუშინ რუსთავში მომხდარი ვანდალური შემთხვევა, რომლის შემსწრენი გახდნენ არასრულწლოვნები. თვითმხილველი ერთ-ერთი გოგონა შეეცადა, რომ შეეჩერებინა მკვლელი, იქვე მსხდომ მამაკაცებსაც სთხოვა დახმარება, მაგრამ მათ არანაირი რეაგირება არ მოახდინეს, არაფრად ჩააგდეს ბავშვების ხვეწნა-მუდარა. ვიდეოზე კარგად ჩანს მოძალადე მამაკაცმა რაც ჩაიდინა. ამასთან დაკავშირებით ცხოველთა დამცველი თამაზ ელიზბარაშვილი მიმართავს რუსთავის მოსახლეობას და ,,შინაგან საქმეთა სამინიტროს“: ,,ისევ და ისევ მოვუწოდებთ რუსთაველებს, თუ შემორჩენიათ ადამიანობა და მათ შორის ერთი ვაჟკაცი მაინც არის, წინ აღუდგნენ ამ ბოროტებას და სისასტიკეს. ასევე მივმართავ ,,შინაგან საქმეთა სამინისტროს“, რომ უმკაცრესად დასაჯონ ის მკვლელი, რომელმაც ბავშვების თვალწინ ჩაიდინა მკვლელობა“.

,,სამხედრო მეთაურმა ჯარისკაცებს ძაღლები დაახოცინა “

დღეს თავშესაფარს დაუკავშირდნენ კოჯრის გიორგი ანწუხელიძის სახელობის სერჟანტთა მომზადების ცენტრიდან. ერთ-ერთი თანამშრომლის ინფორმაციით, აღნიშნული ცენტრის ეზოში 2 ძაღლი ბინადრობს. მათ დახოცვით ემუქრებიან, თუ ტერიტორიიდან არ გაიყვანენ. ამავე თანამშრომლის ინფორმაციით, ძაღლები ლეკვობიდან გაზარდა სამხედრო მედდამ. სამწუხაროდ, ეს ქალბატონი იმ გახმაურებულ ავტოკატასტროფას ემსხვერპლა, რომელიც 2016 წლის 25 ნოემბერს მოხდა მცხეთის გზაზე, სამხედრო პიკაპი მცხეთის ხიდიდან მტკვარში გადავარდა. იმავე ცენტრის თანამშრომელმა გვაცნობა, რომ ყოფილმა მეთაურმა 3 წლის წინ ჯარისკაცებს სამხედრო ნაწილის ტერიტორიაზე მყოფი ძაღლები დაახოცინა, დიდი ორმო ამოათხრევინა და დაამარხინა. შესაძლებელია, იგივე ბედი გაიზიაროს გარდაცვლილი მედდის მიერ გაზრდილმა ძაღლებმაც. ამ საზარელ ფაქტთან დაკავშირებით ცხოველთა უფლებადამცველი თამაზ ელიზბარაშვილი აცხადება: ,, მივმართავ თავდაცვის მინისტრს, ბატონ ლევან იზორიას, თუ სამხედრო ცენტრის თანამშრომლის მიერ მოწოდებული ინფორმაცია სიმართლეს შეესაბამება, მაშინ გამოიძიონ 3 წლის წინ მომხდარი დანაშაული და საკადრისად დასაჯონ დამნაშავე. რაც შეეხება ცენტრის ტერიტორიაზე მყოფ ორ ძაღლს, თუ მათ კანონი უკრძალავს იქ ყოფნას, მაშინ მე მზად ვარ ისინი თავშესაფარში მივიღო“.

 

ქართულმა ნაგაზმა სიმბამ კიდევ ერთხელ დაამტკიცა, რომ ძაღლი ადამიანის უერთგულესი მეგობარია

სიმბა (ხვადი, 3 წლის) შაბათს, 22 ივლისს, მოიყვანა პატრონმა თავშესაფარში. ნაგაზი მოყვანისთანავე დაითრგუნა ვოლიერში, საცოდავი თვალებით ითხოვდა შველას. მისი სევდიანი მზერა უყურადღებოდ არ დარჩენია თავშესააფრში მოსულ ერთ-ერთ მოხალისეს და სასეირნოდ გაიყვანა, მაგრამ ძაღლი გაექცა და მას შემდეგ ვეღარ ვიპოვეთ ნაგაზი, უგზო-უკვლოდ გაქრა.

დღეს დილით, დაგვირეკეს და შეგვატყობინეს, რომ სიმბა მივიდა პატრონთან. მან თითქმის მთელი ქალაქი გაიარა ამ 4 დღის განმავლობაში და მიაგნო იმ ქუჩას, იმ კორპუსს, იმ სადარბაზოს და იმ ბინას, სადაც მან 3 წელი გაატარა. პატრონმა ჩვენ გვთხოვა სიმბას თავშესაფარში დაბრუნება. სიმბა ამჟამად ისევ თავშესაფარშია. ორმაგად გულდამძიმებული და იმედგაცრუებული წევს 32-ე ვოლიერში და განიცდის, რომ ტყუილად იარა ქუჩა-ქუჩა 4 დღე-ღამის განმავლობაში პატრონის კარამდე მისასვლელად…

წყარო: თამაზ ელიზბარაშვილის ძაღლების თავშესაფარი

ორი მოხუცის ამბავი (ვიდეო)

   თამაზ ელიზბარაშვილის ძაღლების თავშესაფრის ფეისბუქის გვერდი საოცარ ვიდეოს აქვეყნებს, სადაც ასახულია ორი მოხუცის – ძაღლისა და მისი პატრონის საოცარი ურთიერთობის ამბავი.
   ძაღლი, სახელად ბუჩი უფროდაუფრო დარდობს. თვალი სულ კარისკენ უჭირავს, პატრონს ელოდება… 12 წლის სტაფის ისტორია იხილეთ ვიდეოკოლაჟის ტიტრებში.

დათვი სახელად ლელა ცხვარიჭამიაში დასახლდა

დათვი ლელა 10 წლის განმავლობაში ყაზბეგის რაიონის სოფელ ვარდისუბანში კაკო პაპას ოჯახში ცხოვრობდა. ამ რამდენიმე კვირის წინ კი მთლიანად შეიცვალა ლელას ცხოვრება. ის ბიზნესმენმა და ცხოველთა უფლებების დამცველმა თამაზ ელიზბარაშვილმა ცხვარიჭამიაში სპეციალურად დათვებისთვის გაკეთებულ ნაკრძალ-თავშესაფარში ჩამოიყვანა, სადაც ლელა არაჩვეულებრივად გრძნობს თავს. პირველ ეტაპზე ბუნაგიდან გამოსვლის შიში ჰქონდა, რადგან 10 წლის განმავლობაში პატარა ვოლიერში იყო გამოკეტილი, არ უნახავს თავისუფლება… ახლა კი უკვე გაიარა ადაპტაცია და დანარჩენ დათვებსაც შეეჩვია, მათთან ერთად თამაშობს, ერთობა როგორც შეუძლია. შეიძლება ითქვას, ლელა თავს ბედნიერად გრძნობს ნაკრძალ-თავშესაფარში. ის თავისუფლად სეირნობს ტერიტორიაზე, რომელიც ელექტროღობითაა შემოსაზღვრული და რომელიც სპეციალურად მისთვის  თამაზ ელიზბარაშვილმა მსახიობ სოსო ჯიქურიშვილთან ერთად გააკეთა. ასევე ბატონი თამაზი სოსოსთან ერთად აპირებს კიდევ გააფართოოს ნაკრძალი-თავშესაფარი. ამ თვის ბოლოსთვის დასრულდება კიდევ 400 კვ.მ. მიწის ფართობის ელექტროღობით შემოსაზღვრა, სადაც მოიყვანენ ორ დათვს, რომლებიც უკიდურესად მძიმე პირობებში იმყოფებიან. ასე რომ, ლელას და მის მეგობრებს სულ მალე კიდევ ორი მეგობარი შეუერთდება. იმედია, ისინიც ლელასავით მალე შეეჩვევიან ახალ გარემოს.

ამ უწყინარ, კახელ ფისოს 10 გველი ჰყავს მოკლული (ვიდეო)

ეს სიამის ფუსუნია, სახელად გრეი, კახეთში ცხოვრობს და როგორც მისი პატრონები ამბობენ, ქვეწარმავლებისა და თაგვების რისხვაა. ფისო თურმე წყნეთში დაიბადა და ოჯახს ახლობელმა ადვოკატმა აჩუქა -მისი მშობლები კარგი მონადირეები არიან, წყნეთში, თაგვებთან ,,პალაჟენია” აქვთ დაყენებული და ესეც აუცილებლად იყოჩაღებსო. იმ იმედით, რომ ოჯახს თაგვების შემოსევისგან იხსნიდა, ფისო კახეთს გაამგზავრეს.

გრეიმ გაამართლა… ბოლო წლებში, ალაზნისპირა სოფლებში ქვეწარმავლების შემოსევაა. ადგილობრივები გველებს ეზოებში და თქვენ წარმოიდგინეთ, საცხოვრებელ სახლებშიც ხვდებიან. ვიდეოზე აღბეჭდილ, ერთი შეხევდვით უწყინარ  ფისოს კი, თურმე 10 გველი ჰყავს უკვე მოკლული. არადა, ის, ჯერ კიდევ ერთი წლისაა.

,,ნაძირალა, რომელიც მანქანაზე გამობმული რკინის ჯაჭვით კავკასიურ ნაგაზს მიარბენინებდა”

ამ ბოლო დროს, ძალიან გახშირდა ძაღლების წამების, დასახიჩრების და დახოცვის ფაქტები. ცხოველებთან ასეთი მოპყრობა კანონით ისჯება, მაგრამ ქვეყანაში სადაც ადამიანებსაც უჭირთ სამართლის პოვნა ცხოველებზე ვინღა ფიქრობს?! ცოტა ხნის წინ, ერთ-ერთმა მოქალაქემ, ვლადიმერ თვალიაშვილმა, თავის ფეისბუქ გვერდზე გამოაქვეყნა პოსტი, სადაც აღწერილია ძაღლის სასტიკად მოპყრობის ფაქტი, ოღონდ განსხვავებული მეთოდით: “ისთ პოინტის გამოსასვლელთან ავეკიდე ამ ნაძირალას, რომელიც მანქანაზე გამობმული რკინის ჯაჭვით კავკასიურ ნაგაზს მიარბენინებდა… ჩემ თვალ წინ დაეცა ძაღლი და თქეში ამოუშვა, ნაბიჭვარმა პატრონმა ვერც კი შეამჩნია და გადაუარა წინა ფეხზე… როცა სიგნალები დავიწყე, რამდენიმე მეტრიც ახოხიალა და როგორც იქნა გაჩერდა. ახლა უკან დაძრა და უკანა ფეხზე გადაუარა კინაღამ. როგორც იქნა ასევე სიგნალებით გავაჩერებინე, საბედნიეროდ უკანა ფეხის ბეწვი მოყვა მარტო საბურავის ქვეშ… მას შემდეგ რაც მანქანიდან გადმოვხტი, ბოდიშების ხდით მეცა და დამაწწყნარა ვიღაც ნაბიჭვარმა ღრუზინმა, რომელმაც ახსნა თავისი ნაბიჭვრული ქცევა იმით რო ვავარჯიშებ ძამიკო დაწყნარდიო… საბოლოოდ უცებ გადმოხტა ორი ტიპი და საწყალი ქაფგადმოსული ძაღლი მანქანაში შეტენეს და წაიყვანეს… აი ესაა კაცობა, ხო?!” – წერს თვალიაშვილი.

თაკო კვარაცხელია

დღეს პატრონმა ვოლიერის კარი გაუღო და დაუძახა: ,,ბაჯო მივდივართ“

ქართული ნაგაზი ბაჯო პატრონთან დაბრუნდა!
ბაჯო რამდენიმე თვის წინ სამკურნალოდ მოგვაბარა ზურაბ გონგაძემ. ნაგაზს კანის დაავდება აწუხებდა. მკურნალობის კურსმა წარმატებით ჩაიარა, ბაჯო გამოჯანმრთელდა. თავშესაფარში ყოფნის პერიოდში მის მოსანახულებლად ხშირად დადიოდა მისი პატრონი. ასე რომ, თავი მარტოდ არ უგრძვნია. თუმცა დღეს პატრონმა ვოლიერის კარი რომ გაუღო და დაუძახა: ,,ბაჯო მივდივართ“, ნაგაზმა უზომოდ დიდი სიხარულით დატოვა იქაურობა. თავისუფლების შეგრძნებამ გაათამამა ნაგაზი.

ვიდეოში ასახული ემოციური შეხვედრის კადრები კიდევ ერთხელ მოწმობს იმას, რომ ძაღლი ადამიანის ერთგული მეგობარია და მას იმაზე დიდი სიყვარული შეუძლია, ვიდრე ამის წარმოდგენა ჩვენ, ადამის მოდგმას, შეგვიძლია.

წყარო: თამაზ ელიზბარაშვილის ძაღლების თავშესაფარი

სხვადასხვა