All for Joomla All for Webmasters

საზოგადოება

მთავარი საზოგადოება

თბილისში ცოლ-ქმარი მოკლეს

 თბილისში, ზაჰესში ცოლ-ქმარს, რომელებიც მინი მარკეტს ფლობდნენ, ძარცვის მიზნით თავს დაესხნენ, შემდეგ კი მოკლეს. შემთხვევა ავჭალის #25_ში გვიან ღამით მოხდა. ადგილობრივების განცხადებით, თავდამსხმელები ტატიშვილების ოჯახის კუთვნილი მინი-მარკეტის დაყაჩაღებას ცდილობდნენ, რა დროსაც მათ მფლობელებმა წინააღმდეგობა გაუწიეს.
არსებული ინფორმაციით გარდაცვლილია 66 წლის მამაკაცი და 58 წლის ქალი. მათი ცხედრები უკვე გადაასვენეს პროზექტურაში. ოჯახის სხვა წევრები სამართალდამცველებმა დასაკითხად წაიყვანეს. ადგილზე ექსპერტ კრიმინალისტები დილიდან მუშაობენ, მობილიზებულია საპატრულო პოლიცია.
წყარო:რუსთავი2

ნუ მივატოვებთ პატარა ელენეს ამ ვერაგი დაავადების წინაშე მარტო

   ელენე დუმბაძე უკვე წელიწადზე მეტია ლეიკემიას ებრძვის. თურქეთის კლინიკა “მედიპოლ მეგაში” ელენეს მკურნალობის არაერთი კურსი წარმატებით ჩაუტარდა. ოჯახი უდიდეს თანხებს შეეჭიდა. კეთილი ადამიანების დახმარებით, სახელმწიფოს და “დედების ფონდის” მიერ გადარიცხული თანხით, ასობით ათასი დოლარი დაფარა. ელენე ახლა მკურნალობის პოლო ეტაპზე 55 დღიანი პროტოკოლზეა, თუმცა დავალიანება 50 000$ ია, რის გამოც, შესაძლოა, ელენემ ლეიკემია ვერ დაამარცხოს, რადგან კლინიკა თანხის გადაუხდელობის გამო ელენეს მკურნალობას აღარ განაგრძობს.
 ძალიან გთხოვთ, ჩვენ ეს არ უნდა დავუშვათ! ნუ მივატოვებთ პატარა ელენეს ამ ვერაგი დაავადების წინაშე მარტოს და უსუსურს.
www.pondi.ge ჩვენი დონაციის საიტი და უმარტივესი გადახდის მეთოდი სახლიდან გაუსვლელად, როგორც საქართველოდან, ისე მსოფლიოს ნებისმიერი წერტილიდან ( VISA, MASTERCARD💳).
ჩარიცხვა აპარატიდან:
თი-ბი-სი ფეის აპარატებში ვირჩევთ “სხვადასხვა”-> “ქველმოქმედება” -> “დედების ფონდი”
სხვა დანარჩენი აპარატებიდან:
საბანკო მომსახურება -> იურიდიული პირი -> პირადი ნომერი 01003016433 -> დაბადების თარიღი 05.08.1986 -> ქვემოთ ჩამოწერილი ანგარიშის ნომერი (გააჩნია რომელ ბანკში რიცხავთ).
საიდენტიფიკაციო კოდი: 400178419
საბანკო რეკვიზიტები:
მიმღები :დედების ფონდი
🔘საქართველოს ბანკი
GE46BG0000000689979800
🔘თიბისი ბანკი:
GE17TB7174136080100007
🔘ხალიკ ბანკი:
GE08HB0000000000473608
🔘ლიბერთი ბანკი
GE22LB0115121073654001
🔘ტერა ბანკი
GE61KS0000000360801210
ზარი ნებისმიერი ოპერატორიდან
1 ლარი📱090170048

,,სასულიერო პირებმაც კი იყიდეს მაინერები” _ რატომ არის საქართველოში კრიპტო ვალუტის ბუმი?

,,ჯერჯერობით წყაროს ვეძებ, მაგრამ ამ მონაცემებით და სტატისტიკით, ირკვევა, რომ კრიპტო ვალუტის გამომუშავებისთვის საქართველო 60 მეგავატ ელექტრო ენერგიას იყენებს და საქართველო მსოფლიოში მეორე ადგილზეა !!!!” _ აცხადებს IT ინჟინერი, სამოქალაქო აქტივისტი, ბლოგერი და ანალიტიკოსი ბექა ვარდოსანიძე.

euronews.ge დაინტერესდა, რატომ გახდა ქართველებისთვის კრიპტო ვალუტის გამომუშავება ასეთი მიმზიდველი. 
   ბექა ვარდოსანიძე:
   _ ასეთ ქარხნებს იმ ქვეყნებში აშენებენ, სადაც ელექტრო ენერგიაზე ფასი არის დაბალი. საქართველოშიც ამიტომ დაიწყეს მაინერების ყიდვა. კომპიუტერული კომპანიები გაორმაგებული ფასებით ყიდიან მაინერებს, ძირითადად ეთერიუმზე მომუშავე მაინერები იყიდება. ამიტომ გაიზარდა ელექტრო ენერგის მოხმარება ქვეყანაში და  კანადაზე და ამერიკაზე მეტ ენერგიას ვხარჯავთ მაინერებში.
  _ რეალურად, ეს ხომ არ გახდა ქვეყანაში ელექტროენერგიის გაძვირების მიზეზი?
  _  შესაძლებელია. არ გამოვრიცხავ, რომ მომავალში სწორედ ეს იყოს სემეკის არგუმენტი და მოტივი. განაცხადონ, მეტი ინვესტიცია ჩაიდება და უკეთესად მიეწოდება მომხმარებელსო. როცა ელექტორო ენერგიის მომხარება იზრდება, გადასახადის ტარიფიც მატულობს, მაგრამ სიმართლე უნდა თქვან და არ უნდა მოატყუონ ხალხი.
  _ ხელისუფლების წარმომადგენლები საკუთარ მაინერებს ხომ არ უფრთხილდებიან და ამიტომ არ მალავენ სიმართლეს? 
  _ ჩვენ ვცდილობთ, ხალხს მივაწოდოთ ის ინფორმაცია, რომელიც იმალება. სასულიერო პირებმაც კი იყიდეს მაინერები და ამუშავებენ.
   _ ისინიც ხომ ადამიანები არიან, ცხოვრება უნდათ…
  _ ადამიანები არიან, მაგრამ უფალმა მათ სხვა ვალდებულება დააკისრა.
   _ საქართველოში კრიპტო ვალუტით დაინტერესების მიზეზი მხოლოდ ეს არის? მე კი მგონია, ხალხი ფიზიკურად გადარჩენის გამოსავალს  ეძებს. თანაც, ქართველი ერი მიჩვეულია ნაკლებ ფიზიკურ შრომას. ველ-მინდვრები აღარ აინტერესებს და იოლად უნდა ცხოვრება. ერთ-ერთი უმთავრესი მიზეზი ხელისუფლებების გაუმაძღრობაც არის… ხალხი უყურადღებოდ არის დარჩენილი და ეკონომიკურ მარწუხებშია მოქცეული. ასე არ არის?
   _ ცხადია, მიზეზი მხოლოდ ელექტროენერგიის გადასახადის სიმცირე არ არის. სოფლის მეურნეობის განვითარებისთვის ხელისუფლება არაფერს აკეთებს და მოსახლეობას ხელს არ უწყობს. შვეიცარიის ელჩმაც კი გვითხრა, ასეთი ბუნებრივი რესურსების მქონე ქვეყანას რომ საკვების 80 პროცენტი იმპორტით შემოაქვს, ეს არ არის კარგიო.     ამიტომ, ბევრი ცდილობს მარტივი გამოსავალი იპოვოს. დაიდგეს მაინერები სახლში და იოლი ფული უნდათ მოიპოვონ, მაგრამ კრიპტო ვალუტას არ უწერია კარგი მომავალი და უფრო დაზარალდებიან. ჩინეთს უკვე მისი აკრძალვა უნდა.

საჯაროდ მოგვიხადეთ ბოდიში! _ ,,ნარკომანი” დედის პასუხი ლევან ვასაძეს

„კაცი მარტო მაშინ არის ხერხი, როცა ცოდნა აქვს, როცა ჭკუა ცოდნით გაულესია, ცოდნის ჩარხზე გაუჩარხავს. მაშინ ხერხსავით სხვისთვისაც გააქვს და თავისთვისაც შემოაქვს.“

ილია ჭავჭავაძე

ამას წინად სოციალურ ქსელში რამდენიმე კომენტარს გადავაწყდი, სადაც ერთი ადამიანი ამტკიცებდა, რომ აუტიზმი და მარიხუანა „სოროსის ენჯეოების“ მიერ არის შემოტანილი და გავრცელებული. თურმე ჩვენ თავად ვქმნით საქართველოსთვის არარსებულ პრობლემებს მხოლოდ იმისთვის, რომ მერე მასთან ბრძოლაში გრანტები მიიღონ „ენჯეოებმა“.  მეორე კი ამბობდა, რომ “აუტიზმის სინდრომით იმიტომ იბადებიან ბავშვები, რომ კანაფის კაიფში კვდებიან ახალგაზრდები და სწორედ ამიტომ ებადებათ მათ ასეთი შვილები”. ჩემთვის, როგორც აუტიზმის მქონე ბავშვის მშობლისთვის და როგორც საქართველოს რიგითი მოქალაქისთვის, ცოტა არ იყოს სასაცილო იყო ეს ყველაფერი. დიდი ფიქრი და ლოგიკა არ სჭირდება იმას, რომ აუტიზმს, რომელიც ნეიროგანვითარების შეფერხებაა, და რომელიც, 2-3 წლის ასაკში იჩენს თავს, ვერანაირად ვერ შემოიტანს და გაავრცელებს ვინმე სულიერი, მათ შორის თავად ჯორჯ სოროსიც. მაგრამ არ ყოფილა თურმე ეს ყველაფერი სასაცილო! საშიშს უფრო დავარქმევდი!

საიდან ჩნდება საზოგადოებაში მსგავსი წარმოდგენები?

2018 წლის 9 იანვარს ლევან ვასაძემაც იგივე ისაუბრა მის #9-ე ტელემიმართვაში https://www.facebook.com/wcf10/videos/540335206331676/, რომელსაც 256 ათასი ნახვა აქვს. ისიც გვიმტკიცებს, რომ ნარკომან კაცებს უჩნდებათ აუტიზმის და დაუნის სინდრომის მქონე ბავშვები.

როდესაც ჩემს შვილს აუტიზმის დიაგნოზი დაუსვეს, დავიწყე ფიქრი და ძიება, თუ რა ან ვინ იყო ამის მიზეზი. ერთადერთი რაზეც მაშინ ვფიქრობდი, ჩემი მძიმე ორსულობა იყო (ანტისხეულების აწეული დონე), რის გამოც 3 თვე წოლითი რეჟიმი მქონდა და საწოლიდან ჩემი ადგომა არ შეიძლებოდა. ვერანაირად ვერ ვიფიქრებდი, რომ ჩემი ქმრის „ნარკომანობის“ გამო აქვს ჩემს შვილს აუტიზმი, რადგანაც ჩემი ქმარი „ნარკომანი“ არ არის. ლევან ვასაძის ლოგიკით მეც ისეთივე ნარკომანი გამოვდივარ, როგორც ჩემი ქმარი. ძალიან ბევრს ვკითხოლობდი, რომ ჩემს კითხვებზე პასუხი მიმეღო, მაგრამ ვერ მივიღე, რადგანაც დღემდე იკვლევენ მსოფლიოს წამყვანი მეცნიერები აუტიზმს და ჯერ კიდევ ვერ დაადგინეს მისი გამომწვევი მიზეზი.

იყო დრო, როდესაც საზოგადოების ნაწილი მიიჩნევდა, რომ ჩემი ცოდვების გამო ჰქონდა ჩემს შვილს აუტიზმი, მისი ქცევებიდან გამომდინარე, ზოგი თვლიდა, რომ ეშმაკი ებრძოდა ბავშვს. ალბათ ვთანხმდებით იმაზე, რომ ყველა ადამიანი ერთმანეთისგან განსხვავებულია-ზოგი უფრო ძლიერი, ზოგიც სუსტი; ზოგი უფრო ლამაზი, ზოგიც ნაკლებად. გამოდის, რომ რაც უფრო ნაკლები ცოდვები ჰქონდათ ჩვენს წინაპრებს მით უფრო ლამაზები და ძლიერები არიან მათი შთამომავლები. ლოგიკას  მოკლებულია, ხომ?

წლებია, ვიბრძვი საზოგადოებაში სწორედ ამ სტიგმებისა და სტერეოტიპების დასამსხვრევად. ძალიან ბევრი ტკივილი და გულისტკენა მქონია საზოგადოების სწორედ ამ ნაწილის მხრიდან და ყოველ ასეთ ნათქვამზე ეს ტკივილი უფრო ძლიერი და უფრო გულსატკენი ხდება. ამ დროს უბრალოდ ხვდები, რომ ყველაფერი წყალში ჩაიყარა და უკვე მერამდენედ თავიდან უნდა დაიწყო ათასჯერ დაწყებული ბრძოლა.

მოვითხოვ, ლევან ვასაძემ გამოაქვეყნოს თუნდაც ერთი სარწმუნო კვლევა (ჩემი რჩევაა, ვიკიპედიით ნუ იხელმძვანელებთ ბატონო ლევან, რადგანაც ნებისმიერს შეუძლია ვიკიპედიაში თავისი დილეტანტური აზრების დაწერა), სადაც წერია, რომ აუტიზმი, „ნარკომანი“ მშობლების გამო ემართებათ ბავშვებს. მერე კი, მიმართეთ შინაგან საქმეთა სამინისტროს, რომ ყველა აუტიზმის მქონე ბავშის მშობელი დაგვიჭროს და პასუხი გვაგებინოს იმისათვის, რომ აუტიზმი ჩვენ დავმართეთ ჩვენს შვილებს! წინააღმდეგ შემთხვევაში საჯაროდ მოგვიხადეთ ბოდიში აუტიზმის მქონე ბავშების მშობლებს, რომ იმ 256 ათასმა ადმიანმა მოისმინოს ეს ყველაფერი, რომ მერე შემთხვევით ისევ არ გადავაწყდე ისეთ კომენტარებს, რომელზეც ზემოთ დავწერე.

ჩემი რჩევაა, მეტი ინფორმაცია წაიკითხოთ აუტიზმის შესახებ, რომ ილიას ხერხივით თქვენც გქონდეს და სხვასაც მიაწოდოთ სწორი ინფორმაცია, ცოდნა და განათლება. თქვენივე სიტყვებს მოვიშველიებ და გეტყვით, რომ შეწყვიტოთ „ფლიდი აპელირება“ და ჩვენით და ჩვენი შვილებით სპეკულირება. თქვენი მე-9 ტელემიმართვა სწორედ, რომ “სიბინძურის, მორალური და ფიზიკური დეგრადაციის სამარცხვინო და დასაცინი მაგალითია”. დიახ! თქვენ ჩვენ დაგვცინით!

ჩუმად ჯდომის დრო, მართლაც დამთავრდა!

საზოგადოებისთვის კი დამაფიქებელი უნდა იყოს ეს ყველაფერი, ვინ იცის, აუტიზმის მითთან ერთად კიდევ რადენ მითს გვიყვება ბატონი ლევან ვასაძე და რამდენად ღირს მისი აზრების გაზიარება!

ნარკოპოლიტიკაზე შეგნებულად არაფერს დავწერ, რადგანაც მე არ ვარ ამ საკითხში კომპეტენტური, წინააღმდეგ შემთხვევაში მეც ლევან ვასაძეს დავემსგავსები! ამაზე უნდა ისაუბრონ პროფესიონალებმა, ვინც იცის რა არის ადამიანის უფლება, თავისუფლება და მისი უზენაესი ინტერესი!

პატივისცემით,

მარი კორკოტაძე

აუტიზმის მქონე ბავშვის “ნარკომანი” დედა

,,თუ არ დააფინანსებთ მეოთხე სტადიის სიმსივნით დაავადებულებს, გამოვაცხადებ შიმშილობას”

მაია ტურაშვილი:

_ აი ეს არის სასიკვდილო განაჩენი!! მერიის მორიგი უარი დაფინანსებაზე(ანუ ჰერცეპტინის პროგრამაში ჩასმაზე ისევ უარი მივიღე) ესაა აწყობილი ქვეყანა! ქვეყანა, რომელიც იძულებულს ხდის თავის მოქალაქეებს, დატოვონ სამშობლო, გადაიხვეწონ უცხო მხარეში, რათა სიცოცხლე შეინარჩუნონ! ჯერ ის მინდა ვკითხო ბატონ სერგენკოს, ბატონ კალაძეს და მთლიანად ამ უსამართლო, სასიკვდილო განაჩენის მესვეურთ- თქვენ რომ დაგჭირდეთ ან თქვენიანებს, ერთ მშვენიერ დღეს, როცა მაგ სკამებზე აღარ ისხდებით, მეოთხე სტადიის სიმსივნესთან შესაბრძოლებლად, დაელოდებოდით ერთი წელი მკურნალობის დაწყებას? ეხლა იტყვით, კიო, რადგან ფულიც გაქვთ, თანამდებობაც და ძლიერებაც! მოვა დრო რომ აღარ გექნებათ!!! დატოვეთ სიკეთე და ნუ დატოვებთ საქართველის ქართველების გარეშე! მე პირადად იძულებული ვარ, გავიქცე აქედან, რათა ჩემი შვილები არ დავაობლო! ბევრია ჩემისთანა…მაგრამ იმან რა ქნას, ვინც არ გაიქცევა და ხელს ჩაიქნევს?! ჯერ 8000-იანი წამალის 80%ი ფინანსდება. ამ უმუშევარ და უხელფასო ქვეყანაში ის 20%, რომელიც 1600 ლარია თუ გიფიქრიათ, საიდან უნდა გადაიხადოს ხალხმა თანაც 3 კვირაში ერთხელ?! ეს მხოლოდ ერთ პრეპარატზეა საუბარი! მე პირადად სამ კვირაში ერთხელ 12 000 მჭირდება და მითხარით, საიდან მოვიტანო!!!! მთელი სიცოცხლე ვმუშაობ, მაგრამ 300 ლარს ვერ ავცდი. ეს ადამიანობაა, საერთოდ!

 თუ არ შეცვლით ამ საშინელ კანონს, რითაც ხალხი მათხოვრებად აქციეთ( მე პირადად მათხოვრად ვიქეცი)ზოგი გააქციეთ ქვეყნიდან იმის გამო, რომ სიცოცხლე შეინარჩუნოს. მე პირადად გამოვაცხადებ უვადო შიმშილობას დარწმუნებული ვარ, ძალიან ბევრი შემომიერთდება!!!! მკვლელობა მარტო ის არაა, იარაღი ესროლო ადამიანებს….ეს უარესია, ჯერ თავმოყვარეობა წაართვა, მათხოვრად გადააქციო და შემდეგ სასიკვდილო განაჩენი გამოუტანო!

 ნუთუ მაგ პარლამენტშიც ყველა სკამის მანიაკები ხართ! რატომ არ იღებთ ხმას ამ მკვლელ კანონზე?! რატომ არ აფინანსებთ დანარჩენი საქართველოს მეოთხე სტადიის სიმსივნიანებს!!! ” მაინც განწირულებად თვლით ხო”, მაგრამ არავინ არ იცის ჯერ ვინ წავა!!!!! რომელ ტერორისტებს ებრძვით, ეს ტერორიზმი არაა?! ეს სწორედაც რომ საკუთარი მოსახლეობის წინააღმდეგაა ტერორიზმი!

 იცოდეთ, ცხოვრება მოულიდნელი სურპრიზებითაა სავსე და არავინ არ იცის, რა იქნება ხვალ! ამიტომ შეცვალეთ ეს მკვლელი კანონი და მიეცით ხალხს წამალი, რათა ერთ მშვენიერ დღეს თქვენივე დაგებულ მახეში თქვენვე ან თქვენი საყვარელი ადამიანები არ აღმოჩნდნენ!!! უფალი სამართლიანია, თან ძალიან და გეშინოდეთ მისგან მოვლენილი სამართლიანი რისხვის! დიდება უფალს, რომ ის მაინც არ ტოვებს თქვენგან გაწირულ ხალხს!

 ვიმეორებ, არსად არ წავალ და აუცილებლად მივმართავ პროტესტის უკიდურეს ზომას, თუ არ შეცვლით ამ საშინელ მკვლელ კანონს:

1) არ დააფინანსებთ რაიონების მეოთხე სტადიის სიმსივნით დაავადებულებს!!!!

 2)არ გააუქმებთ იმ წყეულ ერთ წელიწადს, თბილისში ჩაწერით რომ ადამიანი მოხვდეს ჰერცეპტინის პროგრამაში!

 3)დაფინანსება ჩვენ ქვეყანაში წამლის 100% უნდა იყოს, რადგან მათხოვრული ხელფასები გვაქვს! ამიტომ 80% ნაცვლად დააფინანსეთ 100 %.

 ვის რაში სჭირდება თქვენი 3 მილიონიანი ბრჭყვიალა განათება!!! ხალხს პური და წამალი არ აქვს!!!! შემოგვიერთდით, საკმარისია ამდენი დუმილი !!!!

,,მოერიდეთ ქრონიკულ მოწუწუნეებს, გაძელით წუწუნის გარეშე 7 დღე და …”

მარინე ქავთარაშვილი:

_ საახალწლოდ ერთი კარგი ამბავი მაქვს თქვენთვის – მინდა იფიქროთ და იცხოვროთ, როგორც მდიდარმა ადამიანებმა. სულ რაღაც – მილიონერებივით.  საამისოდ ერთი მცირედი სავარჯიშო წამოვიღე ცნობილი ფინანსისტისაგან, წარმატებული ტრენერისგან და, რაც მთავარია, – მულტიმილიონერისაგან – ჰარვ ეკერისგან. აი ისიც:
ერთი კვირის მანძილზე თავი შევიკავოთ ნებისმიერი წუწუნისაგან! არამც თუ ხმამაღლა, არამედ ღრმად გულსა და სულშიც კი არანაირი ვაება, გოდება და ბზუილი!
უსიამოვნებები მთლად ელვისებური სისწრაფით როდი ქრებიან, ამიტომ 7 დღე უნდა გაძლოთ!
და როგორც კი შეამჩნევთ, რომ ვინმეს ადანაშაულებთ, თავს იმართლებთ ან წუწუნებთ – ეგრევე შეწყვიტეთ!
გაიხსენეთ, რომ საკუთარ ცხოვრებას თვითონვე მართავთ და ნებისმიერ წუთს შეგიძლიათ მოიზიდოთ, როგორც კარგი, ისე ცუდიც. ამიტომ გულდასმით შევარჩიოთ აზრები. აი, როგორც გამოსასვლელი სამოსი. ყველა ახალი აზრი უნდა გვიხდებოდეს!
ჰარვე ამტკიცებს და რთულია არ დავეთანხმოთ – მდიდარი მსხვერპლი არ არსებობსო! თანაც აბა, დავფიქრდეთ, ახლა ბიძინამ რომ წუწუნი დაიწყოს, დედავ ჩემო, როგორ დავიხარჯე ამ ახალ პროექტზე, ამდენი ხე რომ გადავზიდე, ფრიად დავიღალე და გავწყდი წელშიო… გეცინებათ ხომ? მაგრამ აი მეზობლის წუწუნი, ხელფასი მიგვიანებს და ამ ახალმა წლებმა მთლად ნოლზე მომსვაო – დამაჯერებლად ჩაგესმით.
კიდევ ერთი რჩევა – მოერიდეთ ქრონიკულ მოწუწუნეებს!
და გაძელით ასე, მშვიდად და უწუწუნო 7 დღე! მერე გავაგრძელოთ!
იფიქრეთ, როგორც მდიდარმა, იცხოვრეთ, როგორც მდიდარმა ადამიანმა. თუ, რა თქმა უნდა, გინდათ!

რა გახდა კლუბ ,,ბასიანში” დაცვის 3 წევრის დაჭრის მიზეზი?

ლადო სადღობელაშვილი, ,,ქართული მარში”-ს ერთ-ერთი ლიდერი:

_ განგაშის ზარი უნდა შემოვკრათ!! ნარკობარიგების და ლგბტ-ს პრიტონ “ბასიანში” 3 ახალგაზრდა დაცვის წევრია დაჭრილი! როგორც გავიგე, ბარიგებთან მოსვლიათ შეკამათება და მათ სასიკვდილოდ გაწირეს დაცვის წევრები!!! შსს ცდილიბს მიჩქმალოს საქმე და არ ახსენოს კლუბი ბასიანი ამ საქმესთან!!! შსს მინისტრო გახარია რამდენჯერ მოგიწოდა ქართულმა მარშმა შედი “ბასიანში”, მაგრამ შენ ყურიც არ დაგიფერთხავს! დღეს ახალგაზრდები დაჭრეს, ხვალ კაიფში გაიპარებიან!!! როდემდე?! რატომ ვერ ბედავ კლუბებში რეიდს? რატომ მფარველობ ბარიგებს და კრიმინალებს? რა ან ვინ გიშლის ხელს?! დავიჯერო, წილში ხარ ნარკორეალიზატორთან?!

მარკ ცუკერბერგის კომპანიის აქციები 4,5 %-ით გაუფასურდა

Bloomberg-ის ინფორმაციით, სოციალურ ქსელ Facebook-ის დამფუძნებელ მარკ ცუკერბერგს ორი დღის წინ გაკეთებული განცხადება, სოციალური ქსელის ალგორითმის შეცვლასთან დაკავშირებით, საკმაოდ ძვირი დაუჯდა – მარკმა დაახლოებით 3,3 მილიარდი დოლარი დაკარგა – მისი კომპანიის აქციები 4,5%–ით გაუფასურდა და ცუკერბერგის ქონება 77,3 მილიარდი დოლარიდან – 74 მილიარდამდე დაეცა. ამ ზარალს მილიარდერების რეიტინგში ცუკერბერგის მიერ საპატიო მეოთხე ადგილის დაკარგვა მოჰყვა, რომელიც მან Zara-ს დამფუძნებელს, ამანსიო ორტეგას დაუთმო.

ექსპერტების აზრით, ცუკერბერგის ამ განცხადებამ დააფრთხო ინვესტორები, რომელთაც ეს განცხადება სოციალურ ქსელში რეკლამების განთავსების შემცირებად აღიქვეს.

ალგორითმის შეცვლის შედეგად, საგრძნობლად შემცირდება კონტენტი, რომელსაც მედია, კომერციული კომპანიები, ბრენდები, სახელმწიფო და პოლიტიკური სტრუქტურები გაავრცელებენ. სამაგიეროდ მომხმარებელს ახლო მეგობრებისა და ნათესავების პოსტები და გაზიარებული მასალა უფრო ხშირად გამოუჩნდება.

ზოგადად, ბლუმბერგის მილიარდერების ინდექსის თანახმად, მიმდინარე წლის პირველ ორ კვირაში მსოფლიოს 500 უმდიდრესი ადამიანის კაპიტალი 192 მილიარდით გაიზარდა, ხოლო გასულ წელს ზრდამ მთელი 1 ტრილიონი დოლარი შეადგინა.

წყარო

თუ თბილისელმა გოგო-ბიჭებმა იციან როგორ შეიძინონ ნარკოტიკი და იარაღი, შსს-მ არ იცის?

ლუკა ფეიქრიშვილი, პროგრამისტი, ჯგუფ ”ამბრელას” წევრი:

_ რუსთავი 2 – ის სიუჟეტს მინდა გამოვეხმაურო,
ნარკოტიკების და ირაღის ინტერნეტ ვაჭრობასთან დაკავშირებით,
ყოველივე ამაზე ინფორმაცია პირადად მე უკვე სამი წელია მაქვს,
ათობით პოსტი დავწერე ამ თემასთან დაკავშირებით და რამდენიმე საინფორმაციო სააგენტომ გამოაქვეყნა კიდეც,
რამდენიმე ნაცნობმა განცხადებაც კი შეიტანა პოლიციაში,
ესემესით მიღებულ შეტყობინებებთან დაკავშირებით,
რომელშიც სთავაზობდნენ ნარკოტიკების შესყიდვას,
თუმცა დღემდე არავინ დაუკავებიათ.
აღნიშნული სერვისი სულ თავიდან დაიწყო ე.წ ბიო ნარკოტიკის შეთავაზება რეალიზაციით,
რიცხავდი კონკრეტულ ანგარიშზე ფულს და შემდეგ თბილისის რომელიმე უბანში,
კორპუსის სადარბაზოში გიტოვებდნენ ე.წ “ფაქტს”,
საზოგადოებაში ცნობილს როგორც ბიო ნარკოტიკი,
ახალგაზრდებში ცნობილს როგორც ბიო “შოკოლადი” ან რაიმე სხვა.
ერთჯერადად რომ აღნიშნული ნარკოტიკი გეყიდა საკმაოდ ძვირი ჯდებოდა,
ამიტომაც უბნებში რამდენიმე ტიპი აგროვებდა ფულს 800–1500 ლარამდე.
შემდეგ რიცხავდნენ შესაბამის ანგარიშზე სწრაფი ჩარიცხვის აპარატით და ესე ყიდულობდნენ მთლიან “პაკეტს” – ამის მერე უკვე ნაწილდებოდა იმისდა მიხედვით, ვის რამდენი ქონდა დადებული თანხა და ეს სერვისი დღემდე გრძელდება.
რაც შეეხება იარაღს, ამ თემაში უფრო რთულად არის საქმე ვიდრე რუსთავი 2 – ის სიუჟეტში ვნახეთ.
წლების წინ არსებობდა ე.წ “დარქნეტი” სადაც ხელმისაწვდომი იყო პირდაპირ “ქილერის” დაქირავება ანუ მკვლელობის შეკვეთა,
ბავშვთა პორნოგრაფიის რეალიზაცია,
მოპარული პირადი ინფორმაციების რეალიზაცია,
ასევე საბანკო მონაცემების რეალიზაცია,
ასაფეთქებელი ნივთიერებების რეალიზაცია და ასე შემდეგ.
გარკვეული დროის შემდეგ გაუქმდა აღნიშნული ე.წ შავი ქსელი რომელსაც დანამდვილებით შემიძლია გითხრათ აკონტროლებდა რუსული კიბერ მაფია,
მისი გაუქმების შემდეგ აღნიშნულმა სერვისებმა გადაინაცვლა,
ვაიბერში,ტელეგრამში და სხვა სოციალურ ქსელებში,
არსებობს ჩვეულებრივი იუზერის აიდი ნომერი,
ასევე საკონტაქტო ნომერი რომელიც გავრცელებულია იქ სადაც უნდა იყოს გავრცელებული,პირობითად კონკრეტულ უბანში უშუალოდ იმ პიროვნებასთან რომელიც აკავშირებს მსურველს გამყიდველთან,
ასეთ პიროვნებებს ხშირად “ფეხადაც” მოიხსენიებენ,
როდესაც მას დატოვებული ამანათი მიაქვს მყიდველთან,
რაც იმას ნიშნავს რომ რუსეთიდან ვინმე კონკრეტულს იმის შესაძლებლობა აქვს,თავის ხალხი ყავდეს საქართველოში და “არბენინოს”.
სწორედ ამ კონტაქტების საშუალებით შეგიძლია შენთვის სასურველი ნივთის ან ნივთიერების შეკვეთა,
საკმაოდ მაღალ ფასად და სრული პასუხისმგებლობით ვაცხადებ ყოველივე ამის საქმის კურში არის სრულიად შინაგან საქმეთა სამინისტრო და სრული პასუხისმგებლობით ვაცხადებ მაქვს გონივრული ეჭვი იმისა,
რომ ამ ბიზნესში თავად სპეცსამსახურები არიან ჩართულნი,
ესე რო ვთქვათ გარკვეულ წილს იღებენ და რატომ?
პირობითად თუ ვინმე 15–16 წლის თბილისელმა ბიჭმა,
მისმა თანატოლებმა და + მისმა თანატოლმა გოგონებმა,
ზუსტად იციან ის მეთოდები რომლებითაც ნარკოტიკების ან იარაღების შეძენაა შესაძლებელი და ეს არაერთხელ გაუკეთებიათ,
ვინმეს ყოფნის ნამუსი და მეუბნება რომ ეს არ იცის შ.შ.ს – მ?
ეს არ იცის სუსმა? ეს არ იციან კრიმინალებმა?
მაშ რაუნდა ვიფიქრო გარდა იმისა,რომ თავად არიან მოგების გამზიარებლები?
რუსთავი 2 – ის სიუჟეტში საუბარი იყო შეძენილი ნივთის სადარბაზოში დატოვებაზე რაც სრულიად სწორია,
ბონუსად კი თანხის დამატების შემთხვევაში სასურველ მისამართზე მოგართმევენ ე.წ სკუტერით (მინიმოპედი) რომელზეც აუცილებლად კასკადაფარებული ტიპი იჯდება და ისე დაგიტოვებს ამანათს რომ სახეს არ გაჩვენებს!

ვისაც მოგბეზრდათ საახალწლო საჭმელები…

ნინო კვაჭანტირაძე: ვისაც მოგბეზრდათ საახალწლო ნოყიერ- ნიგვზიან-მძიმე საჭმელები, აბა სცადეთ, ძველი გურული კერძი – მდუღარე რძეში ჩაახალეთ კვერცხი, მოხარშეთ, დაუმატეთ დანაყილი ნიორი , მარილი ,ცოტა ხმელი ყველი და მჭადთან ერთად მიირთვით…

სხვადასხვა