All for Joomla All for Webmasters

განათლება

მთავარი საზოგადოება განათლება

როდის დაიწყება ზამთრის არდადეგები საჯარო და კერძო სკოლებში?

2017-2018 სასწავლო წელს, საჯარო სკოლებში, ზამთრის არდადეგები 30 დეკემბერს დაიწყება.

კანონმდებლობის თანახმად, ზამთრის არდადეგები 30 დეკემბრიდან 14 იანვრის ჩათვლით პერიოდს მოიცავს. სასწავლო პროცესი ორშაბათს, 15 იანვარს განახლდება.

აღნიშნული კალენდრით საჯარო სკოლები სარგებლობენ.

კერძო სკოლები კი, სწავლის დაწყებისა და დასრულების თარიღს თავად განსაზღვრავენ.

მაღალმთიანი აჭარის სკოლებში სასწავლო პროცესი შეწყვეტილია

მაღალმთიანი აჭარის 12 სკოლაში სასწავლო პროცესი მოსწვლეების გამოუცხადებლობის გამო შეწყდა, ამის შესახებ აჭარის განათლების სამინისტროში განაცხადეს. უწყების ცნობით, მოსწავლეები არ გამოცხადნენ ხულოს რვა, შუახევში სამ და ქედის ერთ საჯარო სკოლაში.

განათლების სამინისტრო მოსწავლეების სკოლებში გამოუცხადებლობას უამინდობას უკავშირებს. მაღალმთიან აჭარაში მეორე დღეა ინტენსიურად თოვს. თოვლის საფარი გოდერძის უღელტეხილზე ერთ მეტრს აჭარბებს, რის გამოც ტრანსპორტის გადაადგილება შეზღუდულია.

ხულოს მერის გოჩა მელაძის განცხადებით, გზები იწმინდება. მისივე თქმით, ელექტროენერგია რამდენიმე სოფელს არ მიეწოდება, დაზიანებული ელექტროგადამცემი ხაზების აღდგენა ამ წუთებიც მიმდინარეობს და მელაძე ვარაუდობს, რომ სოფლებს ელექტროენერგიის მიწოდება დღის მეორე ნახევრიდან აღუდგებათ.

კომპანია ენერგო-პრო ჯორჯიას ინფორმაციით, ელექტროენერგიის გარეშე დარჩენილია ხულოში 7 სოფლის 1000-მდე აბონენტი. შუახევში 12 სოფლის 2000-ზე მეტი, ხოლო ქედაში 17 სოფლის 3000 აბონენტი.

მომავალი წლიდან აბიტურიენტები არჩევით საგნებში გამოცდას ქართულ ენაზე ჩააბარებენ

2018 წლიდან ერთიანი ეროვნული გამოცდებზე აბიტურიენტები არჩევით საგნებში გამოცდას ქართულ ენაზე ჩააბარებენ. გამონაკლისი დაშვებულია მხოლოდ მათთვის, ვინც განათლებას საქართველოს ოკუპირებულ ტერიტორიებზე იღებს. ამას განათლებისა და მეცნიერების ახალი მინისტრის, მიხეილ ჩხენკელის ბრძანება გულისხმობს, რომელიც უკვე გამოქვეყნდა საკანონმდებლო მაცნეში.

ცვლილებები შედის „ერთიანი ეროვნული გამოცდების ჩატარების დებულებისა და სახელმწიფო სასწავლო გრანტის განაწილების წესის დამტკიცების შესახებ“ საქართველოს განათლებისა და მეცნიერების მინისტრის 2011 წლის 18 თებერვლის №19/ნ ბრძანებაში.

მიხეილ ჩხენკელის ბრძანებაში აღნიშნულია, რომ აბიტურიენტს, რომელსაც ზოგადი განათლება მიღებული აქვს ოკუპირებულ ტერიტორიაზე, უფლება აქვს გამოცდა მათემატიკაში, ისტორიაში, გეოგრაფიაში, ფიზიკაში, ქიმიაში, ბიოლოგიაში, სახვით და გამოყენებით ხელოვნებასა და სამოქალაქო განათლებაში ჩააბაროს რუსულ ენაზე.

„2018 წლისთვის დაგეგმილი ცვლილებების შესახებ ინფორმაციას ავრცელებს შეფასებისა და გამოცდების ეროვნული ცენრტიც. ცენტრის ვებგვერდზე განთავსებულ განცხადებაში მითითებულია, რომ 2018 წლიდან ერთიანი ეროვნული გამოცდებზე არჩევით საგნებში გამოცდა მხოლოდ ქართულ ენაზე ჩატარდება და ეს წესი მხოლოდ იმ აბიტურიენტებს არ შეეხებათ, რომელთაც განათლება საქართველოს ოკუპირებულ ტერიტორიაზე აქვთ მიღებული, შეფასებისა და გამოცდების ეროვნული ცენრტის ინფორმაციით ცვლილება არ შეეხება ზოგადი უნარების გამოცდას. გამოცდა ჩატარდება ქართულ, სომხურ, აზერბაიჯანულ, აფხაზურ, ოსურ და რუსულ ენებზე“, – აღნიშნულია ბრძანებაში.

განათლების ახალი მინისტრი: ნიჭიერი თაობა მოდის და მათ სჭირდებათ ხელშეწყობა

საქართველოს განათლებისა და მეცნიერების ახალი მინისტრის, მიხეილ ჩხენკელის განაცხადებით, ცოდნას, გამოცდილებას, ენერგიას ძალიან მნიშვნელოვან საქმეს მოახმარს.

მისივე განმარტებით, მთავრობის 4-პუნქტიან გეგმაში განათლება და განათლებაზე ზრუნვა იქნება უაღრესად მნიშვნელოვანი პოზიცია.

„მინდა უღრმესი მადლობა გადავუხადო საქართველოს პრემიერ-მინისტრს, რომელმაც დიდი ნდობა გამომიცხადა. ჩემს ცოდნას, გამოცდილებას, ენერგიას მოვახმარ ამ ძალიან მნიშვნელოვან საქმეს, რაც არის განათლებისა და მეცნიერების ხარისხის განვითარება საქართველოში. ახლახანს ჩვენ გვქონდა საინტერესო შეხვედრა პრემიერ-მინისტრთან. ვისაუბრეთ ძალიან საინტერესო თემებზე, კონკრეტულად კი იმაზე, რომ მთავრობის 4-პუნქტიან გეგმაში განათლება და განათლებაზე ზრუნვა იქნება უაღრესად მნიშვნელოვანი პოზიცია და ჩვენი სამინისტროს მთავარი პრიორიტეტი სწორედ განათლებაზე და მეცნიერებაზე ზრუნვა იქნება. თითოეულმა ახალგაზრდამ უნდა იგრძნოს, რომ სახელმწიფო მასზე ზრუნავს. ჩვენ გვყავს ძალიან ნიჭიერი ახალგაზრდები, ნიჭიერი თაობა მოდის და მათ სჭირდებათ ხელშეწყობა და იმ პირობის შექმნა, რომ მოხდეს ამ პოტენციალის რეალიზება“, – განაცხადა ჩხენკელმა.

წყარო

,,პირველი კლასიდან მე-6 კლასის ჩათვლით ყველა სახელმძღვანელო შეიცვლება”

განათლებისა და მეცნიერების მინისტრის მოადგილის, თეიმურაზ მურღულიას განცხადებით, 2018 წლიდან, ზოგადსაგანმანათლებლო სკოლებში, პირველი კლასიდან მე-6 კლასის ჩათვლით ყველა სახელმძღვანელო შეიცვლება. ინფორმაციას ipn-ი ავრცელებს.

როგორც მურღულიამ აღნიშნა, წიგნების შეცვლის საჭიროება ახლანდელი სახელმძღვანელოების სირთულიდან გამომდინარე დადგა, თუმცა, რა ცვლილებები შეიძლება შევიდეს წიგნის შინაარსობრივ ნაწილში, მინისტრის მოადგილე ჯერჯერობით არ აკონკრეტებს.

„რა ცვლილებები შევა წიგნში, ეს ავტორის გადასაწყვეტია. ეროვნული სასწავლო გეგმა განსაზღვრავს, რა მოთხოვნებია სწავლის პროცესში და ეს მოთხოვნები ძალიან ბევრია. პირველიდან მე-6 კლასამდე შევცვალეთ სწავლის მოდელი, დამოკიდებულება – ეს არ უნდა იყოს ტანჯვის წლები ბავშვისთვის, ეს უნდა იყოს სწავლა თამაშის პარალელურად, ამიტომ მოთხოვნები ხარისხის მიმართ რადიკალურად შეიცვალა. სახელმძღვანელოები იქნება გაცილებით მარტივი, ახლა რთულია. როცა ამოცანა იმდენად რთულია, რომ ვერასოდეს ვერ წყვეტ, ინტერესს აკარგვინებს ბავშვებს. მათემატიკისადმი ძალიან ბევრი ინტერესდაკარგული ბავშვი გვყავს, მათთვის ტანჯვა იყო მათემატიკა და არა სიამოვნება“, – ამბობს მურღულია.

მისივე განცხადებით, მაღალ კლასებში საპირისპირო ვითარებაა.

გუშინ იმავე თემას პარლამენტის განათლების, მეცნიერებისა და კულტურის კომიტეტის თავმჯდომარე მარიამ ჯაშიც გამოეხმაურა. მისი განცხადებით, სასკოლო სახელმძღვანელოებში შინაარსობრივი ცვლილებები შევა და ამ პროცესში მონაწილეობის მიღება საზოგადოების დაინტერესებულ ნაწილსაც შეეძლება.

წყარო: imedinews.ge

ალექსანდრე ჯეჯელავა: მაღალი ანაზღაურება არ ქმნის კარგ პედაგოგს

მაღალი ანაზღაურება არ ქმნის კარგ პედაგოგს, კარგ პედაგოგს ქმნის ბავშვების სიყვარული, – ამის შესახებ საქართველოს განათლებისა და მეცნიერების მინისტრმა ალექსანდრე ჯეჯელავამ პირველი არხის ეთერში განაცხადა.

ალექსანდრე ჯეჯელავამ სკოლის პედაგოგებთან დაკავშირებით ისაუბრა და აღნიშნა, რომ წლების განმავლობაში უხელფასობამდაუფასებლობამუპატივცემულობამ, არასწორ პირობებში ყოფნამ პედაგოგის პროფესიის დააკნინა.

„10 წლის წინ, შეიძლება 5 წლის წინაც, ბავშვს რომ ეთქვა, მე ვაპირებ მასწავლებლობას, დიდი შანსია, ეთქვათ, არა შვილო, დაფიქრდი, რადგან ხელფასი არ გექნება, საყვედურებს მიიღებ, არაკომფორტულგარემოში მოგიწევს მუშაობა. ჩვენ ყველა ეს მიზეზი უნდა აღმოვფხვრათ. პირველ რიგში ადეკვატური ანაზღაურება უნდა მივცეთ ამ ხალხს. ანაზღაურებაზე უფრო წინ დგას ნებისმიერი პედაგოგისთვის დაფასება, ამასთან ერთად, უნდა შევქნათ პირობები, რომ მასწავლებელმა შეძლოს ღირსეული მომავალი თაობის აღზრდა, რადგან მთავრი მოტივატორი ყველა პედაგოგისთვის არის ბავშვის მიღწევა და შედეგი, რასაც ბავშვი აღწევს სასწავლო პროცესში.  პროცესი უკვე დაწყებულია და შეგვიძლია ვთქვათ, რომ ასობით ახალგაზრდა თავისი კარიერის დასაწყისში ირჩევს პედაგოგის პროფესიას. ქალაქებში ცოტა უკეთესი მდგომარეობა გვაქვს, რადგან არის შრომის ბაზარი, სოფლებში და ეროვნულ უმცირესობებში ძალიან გვიჭირს“, – განაცხადა ალექსანდრე ჯეჯელავამ.

მინისტრის განცხადებით, დღევანდელ პედაგოგებს გაცილებით უკეთესი პირობები აქვთ.

ალექსანდრე ჯეჯელავას ინფორმაციით, დღესდღეობით, ვინც ამთავრებს პედაგოგიურს და შედის სკოლაში, უკვე აქვს უფროსი მასწავლებლის სტატუსი, რადგან ამისთვის საჭირო კრიტერიუმებს თავიდანვე დააკმაყოფილებს.

განათლების მინისტრის თქმით, უფროსი მასწავლებლების სრული განაკვეთის შემთხვევაში ანაზღაურება 800 ლარზე მეტია.

„ჩვენ შეგვიძლია ვთქვათ, რომ ახალი პედაგოგი, ვინც შევა სკოლაში და თავიდანვე მოინდომებს, რომ მაქსიმალურად დაიხარჯოს, ექნება საკმაოდ მაღალი ანაზღაურება. მაღალი ანაზღაურება არ შველის, არ ქმნის კარგ პედაგოგს, კარგ პედაგოგს ქმნის ბავშვების სიყვარული. მაღალმა ანაზღაურებამ შეიძლება, კარგი ბანკირი შექმნას, ან კარგი სპეციალისტი. კარგი ანაზღაურება აუცილებელია, მაგრამ საკმარისი არ არის, ისევე როგორც შეიძლება, ვთქვათ ჟურნალისტზე და სხვა ბევრ პროფესიაზე. ეს ისეთი სტრესული, რთული და საპასუხისმგებლო პროფესიაა, რომელსაც მარტო ანაზღაურებისთვის არავინ გააკეთებს და ვერც შეძლებს“, – განაცხადა ალექსანდრე ჯეჯელავამ.

მინისტრის თქმით, წინა ხელისუფლების დროს, იყო კონკრეტული გეგმა, რომ ნახევარი პედაგოგები გამოცდაზე ჩაეჭრათ და სახლში გაეშვათ.

„სამწუხაროდ, აქედან გამოსვლას რაღაც დრო დასჭირდა. ჩვენ რომ სქემას შევქმნით, რაც პედაგოგის ღირსებასაც ისევე დააფასებს, როგორც საგნის ცოდნას, როგორც მოსწავლის მოტივაციაზე ზრუნვას, როგორც დამოკიდებულებას მოსწავლესთან, დარწმუნებული ვარ, რომ 66 ათასი პედაგოგიდან უფროსი პედაგოგის სტატუსს მიიღებს 50 ათასი და არა 25 ათასი, როგორც დღეს არის. ვფიქრობ, რომ სქემა როგორც კი გახდება უფრო სამართლიანი, ჩვენ ვაღიარებთ იმას, რომ ჩვენი პედაგოგები არიან კარგი”, – თქვა მინისტრმა.

წყარო: edu.aris.ge

სკოლამდელი აღზრდის დაწესებულებაში დასაქმების მსურველს უმაღლესი განათლება მოეთხოვება

განათლების და მეცნიერების სამინისტრომ, „ადრეული და სკოლამდელი აღზრდისა და განათლების შესახებ საქართველოს კანონის“ საფუძველზე, „აღმზრდელ-პედაგოგის პროფესიული სტანდარტი“  შეიმუშავა, რომლის მიხედვითაც 2024 წლიდან სკოლამდელი აღზრდის დაწესებულებაში დასაქმების მსურველს უმაღლესი განათლება მოეთხოვება. სტანდარტში ერთ–ერთი პირველი სწორედ პედაგოგის განათლების საკითხია. „აღმზრდელ-პედაგოგის განათლების ნაწილში განსაზღვრულია სწავლის სფეროები, აკადემიური ხარისხები და სამუშაო გამოცდილება, რომელიც აუცილებელი წინაპირობაა ადრეული და სკოლამდელი აღზრდისა და განათლების დაწესებულებებში აღმზრდელ-პედაგოგად მუშაობის დასაწყებად“, – ვკითხულობთ დოკუმენტში.

რაც შეეხება იმ პირებს, რომლებიც უკვე დასაქმებულები არიან, თუმცა მხოლოდ პროფესიული განათლება აქვთ,  როგორც EDU.ARIS.GE-ს განათლების და მეცნიერების სამინისტროს სკოლამდელი განათლების განვითარების სამმართველოს უფროსმა ნინო ბესელიამ უთხრა, შეუძლიათ, სამინისტროს მიერ შემუშავებული ტრენინგ-მოდული გაიარონ და მიიღონ აღმზრდელ-პედაგოგის სტატუსი.

„ამ ეტაპზე პროფესიული განათლებაც არის საკმარისი, რომ ბაღის აღმზრდელი გახდე. ვისაც აქვს პროფესიული განათლების დიპლომი, მათ 2024 წლის პირველ სექტემბრამდე შეუძლიათ, რომ გაიარონ ტრენინგ-კურსი და აღმზრდელ-პედაგოგის სტატუსი მიიღონ და შემდეგ ისინი დარჩებიან ბაღებში. 2024 წლის 1 სექტემბრიდან სავალდებულო ხდება სპეციალური მიმართულების – სკოლამდელი აღზრდის დაწესებულების აღმზრდელ-მასწავლებლის დიპლომი, ან ბაკლავრის ხარისხი მომიჯნავე სპეციალობებში“, – ამბობს ნინო ბესელია.

აღმზრდელპედაგოგის პროფესიული სტანდარტის მეორე თავი  აღმზრდელპედაგოგის განათლებასეხებარომლის მიხედვით ადრეული და სკოლამდელი აღზრდისა და განათლების დაწესებულებებში დასაქმებული, ხოლო სტანდარტის ამოქმედებიდან 2024 წლის 1 სექტემბრამდე დასასაქმებელი,აღმზრდელპედაგოგი უნდა აკმაყოფილებდეს ერთერთ შემდეგ მოთხოვნას:

ფლობდეს სულ მცირე ბაკალავრის ან მასთან გათანაბრებულ აკადემიურ ხარისხს ნებისმიერ მიმართულებაში/დარგში/სპეციალობაში,  ჰქონდეს აღმზრდელის ან აღმზრდელ-პედაგოგის პოზიციაზე მუშაობის სულ მცირე 4-წლიანი გამოცდილება და გავლილი ჰქონდეს საქართველოს განათლებისა და მეცნიერების სამინისტროს მიერ შემუშავებული აღმზრდელ-პედაგოგთა პროფესიული განვითარების ტრენინგ-მოდულების საფუძველზე მუნიციპალიტეტის მიერ ორგანიზებული აღმზრდელ-პედაგოგთა გადამზადება;

ჰქონდეს  ბაგა-ბაღის აღმზრდელ-პედაგოგის პროფესიული კვალიფიკაციის მინიჭების დამადასტურებელი პროფესიული დიპლომი და გავლილი ჰქონდეს საქართველოს განათლებისა და მეცნიერების სამინისტროს მიერ შემუშავებული აღმზრდელ-პედაგოგთა პროფესიული განვითარების ტრენინგ-მოდულების საფუძველზე მუნიციპალიტეტის მიერ ორგანიზებული აღმზრდელ-პედაგოგთა გადამზადება.

მუსიკის აღმზრდელ-პედაგოგი კი უნდა ფლობდეს უმაღლეს ან პროფესიულ სამუსიკო განათლებას და გავლილი ჰქონდეს საქართველოს განათლებისა და მეცნიერების სამინისტროს მიერ შემუშავებული აღმზრდელ-პედაგოგთა პროფესიული განვითარების ტრენინგ-მოდულების საფუძველზე მუნიციპალიტეტის მიერ ორგანიზებული აღმზრდელ-პედაგოგთა გადამზადება.

ადრეული და სკოლამდელი აღზრდისა და განათლების დაწესებულებებში 2024 წლის 1 სექტემბრიდანდასასაქმებელი აღმზრდელპედაგოგი კი უნდა აკმაყოფილებდეს ერთერთ შემდეგ მოთხოვნას:

ფლობდეს სკოლამდელი აღზრდისა და განათლების სფეროში ბაკალავრის ან მასთან გათანაბრებულ აკადემიურ ხარისხს;

ფლობდეს სულ მცირე ბაკალავრის ან მასთან გათანაბრებულ აკადემიურ ხარისხს განათლების, ჰუმანიტარული მეცნიერებების, ფსიქოლოგიის, ხელოვნების მიმართულებით და გავლილი ჰქონდეს საქართველოს განათლებისა და მეცნიერების სამინისტროს მიერ შემუშავებული აღმზრდელ-პედაგოგთა პროფესიული განვითარების ტრენინგ-მოდულების საფუძველზე მუნიციპალიტეტის მიერ ორგანიზებული აღმზრდელ-პედაგოგთა გადამზადება;

აკმაყოფილებდეს მასწავლებლის განათლებისათვის ,,ზოგადი განათლების შესახებ“ საქართველოს კანონით დადგენილ მოთხოვნებს და გავლილი ჰქონდეს საქართველოს განათლებისა და მეცნიერების სამინისტროს მიერ შემუშავებული აღმზრდელ-პედაგოგთა პროფესიული განვითარების ტრენინგ-მოდულების საფუძველზე მუნიციპალიტეტის მიერ ორგანიზებული აღმზრდელ-პედაგოგთა გადამზადება.

ხოლო მუსიკის აღმზრდელ-პედაგოგი უნდა ფლობდეს უმაღლეს ან პროფესიულ სამუსიკო განათლებას და გავლილი ჰქონდეს საქართველოს განათლებისა და მეცნიერების სამინისტროს მიერ შემუშავებული აღმზრდელ-პედაგოგთა პროფესიული განვითარების ტრენინგ-მოდულების საფუძველზე მუნიციპალიტეტის მიერ ორგანიზებული აღმზრდელ-პედაგოგთა გადამზადება.

საქართველოს მთავრობის მიერ დამტკიცებული ზემოაღნიშნული სტანდარტი განსაზღვრავს თუ რა ცოდნას, უნარ-ჩვევებს, ღირებულებებსა და დამოკიდებულებებს  უნდა ფლობდეს აღმზრდელ-პედაგოგი ადრეული და სკოლამდელი აღზრდისა და განათლების დაწესებულებებში სააღმზრდელო-პედაგოგიური საქმიანობის დაგეგმვის, წარმართვის და შეფასებისთვის. სტანდარტის მიზანია ადრეული და სკოლამდელი აღზრდისა და განათლების დაწესებულებებში მიმდინარე საგანმანათლებლო და სააღმზრდელო პროცესის ხარისხის გაუმჯობესება.სტანდარტი სავალდებულოა ყველა ადრეული და სკოლამდელი აღზრდისა და განათლების დაწესებულების (მიუხედავად მათი სამართლებრივი ფორმისა) აღმზრდელ-პედაგოგისათვის.

სტანდარტი 4 ნაწილისგან შედგება:

ა) აღმზრდელ-პედაგოგის განათლება;

ბ) აღმზრდელ-პედაგოგის პროფესიული მახასიათებლები;

გ) სააღმზრდელო-საგანმანათლებლო გარემო და პროცესი;

დ) აღმზრდელ-პედაგოგის  უწყვეტი პროფესიული განათლება და თვითგანვითარება.

მოამზადა ცისანა შერგილაშვილმა

წყარო:edu.aris.ge/

რომელი უნივერსიტეტი უწყობს ყველაზე მეტად შშმ პირების ადაპტირებას ხელს   

საქართველოს სახელმწიფო პოლიტიკა ერთმნიშვნელოვნად პროევროპულია და ჩვენი მთავრობაც ცდილობს, ზედმიწევნით შეასრულოს ასოცირების ხელშეკრულებით გათვალისწინებული პუნქტები. ხსენებულ სტანდარტებში უმნიშვნელოვანესი ადგილი ეთმობა შეზღუდული შესაძლებლობების მქონე პირების  (შშმ) ინტეგრაციას საზოგადოებასთან.  ჯერ კიდევ მწვავედ დგას ადაპტირების საკითხი, განსაკუთრებით ეს ეხება საგანმანათებლო დაწესებულებებს.

,,ევრონიუს ჰოლდინგი” დაინტერესდა ამ საკითხით და მომავალში აუცილებლად შემოგთავაზებთ მონიტორინგის შედეგებს. მანამდე კი, მოკლედ  ვიტყვით, რომ შშმ პირების ადაპტირებისა და დასაქმების კუთხით პირველ ადგილზე თბილისის სახელმწიფო სამედიცინო უნივერსიტეტი აღმოჩნდა. ამ საკითხთან დაკავშირებით, უნივერსიტეტის რექტორთან და შემდგომ კანცლერთან საუბრის დროს გაირკვა, რომ თბილისის სახელმწიფო სამედიცინო უნივერსიტეტი განსაკუთრებულ პრიორიტეტად მიიჩნევს შეზღუდული შესაძლებლობების მქონე პირთათვის ადაპტირებული გარემოს შექმნას და მათზე ზრუნვას. ამას არაერთი ღონისძიება და საქველმოქმედო აქცია მიეძღვნა. ამჯერად, თბილისის სახელმწიფო სამედიცინო უნივერსიტეტის რექტორის ინიციატივით, წარმომადგენლობითმა საბჭომ გადაწყვეტილება მიიღო, ერთჯერადი ფინანსური დახმარება გაწეოდა სამედიცინო უნივერსიტეტის შეზღუდული შესაძლებლობის მქონე ორ სტუდენტს  და ერთ თანამშრომელს, მათი გადაადგილებისთვის საჭირო, შშმ პირებისთვის ადაპტირებული, ავტოსატრანსპორტო საშუალებების შეძენისთვის.

თითოეულ შეზღუდული შესაძლებლობის მქონე პირს პირად ანგარიშზე ჩაერიცხა თანხა 15 000 (თხუთმეტი ათასი) ლარის ოდენობით, რაც საშუალებას მისცემს მათ გაიუმჯობესონ ქალაქში გადაადგილების პირობები.

უზენაესმა სასამართლომ ილია ჭავჭავაძისადმი მიძღვნილი წიგნი გამოსცა

   წელს შესრულდა ილია ჭავჭავაძის დაბადებიდან 180 და გარდაცვალებიდან 110 წელი. ამ თარიღთან დაკავშირებით უზენაესმა სასამართლომ ხელმეორედ (პირველად 1987 წელს) გამოსცა ცნობილი ცივილისტის, პროფესორ სერგო ჯორბენაძის წიგნი: ილია ჭავჭავაძე და ლიტერატურული საკუთრება.

წიგნი ძირითადად დოკუმენტურ მასალებს ეყრდნობა და ნათლად წარმოგვიჩენს იმ სირთულეებს, რაც მაშინდელ პერიოდს ახლდა ინტელექტუალური საკუთრების რეალური განხორციელებისთვის; ილია ჭავჭავაძის პროგრესულ მიდგომას, როგორც საავტორო უფლებების, ისე ადამიანის ძირითადი უფლებების დარღვევის მიმართ.

იხილეთ: ილია ჭავჭავაძე და ლიტერატურული საკუთრება

სხვადასხვა