All for Joomla All for Webmasters

პოლიტიკა

მთავარი პოლიტიკა

,,ეს პროექტი დიდ დარტყმას მიაყენებს კერძო ტელეკომპანიებს, მრცხვენია ოცნების მაგივრად”

,,დღეს გავარკვიე, ვინ არის ორი ყველაზე გავლენიანი ადამიანი საქართველოში: ეკა ბესელია და ვასილ მაღლაფერიძე.

პარლამენტმა 85 ხმით 6- ის წინააღმდეგ მიიღო მაუწყებლობის შესახებ კანონში ცვლილებები, რომელსაც ეწინააღმდეგებოდა მთელი მედია, არასამთავრობო სექტორი, უმრავლესობის დეპუტატთა დიდი ნაწილი, რომელიც ორი დღის წინ ჩააგდო და მხარი არ დაუჭირა წამყვანმა კომიტეტმა. კომიტეტის სხდომაზე მყოფი თოთხმეტი წევრიდან არცერთმა არ დაუჭირა მხარი ამ კანონპროექტს, მათ შორის არც ოცნების დეპუტატებმა, თუმცა დღეს პროექტი სესიაზე მაინც მიიღეს. ეს პროექტი დიდ დარტყმას მიაყენებს კერძო ტელეკომპანიებს. მას ერთი წელია ლობირებს ეკა ბესელია. ცოტა კი გაუჭირდა და გაუჭიანურდა, მაგრამ მაინც გაიტანა თავისი. მე მრცხვენია ოცნების მაგივრად. ბრძოლა ამით არ სრულდება და ყველა დეპუტატს მოუწევს პირადად აიღოს პასუხისმგებლობა ამ სამარცხვინო გადაწყვეტილებაზე” _ წერს ტელეკომპანია “კავკასიის” ხელმძღვანელი ნინო ჯანგირაშვილი.

სტატუსს რუსთავი 2-ის დირექტორი ნიკა გვარამია უკომენტარებს:

,,ნეტაი შენ, ის თუ გჯეროდა, რომ არ მიიღებდნენ. მაგათ პასუხისმგებლობა იმდენი რამისთვის მოუწევს, დათვლა მიჭირს”.

,,ჩემმა მეუღლემ უნდა დატოვოს უკრაინა, ან საქართველოში მოხდება მისი ექსტრადიცია”

,,უკრაინის პროკურორმა ოფიციალურად განაცხადა,  რომ ჩემმა მეუღლემ უახლოეს დროში უნდა დატოვოს უკრაინა თავისი ნებით, ან საქართველოში მოხდება მისი ექსტრადიცია. ამაზე მეტი პოლიტიზირებული განცხადება ვერც წარმომიდგენია… საქართველოში კი მმართველი პარტიის მხრიდან აშკარაა, რომ არ აწყობთ აქ მიშას ფიზიკური ყოფნა…
ეს ყველაფერი ჩემს ბავშვობაში პოპულარულ კარტის თამაშს მაგონებს (‘კინგი’), რომლის მთავარი არსია ხელიდან წინასწარ დასახელებული კარტის მოშორება… მაგრამ ზუსტად ამ კარტზეა მთელი თამაში აწყობილი!” – აცხადებს სანდრა რულოვსი.

,,თუ გადადგება, გადადგეს, რას გვაშინებს ვერ გავიგე…”

ამ წლების განმავლობაში ქვეყანაში ამდენი პრობლემა იყო, სერიოზული კრიზისული სიტუაციები და ყველგან დაიმალა, ხმა არ ამოუღია და მარტო უცნობის განცხადებამ შეაწუხა- ასე ეხმაურება პოლიტოლოგი გია ხუხაშვილი პრემიერსა და მის მეგობარს, გია გაჩეჩილაძეს შორის არსებულ დაპირისპირებას. განცხადებას, რომელიც გიორგი კვირიკაშვილმა გააკეთა და თქვა, რომ თუ გაჩეჩილაძის სიმართლე დადგინდა, ის თანამდებობას დატოვებს, ხუხაშვილი არასერიოზულს უწოდებს:
 „გაჩეჩილაძე გასაგებია, თვლის, რომ უსამართლოდ იჩაგრება და იბრძვის სხვათა შორის სამართლებრივი მეთოდებით, როგორც მე ვატყობ. რაც შეეხება პრემიერს, მისი განცხადება არასერიოზულია აბსოლუტურად. კიდევ ერთხელ ამტკიცებს ეს ადამიანი, რომ არანაირი ლიდერი არ არის, არაფერი არ ესმის და დიდ გაუგებრობაშია მოყოლილი. გვაყვედრის, რომ თურმე გადადგება. გადადგება და გადადგეს. მისი გადადგომით არც არავის სცხელა და არც არავის სცივა. თავის თავზე იმაზე მეტი წარმოდგენა აქვს ვიდრე წარმოადგენს. თუ გადადგება, სამ დღეში აღარავის ემახსოვრება გიორგი კვირიკაშვილი. ნუ გვაყვედრის თავს თავს, არაფერს არ ნიშნავს არც მისი გადადგომა და არც მისი პრემიერობა, იმიტომ რომ ერთი დიდი გაუგებრობაა რასაც ის აკეთებს. ამ წლების განმავლობაში ამ ქვეყანაში ამდენი პრობლემა იყო, სერიოზული კრიზისული სიტუაციები და ყველაგან დაიმალა, ხმა არ ამოუღია და მარტო უცნობის განცხადებამ შეაწუხა, გამოვარდა და რაღაცეები ილაპარაკა და შალელაშვილის განცხადებაზე მისცა კიდე რეაქცია. ანუ, მას არ ესმის, რომ ის არის პრემიერ მინისტრი და თუ არ ესმის და თუ გადადგება, გადადგეს, რას გვაშინებს ვერ გავიგე“ განაცხადა გია ხუხაშვილმა „პირველ რადიოსთან“ საუბარში.

წყარო

წყარო

პრეზიდენტმა მთავრობისგან მიიღო თხოვნა, დავით ნარმანია სემეკის ვაკანტურ თანამდებობაზე წარადგინოს

საქართველოს პრეზიდენტის ადმინისტრაციის უფროსის გიორგი აბაშიშვილის განცხადებით, მიმდინარე წელს საქართველოს პრეზიდენტმა სემეკის სამ ვაკანტურ თანამდებობაზე სამი შესაბამისი კანდიდატურა წარადგინა. აბაშიშვილი ამბობს, რომ მთავრობის მხრიდან პრეზიდენტმა მიიღო თხოვნა, რომ მესამე კანდიდატად თბილისის ყოფილი მერი დავით ნარმანია იყოს წარდგენილი.

“მოგეხსენებათ, რომ საქართველოს პარლამენტისთვის სემეკის წევრობის კანდიდატების წარდგენა საჭიროებს შეთანხმებას საქართველოს მთავრობასთან. შესაბამისად, საქართველოს პრეზიდენტის მხრიდან აღნიშნული შეთანხმების ფარგლებში, ნომინირებული იქნა მაია მელიქიძის კანდიდატურა, რომელიც უკვე დამტკიცებულია, და გოჩა შონიას კანდიდატურა. ხოლო საქართველოს მთავრობის მხრიდან საქართველოს პრეზიდენტს ეთხოვა დავით ნარმანიას კანდიდატურის ნომინირება”, – განაცხადა გიორგი აბაშიშვილმა.

წყარო: metronome.ge

გია გაჩეჩილაძე: თავს დებს იმაზე, რომ ვიღაც მის ქვემოთ არ შეიძლება რამე ცუდს აკეთებდეს?

გია გაჩეჩილაძე პრემიერის განცხადებებს პასუხობს და ამბობს, რომ ის ბოდიშს მოიხდის თუკი კონკურენციის სააგენტო არგუმენტირებულ პასუხს გასცემს, რა მიზეზით გაფორმდა ერთ კომპანიასთან 21 მილიონის ხელშეკრულება.
,,მე ბოდიშის მოხდა არ მიჭირს. მაგრამ ხადურის უწყებამ პასუხის გასცეს 21 მილიონის 57 ტენდერი რატომ არის ჩატარებული უკონკურენციოდ.
ის რასაც პრემიერი ლაპარაკობს სხვა თემაა, სასამართლოში შესულია ჯანდაცვის სამინისტროზე და პროცესი მიდის, მაგის გარდა კიდევ არის ცხრა საჩივარი დავების საბჭოში.
მაგას შეიძლება წასვლა უნდა და ამას მიზეზად იგონებს, აბა რა შუაშია მისი გადადგომა?-რა თავს დებს იმაზე,რომ ვიღაც მის ქვემოთ არ შეიძლება რამე ცუდს აკეთებდეს?“-ამბობს გია გაჩეჩილაძე ,,ტვ პირველის“ ეთერში.

წყარო

 

,,კამერები სააკაშვილს ამ მდგომარეობაში პირველად არ აფიქსირებენ”

უკრაინელი ბლოგერი მიროსლავ ოლეშკო ავრცელებს ვიდეოკადრებს, სადაც, მისი აზრით, სასამართლო სხდომაზე მყოფი მიხეილ სააკაშვილი ნარკოტიკების ზემოქმედების ქვეშაა და უცნაურად იქცევა. “კამერები სააკაშვილს ამ მდგომარეობაში პირველად არ აფიქსირებენ”, – წერს უკრაინელი ბლოგერი. ვიდეომ სოციალურ ქსელში დიდი აჟიოტაჟი გამოიწვია.

წყარო

“პრემიერის ძმაკაცებმა ერთმანეთში სახელმწიფო ფული ვერ გაიყვეს”

,,არ განვიხილავ ვინმე გადადგება ან არ გადადგება. ამ თემას ვუყურებ ასე, რომ პრემიერმინისტრის ძმაკაცებმა ერთმანეთში სახელმწიფო ფული ვერ გაიყვეს, უფრო კონკრეტულად ბიუჯეტის ფული. ქვეყანა, რომ კორუფციას მიაქვს, ამას არ უნდოდა კონკრეტულად გიორგი გაჩეჩილაძის ხმამაღალი განცხადებები. გარედან ეს ყველაფერი ჩანს ძალიან არაჯანსარად“, – აცხადებს „ევროპული საქართველოს“ წევრი ირმა ნადირაშვილი.

მომღერალმა და ბიზნესმენმა გია გაჩეჩილაძემ (უცნობი) 12 დეკემბერს, კომპანია „სიტროენ ჯორჯიას“ წარმომადგენლებთან ერთად პრესკონფერენცია გამართა და თქვა, რომ ტენდერებს მხოლოდ ხელისუფლების წევრებთან დაკავშირებული კომპანიები იგებენ. გაჩეჩილაძეს კონკრეტული გვარები არ დაუსახელებია, თუმცა „სიტროენ ჯორჯიას“ წარმომადგენელმა სპორტის მინისტრის ტარიელ ხეჩიკაშვილის კომპანიები და მის მიერ მოგებული ტენდერები დაასახელა.

დღეს პრემიერმინისტრმა გიორგი კვირიკაშვილმა გია გაჩეჩილაძეს მოუწოდა სასამართლოს მიმართოს. თუ დამტკიცდება, რომ ხეჩიკაშვილის მიერ ჩატარებული ტენდერები არასამართლიანი იყო, პრემიერი მზად არის, თანამდებობა დატოვოს.

,,ტარიფი, რომელსაც დავადგენთ, ძალაში იქნება 2020 წლის ბოლომდე”- გაძვირდება თუ არა ელექტროენერგია?

მარეგულირებლის მიერ დადგენილი ტარიფით თანაბრად იყოს დაცული, როგორც მომხმარებლის, ისე კომპანიის ინტერესები. ახალგაზრდა ფინანსისტთა და ბიზნესმენთა ასოციაციამ ენერგოსექტორში არსებული ტარიფების შესახებ კვლევის შედეგები წარადგინა.

კვლევა მოიცავს ენერგეტიკის და წყალმომარაგების მარეგულირებელი ეროვნული კომისიის მიერ რეგულირებად სამივე სექტორში (ელექტროენერგია, ბუნებრივი აირი, წყალმომარაგება) მოქმედი ტარიფების ანალიზს.

ორგანიზაციის კვლევაში სხვადასხვა რეკომენდაციებთან ერთად, ხაზგასმულია კომპანიების მიერ მოზიდული ინვესტიციების დაცვის საკითხი და ამ მიმართულებით ის რისკები, რომლის წინაშეც დარგში მოქმედი კომპანიები დგანან. აფბას რეკომენდაციის თანახმად, კომპანიების განვითარების ხარჯზე არ უნდა ხდებოდეს სამომხმარებლო ტარიფების დადგენა.

“ინვესტიციების დაცვის არსებული მიდგომა და სატარიფო რეგულირების პოლიტიკის ძირითადი პრინციპები ერთმანეთთან წინააღმდეგობაში მოდის. კერძოდ, არის შემთხვევები, როდესაც კომპანიას თავისი საინვესტიციო გეგმების განსახორციელებლად შესაძლებლობა აქვს მოიზიდოს შესაბამისი ფინანსური რესურსი. თუმცა, კომისიის მხრიდან ტარიფის უცვლელად დატოვების, ანუ სახელმწიფოს მხრიდან “სოციალური ტარიფის” შენარჩუნების მიზნით, არ ხდება კომპანიების მიერ წარდგენილი საინვესტიციო გეგმების სრულად გაზიარება. როგორც ზევით აღინიშნა, აღნიშნული მიდგომა მნიშვნელოვან პრობლემას წარმოადგენს კომპანიების განვითარების კუთხით. აქედან გამომდინარე, მნიშვნელოვანია მოიძებნოს „ოქროს შუალედი” ინვესტიციების დაცვის, ახალი ინვესტიციების მოზიდვასა და მოსახლეობის ინტერესებს შორის. შესაბამისად, უმჯობესი იქნება გადაიხედოს პოლიტიკა და ადეკვატური ტარიფების დაწესების პარალელურად, განხორციელდეს მოსახლეობის მიზნობრივი ჯგუფებისთვის ტარიფის სუბსიდირება”, – აღნიშნულია აფბას კვლევაში.

12 დეკემბერს ცნობილი გახდა, რომ ახალი სატარიფო მეთოდოლოგიის მიხედვით, სემეკი ელექტროენერგიის სამომხმარებლო ტარიფებს ყოველწლიურად აღარ გადაითვლის.

საქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარის ირინა მილორავას განმარტებით, ტარიფი, რომელსაც კომისია თვის ბოლოს დაადგენს, სამი წელი იმოქმედებს. მისივე თქმით, მხოლოდ ერთი გამონაკლისი არსებობს.

„ის ტარიფი, რომელსაც ჩვენ წლის ბოლოსთვის დავადგენთ, ძალაში იქნება 2018 წლის პირველი იანვრიდან 2020 წლის ბოლომდე. ანუ, კომისია ყოველწლიურ რეჟიმში აღარ განახორციელებს ტარიფების გადათვლას. დადგენილ სამწლიან ტარიფებს ერთადერთ შემთხვევაში მივუბრუნდებით, თუ მოხდა იმ მოცულობების არსებითი ცვლილება, რომელსაც ჩვენ დავეყრდნობით ტარიფების დადგენისას“, – განაცხადა მილორავამ.

სემეკმა ენერგეტიკის სექტორისა და წყალმომარაგების ლიცენზიანტთა საინვესტიციო გეგმები განიხილა.

 

,,ჩემთვის მიუღებელია, როდესაც ჩემი გუნდის წევრს ლანძღავენ და მე მაქებენ”

ჩემთვის მიუღებელია, როდესაც ჩემი გუნდის წევრს ლანძღავენ და მე მაქებენ. არ მჭირდება ასეთი ქება, თავისი სიტყვები წაიღოს უკან, – ასე უპასუხა საქართველოს პრემიერ-მინისტრმა გიორგი კვირიკაშვილმა გია გაჩეჩილაძის ბრალდებებს. კვირიკაშვილმა ტარიელ ხეჩიკაშვილზე ისაუბრა და მისი მინისტრობის პერიოდი გაიხსენა. მისი თქმით, ხეჩიკაშვილს არასდროს შეურევია თავისი სახელმწიფოებრივი და ბიზნეს საქმიანობა.
“თავისი მინისტრობის პერიოდში ძალიან ბევრი გააკეთა, დაასრულა გაუთავებელი კონფლიქტები სპორტულ ფედერაციებში, ძალიან ბევრი საინტერესო პროგრამა წამოიწყო ახალგაზრდობისთვის. ჩემთვის მიუღებელია, როდესაც ჩემი გუნდის წევრს ლანძღავენ და მე მაქებენ. არ მჭირდება ასეთი ქება, თავისი სიტყვები წაიღოს უკან”, – განაცხადა კვირიკაშვილმა.
შეგახსენებთ, რომ გია გაჩეჩილაძემ გუშინ გამართულ ბრიფინგზე სახელმწიფო შესყიდვებში უსამართლო პირობების არსებობაზე ისაუბრა და აღნიშნა, რომ სახელმწიფოს ცალკეულ კერძო კომპანიებთან კარტელური გარიგებები აკავშირებს.

წყარო

,,კანონპროექტი, რომელმაც პროვაიდერები უნდა აიძულოს, ინტერნეტსივრცე სახიფათო ინფორმაციისგან გაათავისუფლოს”

„როგორ დავიცვათ ბავშვები ინტერნეტში არსებული მავნე ინფორმაციისგან“ – აღნიშნულ თემაზე საკანონმდებლო ორგანოს და არასამთავრობო ორგანიზაციების წარმომადგენლებმა, ექსპერტებთან ერთად „გაეროს ბავშვთა ფონდის“ მიერ ორგანიზებულ კონფერენციაზე იმსჯელეს. პარლამენტის ჯანმრთელობის დაცვისა და სოციალურ საკითხთა კომიტეტის თვმჯდომარის პირველმა მოადგილემ, დიმიტრი ხუნდაძემ მისი ინიციატივით მომზადებულ კანონპროექტზე ისაუბრა და აღნიშნა, რომ კანონპროექტი საბოლოო ექსპერტიზას გადის, რომლის შემდეგაც მისი ინიცირება პარლამენტში მოხდება.
 „ფართო კონსულტაციების, ექსპერტების, სპეციალისტებისა და დაინტერესებული პირების აქტიური მონაწილეობით შემუშავებული კანონპროექტი ერთადერთი გამოსავალია, რომელმაც პროვაიდერები უნდა აიძულოს, ინტერნეტსივრცე ხიფათის შემცველი ინფორმაციისგან გაათავისუფლოს, რათა არასრულწლოვნები ამ ტიპის ინფორმაციისგან დავიცვათ“, – განაცხადა ჯანმრთელობის დაცვისა და სოციალურ საკითხთა კომიტეტის თვმჯდომარის პირველმა მოადგილემ. დიმიტრი ხუნდაძე: „ის, რაც დაუშვებელია ინტერნეტს მიღმა, დაუშვებელი უნდა იყოს ინტერნეტშიც. ცვლილებები შედის კანონში „ელექტრონული კომუნიკაციების შესახებ“ და კანონში „მავნე ზეგავლენისაგან არასრულწლოვანთა დაცვის შესახებ“. კანონპროექტის მომზადების აუცილებლობა იმ რეალურმა ვითარებამ განაპირობა, რაც ინტერნეტიდან მომდინარე საფრთხეებს უკავშირდება. ინიციატივის მიზანია არასრულწლოვანთა დაცვა ინტერნეტსივრცეში ისეთი სახის ინფორმაციისაგან, რომელმაც შეიძლება, ზიანი მიაყენოს მათ ჯანმრთელობას და განვითარებას. რაც შეეხება რისკის ტიპებს, ესენია: კონტენტისა და კონტაქტის რისკები (პორნოგრაფია და ა.შ.); სამომხმარებლო რისკები (ონლაინ მარკეტინგი, ყალბი ტრანზაქციები და ა.შ.) და პირადი ინფორმაციის უსაფრთხოებასთან დაკავშირებული რისკები (სოციალური ქსელების გამოყენება პოტენციური გრძელვადიანი შედეგების გააზრების გარეშე). კანონპროექტის მიზანი ბავშვებისათვის უფრო მეტად დაცული ვირტუალური სამყაროს შექმნაა. გვსურს, ინტერნეტი გავხადოთ უსაფრთხო ადგილი, სადაც ყველა ასაკის ბავშვი შეძლებს ახალი ტექნოლოგიების თითოეული სპექტრისა და შესაძლებლობის გამოყენებას.“ დისკუსიაზე – „ბავშვები ციფრულ სამყაროში“ იმსჯელეს, როგორ უნდა დავიცვათ ბავშვები ინტერნეტში არსებული მავნე ინფორმაციისგან. გაეროს ბავშვთა ფონდმა აღნიშნულ საკითხზე კვლევის შედეგებიც წარადგინა.

სხვადასხვა