All for Joomla All for Webmasters

პოლიტიკა

Home პოლიტიკა

რასთან დაკავშირებით აპირებს დავით უსუფაშვილი ბრიფინგის გამართვას?

საქართველოს პარლამენტის ყოფილი თავმჯდომარე დავით უსუფაშვილი ხვალ საკუთარ პოლიტიკურ მიზნებზე ბრიფინგს გამართავს.

” უსუფაშვილი ბოლო რამდენიმე კვირაა ყოფილ თანაპარტიელებთან, საზოგადოებისთვის სცნობილ სახეებთან და ექსპერტებთან ინტენსიურ მოლაპარაკებებს მართავს ამ მოლაპარაკებების შედეგი, სავარაუდოდ, ხვალ გახდება ცნობილი”

ასევე ცნობილი გახდება რა ფორმით იქნება წარმოდგენილი, იქნება ეს პოლიტიკური პარტია თუ საზოგადოებრივი მოძრაობა. 

ბრიფინგი 12:00-ზეა ჩანიშნული.

წყარო: “პირველი რადიო”

„რუსთავი 2-ში გასული სიუჟეტი სოსო გოგაშვილზე რეალობას აცდენილია“

საპარლამენტო უმრავლესობის წევრის, ზვიად ძიძიგურის განცხადებით, სახელმწიფო უსაფრთხოების სამსახურის უფროსის მოადილეზე, სოსო გოგაშვილზე გასული სიუჟეტი “რუსთავი 2”-ის ეთერში, “სოსო გოგაშვილის ცოლის დების სახელზე გაფორმებული ქონება” რელობას აცდენილია. ამის შესახებ ზვიად ძიძიგურმა “მთავარი თამარ ჩიქოვანთან” განაცხადა.

დეპუტატის თქმით, სოსო გოგაშვილის საქმეზე პარლამეტში საგამოძიებო კომისია არ შეიქმნება.

“ვიცი, ის ფაქტები, რაც სიუჟეტში იყო მოყვანილი აცდენილია რეალობას. ასეთი ტიპის სიუჟეტები კვირაში შეიძლება  200 გააკეთოს “რუსთავი 2”-მა. იგივე ნაზღაიძის თემაზე რა ამბები ატყდა, გაირკვა რომ ყველაფერი სხვაგვარად არის. ვფიქრობ, პარლამენტი გაცილებით უფრო სერიოზული საქმით უნდა იყოს დაკავებული.

პარლამენტს რომ საგამოძიები ფუნქცია აქვს, ეს არ ნიშნავს იმას, რომ ყველა თემაზე, რაც ტელევიზორში გავა საგამოძიებო კომისია შეიქმნას.

წინა, მე-8 მოწვევის პარლამენტში “ნაციონალურმა მოძრაობამ”, თუ არ ვცდები 15 საკითხზე მოითხოვა საგამოძიებო კომისიის შექმნა. ამან რაღაც პაროდიის სახე მიიღო”, – განაცხადა ძიძიგურმა

რატომ იკრიბება „ქართული ოცნების“ ცენტრალურ ოფისში საპარლამენტო უმრავლესობა?!

პარტია “ქართული ოცნების“ ცენტრალურ ოფისში, საპარლამენტო უმრავლესობა სხდომას გამართავს. როგორც  ფრაქცია “ქართული ოცნების“ თავმჯდომარე მამუკა მდინარაძემ განაცხადა, უმრავლესობის წევრები სხვადასხვა საკითხზე, მათ შორის კონსტიტუციაში დაგეგმილ ცვლილებებზე იმსჯელებენ.

ამასთან, სააგენტოს კითხვაზე, საკონსტიტუციო ცვლილებების პროექტის მიზნით ხელმოწერების შეგროვების პროცედურა დაიწყება თუ არა დღევანდელ შეხვედრაზე, მდინარაძემ განაცხადა, რომ “ამაზე კომენტარი ჯერჯერობით არ კეთდება“.

უმრავლესობის წევრები „ქართული ოცნების“ ოფისში უკვე იკრიბებიან. შეხვედრა 12:00 საათისთვისაა დაგეგმილი.

წყარო: Ipn

მიხეილ ჯანელიძე 25-27 აპრილს ოფიციალური ვიზიტით ეწვევა გერმანიის ფედერაციულ რესპუბლიკას

საქართველოს საგარეო საქმეთა მინისტრი მიხეილ ჯანელიძე 25-27 აპრილს ოფიციალური ვიზიტით ეწვევა გერმანიის ფედერაციულ რესპუბლიკას. 26 აპრილს გერმანელ კოლეგასთან ზიგმარ გაბრიელთან ერთად ბერლინში საზეიმოდ გახსნის საქართველო-გერმანიის მეგობრობის წელს. საზეიმო ღონისძიება გერმანიის საგარეო საქმეთა ფედერალურ სამინისტროს სახელგანთქმულ საზეიმო დარბაზში, “Weltsaal”-ში გაიმართება, მოწვეულ სტუმრებს სიტყვით მიმართავენ საქართველოსა და გერმანიის საგარეო საქმეთა მინისტრები. ღონისძიების ფარგლებში ქართველი ხელოვანების მონაწილეობით გაიმართება კონცერტი. ბერლინში გახსნის ღონისძიებაზე წარმოდგენილი იქნება “მომავლის მემკვიდრეობა – 200 წელი: ქართულ-გერმანული ისტორიების” საექსპოზიციო მასალა. ასევე გახსნის ღონისძიება ითვალისწინებს კულტურულ კომპონენტსაც, ხოლო საზეიმო გახსნის დასასრულს დაგეგმილია საუბრის/დისკუსიის გამართვა, რომელსაც მოდერირებას გაუწევს საქართველოს ელჩი გერმანიაში, ლადო ჭანტურია. დისკუსიაში მონაწილეობას მიიღებენ ფრანქფურტის წიგნის ბაზრობის ვიცეპრეზიდენტი ტობიას ვოსსი, ქართველი მევიოლინე ლიზა ბათიაშვილი და გერმანიის ბუნდესლიგის ყოფილი ფეხბურთელი, საქართველოს ფეხბურთის ფედერაციის პრეზიდენტი და საქართველოს პარლამენტის წევრი ლევან კობიაშვილი. გერმანიაში ვიზიტის ფარგლებში საქართველოს საგარეო საქმეთა მინისტრი შეხვედრებს გამართავს გერმანიის ფედერაციული რესპუბლიკის საგარეო საქმეთა მინისტრთან, ზიგმარ გაბრიელთან, გერმანიის ფედერალური კანცლერის მრჩეველთან საგარეო პოლიტიკისა და უსაფრთხოების საკითხებში ქრისტოფ ჰოისგენთან. გერმანიის ბუნდესტაგში, საგარეო ურთიერთობათა კომიტეტსა და ნატო-ს საპარალამენტო ასამბლეაში გერმანიის დელეგაციასთან.

 

“სტრასბურგმა – აგერ მახატია თქვენი “უზენაესი” სასამართლოო”

მოკლედ, თურქეთმა – 900 წლის წინ რომ გაიმარჯვეთ, არ იზეიმოთო. ირანმა – აეროპორტში ჩვენი ტურისტი ქალების სახის დანახვა არ გაბედოთო.
სტრასბურგმა – აგერ მახატია თქვენი “უზენაესი” სასამართლოო. უკრაინამ – რაში მაინტერესებს, თქვენ ვის აცხადებთ ძებნილადო. ამერიკამ – მე გეტყვით, თქვენთან ვის რა რეიტინგი აქვსო.
რუსეთმა – თუმცა ეგ ხომ ისედაც ვიცით…

ჰოდა, რა მინდოდა მეთქვა – 26 მაისს რამე სხვა საბაბით რომ ვიქეიფოთ, არა? არჩილ თამაზოვიჩი… ” _  ფეისბუქპოსტი თამარ ოქრუაშვილმა გამოაქვეყნა.

 

შეჩერდება თუ არა დიდგორობის დღესასწაულის უქმედ გამოცხადების ინიციატივის განხილვა?

თურქულმა მხარემ პროექტის კორექტირება მოითხოვა “დიდგორობის დღესასწაულის უქმედ გამოცხადების შესახებ საკანონმდებლო ინიციატივის განხილვა, შესაძლოა, შეჩერდეს“ – ეს ინფორმაცია საზოგადოებრივმა მაუწყებელმა გუშინ გაავრცელა. კანონპროექტი მმართველი პარტიის ექვსი დეპუტატის მიერ არის მომზადებული. საუბარია საკანონმდებლო ინიციატივაზე, რომელიც დიდგორის ბრძოლის დღის -12 აგვისტოს დიდი გამარჯვების დღედ და უქმედ გამოცხადებას გულისხმობს.
„არაოფიციალური ინფორმაციით, შრომის კოდექსში შესატან ცვლილებას თურქეთის მხრიდან ნეგატიური რეაქცია მოჰყვა. ინფორმაციას ნაწილობრივ პროექტის ერთ-ერთი ავტორიც ადასტურებს. აკაკი ზოიძე დეტალების დაკონკრეტებისგან თავს იკავებს, თუმცა ამბობს, რომ დიპლომატიურ დონეზე უარყოფითი პოზიცია დაფიქსირდა. ქართული ოცნების წევრები ახლა ისტორიკოსებთან კონსულტაციების გავლას გეგმავენ. თავის დროზე, ამ ინიციატივით უმრავლესობის ერთ-ერთი წევრიც გამოვიდა,“- აღნიშნულია მაუწყებლის მიერ გავრცელებულ ინფორმაციაში.
საპარლამენტო უმრავლესობა ადასტურებს, რომ დიდგორობის დღესასწაულის უქმედ გამოცხადებასთან დაკავშირებით თურქულ მხარეს პრეტენზიები აქვს. თურქეთის საელჩოში საკანონმდებლო ინიციატივის ავტორებთან შეხვედრა გაიმართა, სადაც მათ პროექტის კორექტირება თხოვეს.
„თბილისში, თურქეთის საელჩოში შეხვედრა გაიმართა. დიდგორის ომში ეს თურქეთი არ მონაწილეობდა და ოსმალეთი იმპერია მაშინ არ იყო, მათ მაინც აქვთ გარკვეული შინაგანი მოთხოვნილება, რომ წარმოადგენენ სწორად იმ მემკვიდრეებს და მათი წინაპრები იყვნენ თურქები, სელჩუკები და თურქმანები,“ – განაცხადა უმრავლესობის წევრმა, ნუკრი ქანთარიამ.
დიდგორობა ყოველ წელს სახალხო ზეიმით აღინიშნება.
ოფიციალური პასუხი თუ რატომ არის თურქეთისთვის დიდგორობის დღესასწაული – 12 აგვისტო უქმედ გამოცხადება მიუღებელი, უცნობია. დეპუტატები მზად არიან ექპერტებთან და ისტორიკოსებთან განიხილონ ეს საკითხი
. „გარკვეულწილად ვერ ავხსნით ის შეშფოთება, რომელიც თურქულმა მხარემ გამოთქვა ამ კონკრეტულ ინიციატივასთან დაკავშირებით, მაგრამ გაგებით ვეკიდებით მათ პოზიციას. კონფროტაციაში შესვლა ნამდვილად არ ღირს,“ – აღნიშნა უმრავლესობის წევრმა, აკაკი ზოიძემ.
ისტორიკოს გიორგი ანჩაბაძისთვის თურქეთის უკმაყოფილება გაუგებარია, რადგან მისი თქმით, 900 წლის წინანდელი მოვლენები დღევანდელ პოლიტიკურ ვითარებაზე გავლენას ვერ მოახდენს. ამასთან ისტორიკოსი დიდგორის ბრძოლის დღის უქმედ გამოცხადების აუცილებლობასაც ვერ ხედავს.
„მაშინ სულ სხვა სახელმწიფოები იყო. მაშინ კუალიციური მუსულმანური ლაშქრობა იყო საქართველოში. დღევანდელი უშუალოდ თურქეთთან პირდაპირი ისტორიული ამასთან დაკავშირება არ აქვს. თუმცა ისინი მაინც ეთნიკურად თურქები არიან და შეიძლება ამან გამოიწვია ასეთი რეაქცია,“ – განაცხადა გიორგი ანჩაბაძემ.

პრემიერი: ქართველ სტუდენტებს უნგრეთის წამყვან უნივერსიტეტებში სწავლა შეეძლებათ

საქართველოს პრემიერმინისტრმა გიორგი კვირიკაშვილი უნგრეთის პრემიერმინისტრ ვიქტორ ორბანთან შეხვედრის დეტალებზე ისაუბრა.

პრემიერის თქმით, ახალი შეთანხმების მიხედვით ქართველ სტუდენტებს უნგრეთის მთავრობის სტიპენდიებით უცხოეთში სწავლა შეეძლებათ:

“ხელი მოეწერა რამდენიმე შეთანხმებას, მათ შორის ეკონომიკურ პროექტებს. ქართველ სტუდენტებს უნგრეთის წამყვან უნივერსიტეტში სწავლა შეეძლებათ, უნგრეთის მთავრობის სტიპენდიებით”.

კვირიკაშილის თქმით, მხარეებმა ასევე ისაუბრეს ევროინტეგრაციაზე და ოკუპაციის თემაზე.

on.ge

საქართველოს ოფიციალური ვიზიტით უნგრეთის პრემიერ-მინისტრი ვიქტორ ორბანი ეწვია

Hungarian Prime Minister Viktor Orban attends a news conference in Budapest, July 25, 2012. REUTERS/Bernadett Szabo

საქართველოს ოფიციალური ვიზიტით უნგრეთის პრემიერ-მინისტრი ვიქტორ ორბანი ეწვია. მას აეროპორტში ვიცე-პრემიერი, საქართველოს განათლებისა და მეცნიერების მინისტრი ალექსანდრე ჯეჯელავა, საქართველოს საგარეო საქმეთა მინისტრი მიხეილ ჯანელიძე და უნგრეთში საქართველოს ელჩი ზაზა კანდელაკი დახვდნენ. ვიზიტის ფარგლებში დაგეგმილია შეხვედრები საქართველოს საკანონმდებლო და აღმასრულებელი ხელისუფლების წარმომადგენლებთან. იგეგმება ხელმოწერა ოფიციალურ დოკუმენტებზე და უნგრულ-ქართულ ბიზნეს ფორუმში მონაწილეობა. დახვედრის ცერემონიის დასრულების შემდეგ საქართველოს საგარეო საქმეთა მინისტრმა მიხეილ ჯანელიძემ ვიზიტის მნიშვნელობაზე ისაუბრა. მისი განცხადებით უნგრეთის დელეგაციის წარმომადგენლობითი დელეგაცია ორ ქვეყანას შორის მჭიდრო თანამშრომლობის გამოხატულებაა. „უნგრეთი საქართველოს ევროპული და ევრო ატლანტიკური გზისა და ტერიტორიული მთლიანობის მტკიცე მხარდამჭერია. ჩვენ ორმხრივი ურთიერთობების განვითარების დიდი შესაძლებლობები გვაქვს, განსაკუთრებით ეკონომიკური მიმართულებით. ვიზიტის ფარგლებში გაიმართება ბიზნეს ფორუმი, რომელზეც წარმოდგენილი იქნებიან ქართული და უნგრული ბიზნესის წარმომადგენლები. ჩვენ თანამშრომლობას ვაღრმავებთ ყველა მიმართულებით და ამ პერსპექტივებს განვიხილავთ როგორც ჩემს კოლეგასთან, ასევე დელეგაციის სხვა წევრებთან.“ შეგახსენებთ, რომ უნგრეთის რესპუბლიკის დელეგაციაში, რომელსაც პრემიერ-მინისტრი ვიქტორ ორბანი ხელმძღვანელობს, უნგრეთის საგარეო საქმეთა და ვაჭრობის მინისტრი პიტერ სიიარტო, ეროვნული ეკონომიკის მინისტრი მიჰაი ვარგა, ადამიანური რესურსების მინისტრი ზოლტან ბალოგი, სოფლის მეურნეობის მინისტრი შანდორ ფაზეკაში, ეროვნული განვითარების სამინისტროს ენერგეტიკის საქმეთა სახელმწიფო მინისტრი ანდრაშ არადსკი და პრემიერ-მინისტრის კაბინეტის უფროსი იანოშ ნაგი იმყოფებიან.

სამტრედიაში რომ დაიქირავებენ მოტირალ ქალბატონებს, ისე კიოდით- ნათელაშვილმა კვესიტაძე მიჯირყვნა

გადაცემა ,,აქცენტებში” მიწვეული ლეიბორისტული პარტიის ლიდერი, შალვა ნათელაშვილი გააღიზიანა წამყვანის დასკვნამ: ,,ბატონო შალვა, ე.ი. თქვენს ულტიმატუმს შედეგი არ მოჰყვება და თქვენი ბოიკოტიც არ იქნება ქმედითი”. შეგახსენებთ, რომ ლეიბორისტებმა საკონსტიტუციო კომისიას ულტიმატუმი წაუყენეს. თუ 24 საათის განმავლობაში მათ მოთხოვნებს არ შეასრულებენ, ისინიც დატოვენებ სხვა პარტიების მსგავსად საკონსტიტუციო კომისიას. აი, რა უთხრა ნათელაშვილმა კვესიტაძეს ამ ,,დასკვნის” პასუხად:

_ არ მაცდი ეკა საუბარს, არ მაცდი, ,,ნიქსონ ცენტრში გგონიათ თავი. ხომ გახსოვთ, 2005 წელში რომ შევხვდით ,,ნიქსონ ცენტრში”, სადაც თქვენ გამოდიოდით სააკაშვილის ხელისუფლების დამცველად. მაშინ სააკაშვილი ჰყიდდა რუსეთზე ,,გაზპრომი”-ს მილს, რომელიც მე ჩავშალე. მაშინ თქვენ და ქალბატონი ბარანი, ბრაიზას მეუღლე იქ აწყობდით სერიოზულ აქციებს და აი, სამტრედიაში რომ დაიქირავებენ მოტირალ ქალბატონებს, ისე კიოდით. მერე გავარდით თეთრს სახლში და თეთრი სახლიდან მივიღე წერილი, რომ აღარ შეგხვდებით, სანამ ბოდიშს არ მოხდით, რომ მიხეილ სააკაშვილს სადამ ჰუსეინი უწოდეთო. ჩვენ ხომ ვიკამათეთ მაშინ და რაღა გვაქვს საკამათო ახლა, ვერ გავიგე.

 

გიორგი გუგავა: ჩვენც აუცილებლად დავტოვებთ საკონსტიტუციო კომისიას

 პოლიტიკური პარტიების წარმომადგენლები აკეთებენ  განცხადებებს,  რომ საკონსტიტუციო კომისიაში მარტო „ქართული ოცნება“ დარჩა. თუმცა როგორც  evronews.ge-მა გაარკვია, ეს ინფორმაცია სიმართლეს არ შეეფერება. საკონსტიტუციო კომისია არ დაუტოვებია „ლეიბორისტული პარტიის“ წარმომადგენელს, რაც  ლეიბორისტული პარტიის ერთ- ერთმა ლიდერმა, გიორგი გუგავამ დაგვიდასტურა.

გიორგი გუგავა:

_ „ლეიბორისტული პარტია“ რჩება კომისიაში. ჩვენმა ლიდერმა წარადგინა ულტიმატუმები, რომელიც უნდა შეასრულოს მთავრობამ. კონკრეტულად ეს შეეხება პრეზიდენტის არჩევის წესს, ანუ უნდა დარჩეს საპრეზიდენტო მმართველობა. ასევე, უნდა შეცვალოს მანდატების  ,,მოპარვის” წესი არჩევნებისთვის. ახალი პროექტით შემოაქვთ პროპორციული არჩევის წესი, ოღონდ ადგენენ,  რომ პირველ ადგილზე გასულ პარტიას მიაქვს ყველა გადაუნაწილებელი ხმა, რაც ნიშნავს მანადატების მოპარვას. მესამე, რაც ჩვენ წარვადგინეთ, ეს არის ის, რომ კონსტიტუციაში ასახული იქნეს სოციალური გარანტიები ჯანდაცვის, განათლებისა  და შრომით საკითხებთან დაკავშირებით. შაბათს არის ბოლო სხდომა და მათ აქვთ საშუალება,  ამ ბოლო სხდომამდე  ეს ყოველივე გაითვალისწინონ.

_ როგორ ფიქრობთ, დაკმაყოფილდება  თქვენი მოთხოვნები?

_ თუ არ დაკმაყოფილდება, პროტესტის ნიშნად ჩვენც აუცილებლად დავტოვებთ კომისიას. ბოლომდე გამოვიყენებთ ყველა რესურს და საშუალებას. დიალოგის ფორმატი მთავრობასთან უკვე ამოწურულია. კონსტიტუცია არის საერთო შეთანხმების საერთაშორისო აქტი.  საერთო შეთანხმება თუ არ მოხდა, ეს იქნება მხოლოდ ერთი ძალის მიღებული კონსტიტუცია.

 

რჩეულები

ყველაზე ლამაზი სააღდგომო სუფრები (ფოტოები)

წითელ პარასკევს ყველა ოჯახში შეიღება წითელი კვერცხი და არა მხოლოდ წითელი. რამდენიმე წელია მოდური გახდა კვერცხების სხვადასხვა ფერად შეღებვა, ამიტომ ბევრ ოჯახში სააღდგომო სუფრებს...

ამინდი

tbilisi
overcast clouds
14 ° C
14 °
14 °
87%
1kmh
90%
Mon
21 °
Tue
19 °
Wed
13 °
Thu
12 °
Fri
12 °