All for Joomla All for Webmasters

მსოფლიო

მთავარი მსოფლიო

უმეთვალყურეოდ დატოვებული 8 თვის ბავშვი აბაზანაში დაიხრჩო

რუსეთში, ქალაქ ჩელიაბინსკში გამოძიება დაიწყეს იმ დედის წინააღმდეგ, რომლის 8 თვის შვილი, აბაზანაში დაიხრჩო.

პოლიციის ინფორმაციით, 14 დეკემბრის საღამოს, ქალმა 8 თვის გოგონა საბავშვო აბაზანაში დატოვა იმ დროს, როცა იქ წყალი გროვდებოდა. უყურადღებოდ დატოვებული ბავშვი რამდენიმე წუთში დაიხრჩო.

როგორც სამართალდამცველებზე დაყრდნობით ადგილობრივი მედია იუწყება, გარდაცვლილი ბავშვის დედა 20 წლისაა. ამ დროისთვის გამოძიება მიმდინარეობს, ხოლო სამართალდამცველები, დამნაშავე მშობლის მიმართ, აღმკვეთი ღონისძიების შერჩევის საკითხზე მუშაობენ.

აშშ-ს ტერაქტებით ემუქრებიან

ტერორისტული ორგანიზაცია ე.წ. ისლამური სახელმწიფო დონალდ ტრამპის ადმინისტრაციის მიერ, ისრაელის დედაქალაქად იერუსალიმის აღიარების გამო, აშშ-ს ტერაქტებით ემუქრება.

აღნიშნული მუქარები Telegram-ის მესენჯერში, მებრძოლთა პირად ანგარიშებზეაგანთავსებული. შეტყობინებებს თან ახლავს ნიუ-იორკის ქუჩებისა და ასაფეთქებელი მოწყობილობის ამსახველი ფოტოსურათები.

“ჩვენ სულ უფრო მეტ ოპერაციას განვახორციელებთ თქვენს მიწაზე, ბოლო წუთამდე და იმ ომის ცეცხლით გაგანადგურებთ, რომელიც თქვენ წამოიწყეთ ერაყში, იემენში, ლიბიაში, სირიასა და ავღანეთში”, – წერია მუქარაში, რომელსაც სააგენტო როიტერი ავრცელებს.

“ისინი ნორმალურები არიან?”

თქვენმა კონგრესმენებმა ერთ რიგში დაგვაყენეს ჩრდილოეთ კორეასთან და ირანთან და ამავე დროს უბიძგებენ თქვენს პრეზიდენტს, რომ ჩვენთან ერთად ირანისა და ჩრდილოეთ კორეის პრობლემები მოაგვაროს, – ასე მიმართა ვლადიმერ პუტინმა ამერიკული სააგენტოს Associated Press-ის ჟურნალისტს, რომელმაც მას ჩრდილოეთ კორეის კრიზისის საკითხზე აშშ-თან თანამშრომლობის შესაძლებლობაზე ჰკითხა.

„თქვენმა კონგრესმენებმა ერთ რიგში დაგვაყენეს ჩრდილოეთ კორეასთან და ირანთან და ამავე დროს უბიძგებენ თქვენს პრეზიდენტს, რომ ჩვენთან ერთად ირანისა და ჩრდილოეთ კორეის პრობლემები მოაგვაროს. ისინი ნორმალურები არიან? მგონი, ეს საღი გონების საზღვრებს ცდება“, – აღნიშნა პუტინმა.

პუტინის თქმით, რუსეთი ცდილობს, კონსტრუქციულად იმუშაოს ყველასთან საერთაშორისო უსაფრთხოების გლობალურ საკითხებზე. როგორც პუტინმა განაცხადა, მნიშვნელოვანია არ დავუშვათ ჩრდილოეთ კორეასა და აშშ-ს შორის კონფლიქტი.

ისრაელმა ღაზას სექტორთან საკონტროლო-გამშვები პუნქტი ჩაკეტა

 პალესტინელების მიერ რაკეტების გაშვების შემდეგ, ისრაელმა ღაზას სექტორთან საკონტროლო-გამშვები პუნქტი ჩაკეტა.

ღაზას სექტორიდან რაკეტების გაშვება პალესტინელებმა აშშ-ის მიერ ისრაელის დედაქალაქად იერუსალიმის გამოცხადების შემდეგ დაიწყეს.

ისრაელის ავიაციამ რადიკალური მოძრაობა „ჰამასის“ სამი ობიექტის წინააღმდეგ იერიში მიიტანა.

ისრაელის თავდაცვის სამინისტროს ინფორმაციით, საჰაერო დარტყმები განხორციელდა „ჰამასის“ საწვრთნელ ბაზასა და იარაღის საწყობებზე. ღაზას სექტორიდან ნასროლი ორი რაკეტა ისრაელის საჰაერო თავდაცვის სისტემა „რკინის გუმბათმა“ გაანეიტრალა, მესამე კი ღია ტერიტორიაზე აფეთქდა.

საერთო ჯამში, ღაზას სექტორიდან 15 რაკეტა ისროლეს. დაპირისპირების შედეგად ოთხი პალესტინელი დაიღუპა.

,,ვითარება უფრო მეტად გამწვავდება” – ისრაელის მიმართულებით სარაკეტო შეტევები განხორციელდა

,,ისრაელ-პალესტინის დაპირისპირება, ორმხრივი შეტევები. ისრაელის მიმართულებით სარაკეტო შეტევები განხორციელდა, რომელთა სრულად განეიტრალება საჰაერო თავდაცვამ ვერ შესძლო.

საპასუხოდ ისრაელმა საავიაციო იერიშები მიიტანა პალესტინის სამხედრო ინფრასტრუქტურაზე.

იერუსალიმის თემაზე ვაპირებდი სრულად დაწერას, თუმცა საკმარისად ითქვა და დაიწერა ჩვენთანაც, მსოფლიოშიც, მეც მქონდა ინტერვიუ.
ერთს დავამატებ მათთვის, რომლებიც მხოლოდ აღიარება- არაღიარების ჭრილში უყურებენ ყველაფერს.

პრობლემა მხოლოდ აღიარების კუთხით არ იქნება, სხვა ტიპის საფრთხეები იქნება მოსალოდნელი, თუ დაუფიქრებლად ვიმოქმედებთ. ენამ თუ ტვინს გაუსწრო სიჩქარეში, კბილებმა უნდა შეაკავოს, რათა უკბილოდ არ დავრჩეთ.

როცა მეზობელი სახელმწიფოს მხრიდან ძალიან მწვავე რეაქციებია, მეტი გააზრება გვმართებს და ნაკლებად უნდა გვადარდებდეს რას წერს შმულევიჩი ან სხვა ვინმე. ისრაელის მთავრობასთანაც სამუშაოა, რა თქმა უნდა.

ამიტომ იყო, როცა მხარი დავუჭირე პრემიერის განცხადებას ამ საკითხზე და იმედია შემდგომში აჟიოტაჟი აღარ იქნება.

რაც შეეხება ვითარებას, ის უფრო მეტად გამწვავდება. მიაქციეთ ყურადღება რა გადაწყვეტილება მიიღო არაბულ სახელმწიფოთა ლიგამ: საუბარია ამერიკისთვის სანქციების დაწესებაზე. ბევრს გაეცინება, მაგრამ წარმოიდგინეთ ჩვენს შემთხვევაში რა ზომები შეიძლება გატარდეს. ასე რომ, მეტი მოთმინება…” _ წერს ანალიტიკოსი სამხედრო-პოლიტიკურ და უსაფრთხოების საკითხებში ამირან სალუქვაძე.

ჩრდილოეთ კორეის ლიდერი პირობას დებს, რომ ქვეყანა უფრო მეტ ბირთვულ იარაღს შექმნის

ჩრდილოეთ კორეის ლიდერი პირობას დებს, რომ ქვეყანა უფრო მეტ ბირთვულ იარაღს შექმნის. ამის შესახებ კიმ ჩენ ინმა ფხენიანში გამართულ კონფერენციაზე სიტყვით გამოსვლისას განაცხადა.

ორდღიანი ღონისძიება სწორედ ბირთვულ პროგრამას მიეძღვნა. კიმ ჩენ ინმა პირადად დააჯილდოვა მეცნიერები, რომლებმაც ახალი ბალისტიკური რაკეტა შექმნეს. მისი გამოცდა 29 ნოემბერს ჩატარდა.

ექსპერტების შეფასებით, რაკეტას შეერთებული შტატების ტერიტორიამდე მიღწევა შეუძლია.

მიხეილ სააკაშვილის დაანონსებულ მარშზე პეტრო პოროშენკოს იმპიჩმენტს მოითხოვენ

კიევში დღეს მიხეილ სააკაშვილის დაანონსებული საპროტესტო მარში გაიმართება, რომელზეც უკრაინის პრეზიდენტის პეტრო პოროშენკოს იმპიჩმენტს მოითხოვენ.

აქციის მონაწილეები კიევის დროით 12:00 საათზე შევჩენკოს პარკში დაიწყებენ შეკრებას. მსვლელობისთვის აქტიურად ემზადებიან კარვების ქალაქშიც, სადაც ხელისუფლების მხრიდან პროვოკაციებს არ გამორიცხავენ და საპასუხო რეაქციებისთვის სხვადასხვა ფორმით ემზადებიან.

სააკაშვილმა უმაღლესი რადას კომიტეტის შენობა დაიკავა

ოდესის ყოფილმა გუბერნატორმა მიხეილ სააკაშვილმა, რომელზეც უკრაინაში ძებნაა გამოცხადებული, მხარდამჭერებთან ერთად სასტუმრო “კიევის” შენობა დაიკავა, სადაც უმაღლესი რადას კომიტეტია. ამის შესახებ უკრაინის გენპროკურორმა იური ლუცენკომ განაცხადა. ინფორმაციას ავრცელებს RIA.

“სააკაშვილმა თავის დაჯგუფებასთან ერთად სასტუმრო “კიევის” კარი დაამტვრია, იქიდან დაცვის სამსახურის თანამშრომელი გამოიყვანა და შენობა დაიკავა. ეს სისხლის სამართლის დანაშაულია და სააკაშვილი ამისთვისად შესაბამისად დაისჯება”, – განაცხადა ლუცენკომ.

მიხეილ სააკაშვილი კიევში გუშინ დააკავეს, თუმცა მხარდამჭერებმა ის მიკროავტობუსიდან დაიხსნეს. ბორკილდადებული ოდესის ყოფილი გუბერნატორი ხალხის წინაშე სიტყვით გამოვიდა. მან გენერალური პროკურორის ბრალდებას ტყუილი უწოდა.

უკრაინის უსაფრთხოების სამსახურის ოფიციალურ ვებგვერდზე აცხადებენ, რომ სააკაშვილს დანაშაულებრივ დაჯგუფებებთან თანამშრომლობასა და მათი საქმიანობის დაფარვაში ედება ბრალი. პროკურატურა მას ხელისუფლების დამხობის მცდელობაში ადანაშაულებს.

სააკაშვილისთვის წარდგენილი მუხლი სამიდან ხუთ წლამდე პატიმრობას ითვალისწინებს.

წყარო

სააკაშვილსა და მის გუნდს იულია ტიმოშენკოს მხარდამჭერები შეუერთდნენ

კიევში, რადას წინ, ე.წ. კარვების ქალაქში მიმდინარე საპროტესტო აქციას იულია ტიმოშენკოს მხარდამჭერები შეუერთდნენ. “ბატკივშინას” წარმომადგენლები ამ დროისთვის ადგილზე მიხეილ სააკაშვილის მხარდამჭერებთან ერთად იმყოფებიან.

წყარო

კალიფორნიაში მცხოვრები საქართველოს მოქალაქეების საყურადღებოდ! – საკონსულოს განცხადება

ნიუ იორკში, საქართველოს საკონსულო კალიფორნიაში ხანძართან დაკავშირებით, საქართველოს მოქალაქეებისთვის განცხადებას ავრცელებს და მოუწოდებს, შეასრულონ ადგილობრივი ხელისუფლების მითითებები, საჭიროების შემთხვევაში კი დაუკავშირდნენ „წითელ ჯვარს“ ან საქართველოს საკონსულოს.
“კალიფორნიის შტატში გამოცხადებულია საგანგებო მდგომარეობა. ადგილობრივი ხელისუფლება გუშინდელი დღიდან აცხადებს საევაკუაციო გეგმებს. კალიფორნიაში მცხოვრები საქართველოს მოქალაქეების საყურადღებოდ, გთხოვთ შეასრულოთ ადგილობრივი ხელისუფლების გაფრთხილებები. საჭიროების შემთხვევაში, თავშესაფრის შესახებ ინფორმაციის მისაღებად, გთხოვთ მიმართეთ Red Cross-ის ცხელ ხაზს – 866-272-2237 ან დაგვიკავშირდით გენერალურ საკონსულოს Facebook გვერდზე ან შემდეგ ტელეფონზე: 212-922-1722.
ადგილზე არსებული მდგომარეობისა და უსაფრთხოებასთან დაკავშირებულ საკითხებზე ინფორმაციის მისაღებად, გთხოვთ, იხილოთ შემდეგი ვებგვრედი http://emergency.lacity.org/skirball-fire – ნათქვამია საკონსულოს განცხადებაში.
კალიფორნიაში, ტყის ხანძრის გამო, საგანგებო მდგომარეობაა გამოცხადებული

წყარო

სხვადასხვა