All for Joomla All for Webmasters

კულტურა

მთავარი კულტურა

შმაგი ბოლქვაძე მსოფლიოს ჩემპიონია

პოლონეთში მიმდინარე მსოფლიოს 23-წლამდელთა ჩემპიონატის მეორე დღეს საქართველოს ბერძნულ-რომაული სტილით მოჭიდავეთა ნაკრების წევრი, 66 კგ. წონით კატეგორიაში მოჭიდავე შმაგი ბოლქვაძე ოქროს მედლის მფლობელი გახდა.

ოლიმპიურმა პრიზიორმა ფინალში რუსეთის წარმომადგენელი ალენ მირზოიანი შედეგით 2-0 დაამარცხა.

BBC-ის ახალ სერიალში მერაბ ნინიძე მონაწილეობს (ვიდეო)

ქართველი მსახიობი მერაბ ნინიძე BBC-ის ახალ სერიალში McMafia, რომელიც ეკრანზე 2018 წელს გამოვა, ერთ-ერთ მთავარ როლს შეასრულებს.

სერიალის სიუჟეტი გლობალური მაფიის ისტორიაზეა. ინგლისში გაზრდილი რუსული მაფიოზური ოჯახის წევრი საკუთარი წარსულისგან გაქცევას და ახალი ბიზნესის დაწყებას ცდილობს. თუმცა წარსულისგან თავის დაღწევას ტრაგიკული შემთხვევა არ აცდის, რომელიც მას კრიმინალურ სამყაროში დაბრუნებისა და საყვარელი ადამიანების დაცვისკენ უბიძგებს.

სერიალში ოთხი მთავარი პერსონაჟია, რომელთაგანაც ერთ-ერთს სწორედ ნინიძე თამაშობს.

სერიალს ერთდროულად BBC, AMC და Cuba Pictures იღებენ.

ლაშა ტალახაძემ დღეს უკვე მეორე მსოფლიო რეკორდი დაამყარა

დუშეთის კულტურის სახლში, ატაცში 220 კილოგრამი აწევისა და მსოფლიო რეკორდის დამყარების შემდეგ, ლაშა ტალახაძემ აკვრაში 254 კილო დასძლია და ჯამური მსოფლიო რეკორდი დაამყარა (474 კილო).

საგულისხმოა, რომ აღნიშნული რეკორდი თავად ლაშა ტალახაძეს ეკუთვნოდა. მან რიოს ოლიმპიადაზე ჯამში 473 კილო ასწია (ატაცი – 217, აკვრა 256).

წელს ძალოსნობაში მსოფლიო ჩემპიონატი კალიფორნიაში, ქალაქ ანაჰაიმში გაიმართება და ტურნირი 28 ნოემბერს დაიწყება. მძიმეწონოსნები 5 დეკემბერს იასპარეზებენ.

ლაშა ტალახაძე მსოფლიო ჩემპიონატს მთავარი ფავორიტის სტატუსით ხვდება.

 

“ამ ღონისძიების მიზანია საქველმოქმედო ორგანიზაცია დედების ფონდის მხარდაჭერა”

9 სექტემბერს დედების ფონდი და ბრიტანულ-ქართული მუსიკის აკადემია საზეიმოდ მემორანდუმს გააფორმებს. საღამოს გააფორმებს პროფესიონალი მუსიკოსების მიერ შესრულებული ნაწარმოებები.

გელით სასიამოვნო საღამო ღია ცის ქვეშ, ალა ფურშეტი და უამრავი სიურპრიზი. ღონისძიების მიზანია საქველმოქმწდო ორგანიზაცია დედების ფონდის მხარდაჭერა, მუსიკალური აკადამია ყოველი თვის ნამუშევრიდან შემოსული თანხის ნაწილს ფონდის ბენეფიციარების გამოჯანმრთელებას მოახმარს.

ბილეთებიდან შემოსული თანხა, სრულიად ჩაირიცხება დედების ფონდში და მოხმარდება ფონდის ბენეფიციარებს საღამოს კულმინაციაა ტორტის გაჭრა და მემორანდუმის გაფორმება მისამართი კუს ტბის ასახვევი, კულტურის ცენტრი მუზა. დასაწყისი 17:30 ბილეთის ფასი 15 ლარი ბილეთების შესაძენად დაუკავშირდით: 557599995

ბაკურ გელაშვილი: ყველა თავის სოფლის მეჭუჭურჭლეთუხუცესი უნდა გახდეს

ბორჯომი. სოფ. ყვიბისი. ბერისაყდრების მონასტრის ნანგრევები X-XI სს.

ჩემი შესაძლებლობის ფარგლებში დავდივარ აქეთ-იქით და ბევრი ადგილი ვნახე, ალბათ ათასჯერ უფრო მეტი უნახავი დამრჩება, მაგრამ ერთი აზრი მაწუხებს, რამდენი უნიკალური ძეგლი ნადგურდება ჩვენს თვალწინ, რამდენი უკვე მიწისქვეშა ისტორიის კუთვნილება გამხდარა. დიდი ილიას თქმისა არ იყო ჩვენი ისტორია მხოლოდ მეფეების ისტორიაო, ასეა ჩვენი ეკლესია-მონასტრების თუ ციხეების საქმეც. რამდენი სალოცავია რომელიც თავისი მოკრძალებული უბრალოებით, სიმარტივით დიდ ,,ყურადღებას” არ იწვევს ფართო საზოგადოების მხრიდან, არადა ამასობაში ის ჟამთა კრიალოსანზე იმარცვლება მათი საუკუნოვანი ქვები. არ ვიცი გვაქვს თუ არა (თუ გვაქვს მითხარით დიდი სიამოვნებით შევიძენ) საქართველოს ეკლესია-მონასტრების, ციხეები ენციკლოპედიური ცნობარი მაინც, სადაც შესული იქნება ყველა სოფლის არა მხოლოდ მეფეებივით ცნობადი ტაძრები და ციხეები არამედ ყველა პატარა სალოცავიც და კოშკიც კი. მე ვფიქრობ ამ საქმეში ყველა უნდა გაერთიანდეს, ყველა თავის სოფლის მეჭუჭურჭლეთუხუცესი უნდა გახდეს და ერთად მოეყაროს ყველა ფოტოს თუ ცნობას თავი და ერთ დიდ სქელტანიან ნაშრომად ან ნაშრომებად გამოიცეს, აქვე უნდა მოხდეს ყველა ახალი აგებული ეკლესია-მონასტრის შესახებ ინფორმაციის მოძიებაც. ამ საქმეში უნდა გაერთიანდეს, ეპარქიები, კულტურული მემკვიდრეობა, მეცენატები. თავისუფლად შეგვიძლია ჩაერთნონ პედაგოგები და ყველა ის ადამიანი ვინც ამ საკითხებით დაინტერესებულია და მუშაობს. დამერწმუნეთ კარგი ორგანიზების შემთხვევაში და სათანადო მხარდაჭერით ყველა სოფელში თუ რაონში რამდენიმე თუ არა ერთი კარგი საქმის გამკეთებელი გამოჩნდება.

ავტორი: ბაკურ გელაშვილი

მსახიობი მაყურებელის წინაშე სრულიად შიშველი წარსდგა

ცენზურის დაბრუნების იდეით გამოდის ვაგანოვას სახელობის რუსული ბალეტის აკადემიის რექტორი, რუსეთის სახალხო არტისტი ნიკოლოზ ცისკარიძე. სააგენტო TASS-ის ცნობით კი დღეს მან განაცხადა, რომ “სცენაზე დაცული უნდა იყოს ზდილობის ნორმები და პირადად მას არ ესმის მათი, ვისაც უნდა, რომ სცენაზე დაინახოს გარყვნილება”.

ცისკარიძე ასევე ამბობს, რომ თეატრში მას უნდა, რომ იხილოს მხოლოდ სილამაზე. საქმე ეხება ბალეტ”ნურიეევი”-ს გახმაურებულ პრემიერას, რომელიც უნდა შემდგარიყო 10 ივლისს, მაგრამ არ შედგა. კულტურის მინისტრის, ვლადიმერ მედინსკის განკარგულების საფუძველზე სპეკტაკლი მოიხსნა დღის წესრიგიდან. ბალეტი “ნურიეევი”-ს ამზადებდნენ ორი წლის განმავლობაში დიდი თეატრის რეჟისორები: კირილ სერებრენიკოვი, კომპოზიტორი-ილია ლემუჩი და ქორეოგრაფი იური პოსოხოვი. სპექტაკლის პრემიერა უნდა გამხდარიყო ყველაზე ხმაურიანი ამ სეზონზე. ბალეტი აღწერს საბჭოთა მოცეკვავის ცხოვრებას, რომელიც 1961 წელს წავიდა გასტროლებით პარიზში, მოითხოვა პოლიტიკური თავშესაფარი და გახდა პარიზის მოქალაქე. ეს გახლავთ რუდოლფ ნურიევი –  გამოჩენილი რუსი ბალერონი, რომელიც ცნობილი იყო არა მხოლოდ თავისი ცეკვის ოსტატობით, არამედ განსხვავებული სექსუალური ორიენტაციით. სპექტაკლის პრემიერამდე მისი ჩვენება დიდ თეატრში მოხდა, სადაც “ნურიეევი”-ს როლის შემსრულებელი მაყურებელთა წინაშე სრულიად შიშველი წარსდგა. ამ ჩვენების შემდეგ კი, თეატრის დირექტორმა ვლადიმერ იურინმა განაცხადა, რომ  პრემიერა უნდა გადაეტანათ, რადგან სპექტაკლი არ იყო მზად. მიზეზად დაასახელა ქორეოგრაფიული მოუმზადებლობა. სპექტაკლის გადატანის გამო საზოგადიებამ გამოითქვა სინანული, არტისტებმა კი ბევრი დრო და ენერგია დახარჯეს.

მოამზადა სალომე მგელიაშვილმა

პარლამენტში პრეზიდენტის მხარდამჭერები შეიჭრნენ

ვენესუელის პარლამენტში პრეზიდენტ ნიკოლას მადუროსმხარდამჭერები შეიჭრნენ და ოპოზიციონერ დეპუტატებსა და ჟურნალისტებს თავს დაესხნენ. შემთხვევის შედეგად, დაშავდა სულ მცირე 8 ადამიანი. 

არეულობა მაშინ დაიწყო, როდესაც პრეზიდენტი ვენესუელის დამოუკიდებლობის დღესთან დაკავშირებით, სამხედრო აღლუმზე სიტყვით გამოდიოდა.

პრეზიდენტის მხარდამჭერების ეროვნულ ასამბლეაში შეჭრამდე, შენობაში ქვეყნის ვიცე-პრეზიდენტი შეიარაღებული ძალების მეთაურთან და მინისტრებთან ერთად შევიდა და ხელისუფლების მომხრეებს პარლამენტთან მისვლასა და მხარდაჭერის გამოხატვისკენ მოუწოდა, რის შემდეგაც ეროვნული ასამბლეის შენობასთან აქცია დაიწყო, მოგვიანებით კი მისი მონაწილეები შენობაში შეიჭრნენ. შედეგად, რამდენიმე საათის განმავლობაში პარლამენტის შენობაში 350–მდე ადამიანი აღმოჩნდა ბლოკირებული. 

ეს ოპოზიციური ძალების წარმომადგენლებსა და ჟურნალისტებზე თავდასხმის პირველი შემთხვევა არ არის. რამდენიმე დღის წინ ისინი ეროვნული გვარდიის წევრებმა სცემეს და პარლამენტის ბლოკირება განახორციელეს, რასაც ქაოსი მოჰყვა.

პარალელურად კი ვენესუელის უზენაესი სასამართლოს შენობას ვერტმფრენიდან ყუმბარები დაუშინეს. ინციდენტი იმ დროს მოხდა, როდესაც ქვეყნის პრეზიდენტი, ნიკოლას მადურო პირდაპირ ეთერში სიტყვით გამოდიოდა.

მომხდარი პრეზიდენტმა ტერორისტულ თავდასხმად შეაფასა და მონაწილე პირების მართლმსაჯულების წინაშე წარდგენის პირობა დადო. ოპოზიციურ ძალებს კი, ამბოხისა და მისი მთავრობის ჩამოგდების მცდელობის შემთხვევაში, ომის გამოცხადებით დაემუქრა.

 

,,ვეფხისტყაოსნის” კორეულ ენაზე თარგმნას 10 წელი მოანდომეს

კორეაში, ქ. სეულის იონსეის უნივერსიტეტის პროფესორის, ჩო ჯუ-კვანიმ კორეულ ენაზე თარგმნა ,,ვეფხისტყაოსანი”.

ჩო ჯუ-კვანი ქართულ ნაწარმოებზე 10 წლის განმავლობაში მუშაობდა. აღსანიშნავია, რომ „ვეფხისტყაოსანი“ კორეულ ენაზე ნათარგმნი პირველი ქართული ლიტერატურული ნაწარმოებია. პროფესორი ჩო ჯუ-კვანი ახლო მომავალში „ვეფხისტყაოსანზე“ საკუთარი კვლევითი ნაშრომის გამოქვეყნებას გეგმავს.

ნაწარმოების თარგმნის პროცესში კორეელ პროფესორს კონსულტაციებსა და დახმარებას უწევდა აღმოსავლეთმცოდნე, პროფესორი გურამ ჩიქოვანი და ქ. სეულის ჰანკუკის უცხო ენათა უნივერსიტეტის ქართველი მაგისტრანტი, რუსუდან ფირცხალავა.

ვეფხისტყაოსნის კორეულ ენაზე გამოცემა კორეის რესპუბლიკაში საქართველოს საელჩოს დახმარებით განხორციელდა.

სოსო გაზდელიანი

ნახატი, რომელმაც საზოგადოება სამ ნაწილად დაყო

ჯექსონ პოლოკი იყო გავლენიანი ამერიკელი ხელოვანი და აბსტრაქტული ექსპრესიონიზმის ერთ-ერთი დამაარსებელი. მისი ნამუშევრები დიდი განხილვის საგანს წარმოადგენდა, ამის საფუძველზე გამოიყო ადამიანთა სამი ძირითადი ჯგუფი, რომლებიც სხვადასხვაგვარად აფასებდნენ ჯექსონის ნამუშევრებს:

პირველი ჯგუფი თვლიდა, რომ მისმა ნახატებმა ისტორიაში დიდი როლი ითამაშა. მეორე ჯგუფში შემავალი ადამიანები ჯექსონის ნახატებს აკრიტიკებნენ და მიიჩნევდნენ, რომ მასში არანაირი ნიჭი არ არსებობდა. რაც შეეხება მესამე ჯგუფს, აქ იყვნენ ადამიანები, რომლებიც მზად იყვნენ გადაეხადათ 156,8 მილიონი დოლარი.

სოსო გაზდელიანი

ვეფხისტყაოსანი პარლამენტარებმა გადაწერეს

პროექტი “გადაწერე ვეფხისტყაოსანი” გრძელდება. დღეს “ვეფხისტყაოსნიდან” ნაწყვეტები პარლამენტარებმა გადაწერეს, ქეთი მატაბელის მიერ ხელნაკეთ წიგნში.

პროექტი კულტურის სამინისტროს ინიციატივით, რუსთაველის დღის დაარსების აღსანიშნად, 15 მაისს დაიწყო. “ვეფხისტყაოსნის” გადაწერაში უკვე მიიღეს მონაწილეობა ახალციხეში, ვარძიაში, გორსა და მცხეთაში. “გადაწერე ვეფისტყაოსანი” ყველა რეგიონს მოივლის და 26 მაისს თბილისში, რუსთაველის გამზირზე საზეიმოდ დასრულდება. ხელნაწერი წიგნი ხელოვნების მუზეუმში შეინახება.

სხვადასხვა