,,შს სამინისტროსგან კატეგორიულად მოვითხოვთ საქმის დაუყოვნებლივ, ცხელ კვალზე გახსნას”

თამაზ ელიზბარაშვილის ძაღლების თავშესაფარი განცხადებას აქვეყნებს:

,, 19 ივლისს, დაახლოებით 17 საათზე VIP-2 ვოლიერში მოკვდა 4 წლის ხვადი კავკასიური ნაგაზი _ბუბუ , იგივე ,,რიჟა კახელო”. იმავე დღეს გადავაგზავნეთ სოფლის მეურნეობის კვლევით ლაბორატორიაში ექსპერტიზის ჩასატარებლად. მეორე დღეს ლაბორატორიის უფროსმა გაგა ოსიაშვილმა სატელეფონო საუბარში გვითხრა, რომ ძაღლის სიკვდილი გამოწვეულია სიცოცხლისათვის შეუთავსებადი ფიზიკური ტრამვების გამო, რაც შესაძლებელია შეჯახებით ან ჩარტყმითო. 20 ივლისს შევიტანეთ განცხადება ისანი სამგორის პოლიციის მე-7 განყოფილებაში და დაიწყო გამოძიება სსკ-ის 259-ე მუხლით. ამ საქმის გამოძიება უმარტივესია და კატეგორიულად მოვითხოვთ შსს-გან საქმის დაუყოვნებლივ, ცხელ კვალზე გახსნას. აქვე ვაქვეყნებთ ექსპერტიზის დასკვნას”.

.