საზოგადოება
,,საპენსიო ჩიხი გარდაუვალია”
“საქართველოში პენსიონერთა რიცხვი წლიდან წლამდე დიდი სისწრაფით მატულობს, რაც ბიუჯეტს დიდ ტვირთად აწვება. ქვეყანაში არ იზრდება შობადობის მაჩვენებელიც. ბოლო 2 წლის განმავლობაში პენსიონერთა რაოდენობა 13 000-ით გაიზარდა. თუკი მატება ამ ტემბით გაგრძელდა, 10 წელიწადში ქვეყანას დაახლოებით კიდევ 80 000 პენსიონერი შეემატება, რაც ეკონომიკურ პრობლემებს გააჩენს.
სპეციალისტების აზრით, საპენსიო ჩიხი გარდაუვალია, აქედან თავის დაღწევის ერთ-ერთი გზა კი რეფორმის გატარება და ქვეყნის დემოგრაფიული პრობლემის მოგვარებაა. ორივე მიმართულებით მუშაობას წლები სჭირდება. მხოლოდ მაშინ დაბალანსდება სიტუაცია თუ შობადობაც მოიმატებს – ნათქვამია”რეზონანსის” მიერ გავრცელებულ სტატიაში.
